جولان طالع في جواله لحظات قبل ما يتنهد ويقفله بعدها يرجعه لجيبه ويسحب الشنط اللي قدامه بشنطة السيارة
تحرك لجوة العمارة وشاف سند واقف عند باب المصعد وماسك الباب لجولان اللي ابتسم وقرب ودخل الشنط للمصعد بعدها دخل
- ليش ما طلعت ؟
سند تثاوب وهو يحك عيونه بنعاس
- ما ابغى اسيبك لحالك تطعلهم
جولان ابتسم وهو يلف يده حولين كتف سند
- نمت أغلب الطريق فكيف لساتك نعسان ؟
سند ميل راسه ناحيت كتف جولان وغمض عيونه
- لو نمت باقي عمري ببقى نعسان صدقني
ضحك جولان وهو يرجع يمسك الشنط لانهم وصلوا الدور تبعهم وتحرك سند قدامه ناحيت شقة سند اللي فتح الباب وتحرك يرمي نفسه فوق الكنب بينما جولان دخل وراه وقفل الباب وبدأ يعلق الجاكت تبعه ويحط المفتاح فوق الصحن اللي بالمدخل وتحرك بعدها يشغل الانوار ويشيك على الغرف زي عادته
سند كان وجهه على الكنب بس رفع راسه شوي يطالع جولان يتحرك بالشقة يشيك على الغرف بهدوء
ابتسم سند ورفع نفسه يجلس فوق الكنب وهو يراقب حبيبه قبل ما يتكلم
- كيف بيتك ؟
جولان ألتفت يطالع سند
- هاه ؟
سند ضم يدينه في بعض وهو يطالع جولان
- بيتك .. هناك ..
جولان ابتسم وتحرك للكنبة يجلس عليها
- يعني .. مجرد بيت عادي
سند عض شفايفه
- عندك حديقة قدامه ؟ .. زي اللا اشوفها بالافلام ؟!
ضحك جولان
- مو قدامه .. عندي حديقة صغيرة ورى .. امي زرعت فيها ريحان ونعناع من زمان .. وللان بتزهر يعني
سحب جولان جواله وفتح على برنامج كاميرات المراقبة بعدها مده لسند
- في كاميرات محاوطة البيت من كل الجهات ف .. ذي هي الحديقة
سند سحب الجوال يطالع الحديقة الصغيرة .. الكرسيين اللي قرب الباب .. والمجسمات الصغيرة بالحديقة بعدها جولان حرك شي بالبرنامج وجا الباب الامامي وشاف سند الشارع اللي قدام البيت وضحك
- متأكد ذي مو مقاطع من فلم ؟
جولان هز راسه وسند قلب الكاميرا عشان يشوف الباقية ووحدة منهم كانت للقراج من جوة فشهق لما شاف الموسيتنق القديمة
- ثواني ذي .. شغالة !
جولان طالع وضحك
- يب .. ذي سيارتي .. اخذتها وهيا شبه مدمرة و .. اوقاتي فراغي كانت دايما معاها
سند طالعها بعدين سكت شوي
- ا .. اسمع .. ك .. كنت بقولك شي
جولان عقد حواجبه وطالع بسند
- ايش في حبيبي ؟
سند عض شفايفه
- ا .. افكر .. لا .. صراحة هو اشبه بقرار
جولان ظل يطالع سند عشان يشجعه يتكلم فسند غمض عيونه
- بسافر مع بابا وهيرو .. ماليا مكان هنا و ..
أنت تقرأ
راجس
قصص عامةيا حاضري ومستقبلي .. يا جرحي وعلاجي .. يا جنوني واعظم درجات عقلي .. ( عامية جداوية )
