راجس

182

انس عقد يدينه قدام صدره
- خرج ؟! .. بدون ما يكلمني ؟!

عامر طالع فيه باستغراب وهو يحك ذقنه
- ما كلمك ! .. سمعته يقول لاحد انو خارج الان وتوقعته انت ! .. انا سلمته المبلغ وهو طلع ! .. ثواني لا يكون مرسول من احد ! ..

انس قاطعه
- مستحيل .. قلتلك اني اضمنلك راجس ! .. هو اتفه من انو يتفق مع احد .. يمكن راح لسياف ..

عامر هز اكتافه
- يمكن ..

قرب من انس ولف يدينه حولين اكتاف انس
- ترى الكنبة هنا مريحة جدا ..

انس بعد يدين عامر عنه وطالع في الكنبة .. سبق وجرب ينام عليها وايوة مغري انك تنام بغرفة فيها اسلحة وخزنة عملاقة فيها فلوس .. بس هو دحين مرتبط .. ومافي شي بعيونه اجمل من حضن سلطان !

تحرك ناحيت المخرج بس وقف للحظة وطالع في الارض .. في بقعة موية في جهة معينة ..

تحرك ناحيته وعامر طالع في ذاك المكان وحرك يده وطيح الكاس اللي كان قربه على الارض

انس فز من الصوت وألتفت لعامر اللي حرك يدينه وهو يتثاوب
- عرض السرير باقي متاح على فكرة !

انس كشر ورجع يتحرك لبرة الغرفة بدون ما يفكر ببقايا الموية اللي في الارض بينما عامر ابتسم .. هو سبق ومسح الارض مكان دم راجس .. هو يعرف انو انس بيجي يدور عليه .. انس يحب راجس من زمان ودايما ينتبهله .. وللاسف عامر هو اللي بيقتله .. وواضح انو ذا شيء عائلي .. ابوه يقتل رواد .. وهو يقتل راجس .. وتستمر الحكاية

تحرك ناحيت الباب وسحب الخشبة يقفل بيها المدخل قبل ما يسحب القفل ويتأكد انو البدروم والغرفة المخفية كذا مقفلة .. بعدها تحرك ناحيت الخزنة

لما فتح القفل شاف راجس ممد بوسط الفلوس .. منظره كان جميل وقطرات الدم ملطخة وجهه وواضح انو حاول يعافر قبل ما ينهار .. حاول يكسر الحاجات اللي حوله بس كل اللي حوله كان ورق .. مجرد فلوس ..

ضرب عامر باب الخزنة من جوة .. فكرة كويسة لما فكر يضيفلها عازل صوت .. تحرك ناحيت جسم راجس المدد وضربه برجوله عشان يتأكد انو راجس ما بيتحرك .. هو يدري انو الجرعة اللي حطها لراجس كانت قوية .. بس هو يبغاه كذا .. منهار بدون اي حيل او قوة .. مجرد ورقة هايمة في عالم ثاني ..

عامر نزل ومسك وجه راجس اللي كان يرمش بشكل خفيف وفمه مفتوح .. هو مو قادر يميز الحقيقة من الخيال .. الالوان اللي حوله .. هل ذا ابوه ؟ .. لا .. راشد ؟ .. طيب ليش واقف بعيد .. بس انس هنا .. عادل ! .. ليش في ناس كثير .. صوت امه تتكلم .. امنية تجي من جنبه .. ورازي يمد يده بقرطان الشبس عشان ياكلوه سوا .. وسياف بيهمس في اذنه بكلام مو قادر يفهمه

عامر ابتسم ونزل يده لرقبة راجس .. جرح الابرة هناك ودمه نشف فشكل خطوط حمرا فوق رقبته تنزل لتحت .. تيشرته الابيض صارت فيه خطوط عودية غامقة .. نزل عامر وجهه وشم الدم اللي على رقبة راجس .. للحظة اعتراه احساس شهوة .. هو ما يقدر يأذي احد .. ممنوع بالاصح من انو يأذي احد .. ما مارس مع شخص يقدر يقتله من زمان .. هو يحب يستكشف حدود متعته .. مع بشر او جثث .. ما يفرق .. بس فكرة امتصاص الحياة من جسد حي .. فكرة انو جسم راجس متاح قدامه إلين يموت .. يقدر يحتجزه هنا .. هو ما يشبه رازي صح بس .. هو يفي بالغرض .. يمكن لو طول شعره شوي .. لو زود الرجعات .. هو متأكد انو بعد الجرعة ال٣ بيصير زي رازي .. حبكي بنفس ذيك العيون الزجاجية وصوته ؟ .. نبرته تختلف بس برضوا .. بترضي شهوة عامر .. اي شي تحت تحكمه بيرضي شهوته .. وراجس بين يدينه دحين وللابد .. هو كسب .. وذا اللي يهمه بذي اللحظة