راجس

144

شادي رجع ظهره على الكنبة بتعب وفز لما نواف وقف وزعق
- تم !

الكل ألتفت لنواف اللي كان ماسك جواله وطالعهم وهو مبسوط بس محد منهم فهم الموضوع فهو نول يدينه بهدوء وبلل شفايفه
- رفعت شكوى لإدارة تويتر .. انو الترند يستهدف التنمر و لأن احداثيات الحسابات اللي انا ماسكها وتفعليهم للاشتراك يخليها موثوقة ولاني استعملت قروب الدعم اللي اعرف ف ..

سياف قاطعه
- نواف .. كلام عربي الله يخليك

نواف سكت يرتب افكاره وغمض عيونه
- الهاشتاق بيتوقف .. اي شي بينتشر عليه بيصير عليه بلوك وخوارزميات تويتر ما بتنشره .. بالعربي الترند انقتل .. حتى لو فكر ذاك الشخص يسوي اي شي يشهوه سمعت راشد .. ما بيقدر

راشد طالع بنواف
- جد ؟

نواف هز راسه وهو يبتسم
- انحلت المشكلة وما يحتاج تفكر بيها حتى

راشد وقف وتحرك ناحيت نواف قبل ما يحضنه ويقز نواف ينفجع

رازي ابتسم وهو يطالع راشد اللي حضن نواف شوي قبل ما يبعد عنه
- لا تتعود عليها لانها مرة بالعمر

راشد تحرك لحضن شادي وضمه
- انا اسف اني خوفتك علي

رازي تحرك ومسك وجه نواف بيده
- كذا جد .. خلص الموضوع

نواف لف يدينه حولين رازي
- ما يحتاج تشيل هم شي .. قلتلك بحلها بنفسي .. وحليتها

راجس طالع في راشد وهو يحضن شادي وتكلم بشويش
- انا اسف

سياف مسح على ظهر راجس
- كونهم حيوانات مو ذنبك .. حلينا الموضوع وذا المهم

راجس نزل عيونه
- ما حليناه .. انس رايحلهم فالموضوع ما انتهى

سياف باس جبين راجس
- بيعرف يتصرف .. واضح انو زيك فأكيد بيعرف يتصرف

راجس رفع حاجبه وطالع في سياف
- مو زيي ؟! .. قصدك !

سياف هز راسه وهو يبتسم
- تعرف .. عبيط عنودي يتأثر بسرعة ويبكي بسرعة و ..

ما كمل لانو راجس دعس على رجوله بالقوة فنط سياف وهو يتألم ويبعد عن راجس اللي كمل وهو يقرص يد سياف ويسحب شعره

بينما راشد ألتفت وضحك وهو يشوف سياف يحاول يدافع عن نفسه بس راجس حول القرصة لشدت شعر ذقن سياف اللي بدأ يزعق ونواف يضحك ورازي متكف يدينه قدام صدره
- تستاهل

راشد سحب راجس عن سياف
- بشويش لا تقتله

راجس كمل يسحب ذقن سياف
- ما بيموت بيتعذب بس !

سياف ضرب يد راجس فتركه ورجع يمسك راسه بألم
- انا فين

راجس قلب عيونه بينما راشد ضحك
- عشان لا تفكر تقول ذا الكلام عني ثاني !