اغلب المكاتب كانت فاضية .. الدوام انتهى من ساعتين والكل طلع بما فيهم رازي ونواف .. بس انوار مكتب سلطان لسه شغاله ..
تحرك انس ناحيت مكتب سلطان وزي عادته فتح الباب بدون ما يدقه
لف بعيونه بالمكتب وشاف سلطان متمدد فوق الكنبة وهو لابس نظارته بس عيونه مغمضة وفوق صدره مجموعة اوراق واللاب قدامه مفتوح وواضح انو نام بوسط شغله
ابتسم انس وتحرك ناحيت الكنب وبدأ يجمع الاوراق من الارض لانو بعضها طاح من يد سلطان وهو نايم
بعدها سحب بشويش الاوراق اللي فوق صدر سلطان وتحرك لمكتب سلطان .. سحب الكرسي وجلس على المكتب وبدأ يطالع الاوراق .. اغلبها حسابات سواها رازي لانو رقمه الوظيفي مطبوع على طرفها وواضح انو سلطان بيحاول يخلص الجرد السنوي ويقارن ارباح جدة بالرياض ..
رتب انس الاوراق قدامه وبدأ يراجع الارقام .. هو خريج كلية ادارة وعنده خبرة كويسة في التدقيق الداخلي بحكم المنحة اللي جاته من الجامعة
سحب قلم التحديد وبدأ يخطط على الارقام اللي يحس يبغالها مراجعة من ناحيت الفواتير وتفاجئ انو شغل رازي مرتب جدا ! .. يعني لو حدد بالصفحة ٣ فواتير تحس انو ارفامها غلط بتلقى رازي اصلا مدبس الثلاث فواتير ورى الصفحة وفيها وصف وتوضيح في كيفية صرف التكلفة بشكل دقيق
انس طالع في ملاحظات رازي .. بسيطة ومرتبة ومفهومة .. شي صعب يسوها ناس اقدم منه بالمحاسبة بس توئمه بذل جهده .. انك توصل لذا المستوى بكم سنة .. هو شي مبهر
انس هز راسه وبعد الاوراق تبع رازي وسحب اضوراق فرع الرياض وياه .. كل اللخبطة والحوسة من اوراق الرياض ! .. لو هو مكان سلطان كان رسل رازي للرياض يدرب المحاسبين هناك شهرين بعدين يرجعه لهنا !
بدأ يقلب الاوراق وهو يصحهها ويحاول يجمعها بنفس طريقة رازي وهنا بدأت يعصب .. ليش صعب تسوي شي سهل رازي يسويه كل يوم ؟!
دبس الاوراق سوا بعدها بدأ يرتها عشان تصير بالتسلسل الصحيح للسنة المالية وسحب فايل فاضي وحط الاوراق جوته وقفله وكذا ثلاث ارباع الورق اللي كان حول سلطان خلصه
شاف شاشة جواله تنور فسحبها ولقى رسالة من امه
- جالس تطول وما تكلمني
تمهد انس وهو يضغط على زر الاتصال وينتظر امه اللي رفعت بسرعة وفتحت الكاميرا
عقد انس حواجبه لما شاف الخلفية .. هما مو بالبيت ! .. و .. بيان حاطة مخدة الرقبة تبع السفر على رقبتها !
انس كشر
- فين مسافرين ؟!
عضت عبير شفايفها لانو ولدها اكتشف خطتهم وبيان ابتسمت
- محنا مسافرين .. انت تتخيل انوسة
انس قلب عيونه
- ترى شايف الشنط جنبكم !
بيان سحب الشنطة ناحيتها
- اوه ذي ؟ .. ذي اغراضك عشان تعرف .. قررنا نرميها برة بما انك نادرا ما ترجع البيت
أنت تقرأ
راجس
قصص عامةيا حاضري ومستقبلي .. يا جرحي وعلاجي .. يا جنوني واعظم درجات عقلي .. ( عامية جداوية )
