راجس

179

راجس ظل واقف وفي شخص جالس يتأكد انو المايك مثبت مزبوط بطرف ملابس راجس بدون ما يبان

زياد قرب وهو عاقد يدينه قدام صدره
- يحتاج اراجع معاك الخطة ؟

سياف تكلم
- على الاقل خلي معاه سلاح يحمي نفسه بيه !

زياد تنهد بيرد بس بداله تكلم امجد ( ايه هو نفسه )
- لو شك عامر بيه وعرف انو معاه سلاح حيقتله .. الافضل يظل يتحرك كشخص طبيعي

راجس طالع في سياف وابتسم بهدوء بس سياف تنهد وهو يرجع يتكي على الجدار .. قلبه ما بيرتاح وحبيبه رايح للخطر .. راجس كتب وصيته .. قسم كل اغراضه .. والاسوء انو سوا كل ذا قبل ما طلال يقرر يقول لسياف وراجس كل شي .. ردفت فعل راجس وصدمته .. انهياه لما استوعب كل شي .. بعدها لما سمع كلام زياد .. عن اخوه .. عن انس وعامر .. عن شغل انس في العسكرية بشكل سري .. عن جولان ومهامهم .. هو حس انو كل اللي حوله كذبة .. كأنه مجرد متفرج في حياة المفروض تكون حياته

وسياف عرف انو بذيك اللحظة يحتاج يتمسك براجس بالقوة .. لانو انهيار راجس ما بيكون بسيط .. ولو سياف ما وقف معاه ووافق على كل شي يبغى يسويه فغالبا رايح بيروح يقتل نفسه ! .. او يسوي مصيبة بوسط انفعاله .. عشان كذا لما راجس فز ومسك راشد سياف استوعب انو في شي بدماغ راجس .. شي بدأ يخطط له .. وعرف انو خطة راجس مجنونة ولازم يرفضها .. بس يعرف كمان انو راجس بيروح يسويها من وراه لو ما وافق عليها .. يعني راجس تخلى عن اخوانه وبعدهم عشان يسوي الشي اللي بيشوفه غلط فما بيوقف لانو سياف قاله وقف ! ..

على الاقل سياف يقدر يساعد .. يكون هنا ويتأكد انو راجس بخير

فز من افكاره لما راجس مسك يده
- حكون كويس ..

سياف طالع في عيةن راجس ورفع يده حطها على خد راجس
- لو صرلك شي راشد ما بيسامحني

راجس ضحك
- ما بيفكر فيا .. مو بعد اللي قلته ..

سياف باس راس راجس .. كيف يشرحله انو راشد بيظل يهتم بيه حتى لو رفع السلاح واطلق النار على راشد ؟

بعد عن راجس لما انفتح الباب وراجس ابتسم مرة اخيرة قبل ما يتحرك برة عشان يكمل الترتيبات بينما امجد دخل الغرفة وتحرك ناحيت سياف ووقف قدامه وحط يده على كتف سياف
- اولويتنا حتكون سلامة راجس .. فلا تشيل هم .. كل الا نحتاجه يشويه هو انو يتكلم ويستلم الفلوس .. مافي اي خطر عليه

سياف طالع في الباب وعيونه تدور على راجس وقلبه يدق مو عارف لو كل ذا اصلا صح او غلط

⚜️⚜️⚜️⚜️⚜️

انس كان واقف في الغرفة الفاضية .. المفروض انها غرفة راجس بس راجس سحب اغراضه .. مو معقولة اخذ كل شي صح ؟

فتح الدولاب ومافي اي ملابس هناك .. تنهد ورجع يقفله .. اكيد راح شقة سياف او بيت عادل .. ماله مكان ثالث يروحه غيرهم .. هو ما شيك على اللوكيشن للان ومتأكد لو شيك بيشوف راجس بأحد ذول المكانين !