راجس

181

لما رجع عامر لقى راجس جالس يطالع السقف بينما انس كان مفقود .. يمكن راح يشيك على غرفتهم .. الغرفة اللي نامو فيها سوا كم مرة

زادت ابتسامة عامر .. لو قدر يقنع انس ينام معاه الليلة وقتها بيكون قضى احسن ليلة بحياته تقريبا .. لو سحب انس لمرة وحدة عشان يخون الحبيب الجديد .. هو متأكد علاقة انس بتخرب وقتها وبيرجع لحياته كشخص حر ينام مع اي احد بأي وقت بدل حركات المتزوجين ذي

تحرك يسحب الثلج ويحطه بالكوب وهو يطالع راجس
- تعال .. خليني اسلمك اول مبلغ وافهمك كيف تخبيه

راجس فز ووقف .. تحرك ناحيت عامر ووقف قريب منه ورفع يده بيعدل المكرفون بعدين استوعب انو ما ينفع يبين لعامر مكان المكرفون فلازم يهدأ .. هو بس حاسس انو ذاك تحرك وخايف انو السلك يقطع .. حسب اللي فهمه من امجد .. المكرفون بيسجل فقط .. يعني محد يعرف اللي بيصير هنا معاه .. بس هما متوقعين انو ما يتأخر عن ساعة او ساعتين .. معاه جهاز صغير في جيب بنطلونه .. لو ضغط عليه حينفهم انو في خطر وبيدخلوا

ليش المكرفون ما ينقل الصوت لبرة ؟ .. ليش فقط يسجل ؟ .. لانهم مو عارفين قد ايش الفلة ممكن تكون مجهزة .. هما خايفين انو الارسال ينكشف بأي جهاز لاقط ويصير راجس في خطر اكبر

عامر سحب كوبه بعد ما صب فيه شراب كانت ريحته قوية ونزعجة بالنسبة لراجس وكان شاكر انو عامر ما عرض عليه يشرب !

فتح عامر باب كان شكله كأنه مخزن وألتفت يطالع في راجس
- لو احد عرف عن ذا المكان .. بتكون اول واحد اجيبه واجرب حركات الجوكر عليه

راجس ضغط قبضة يده عشان يلغي القشعريرة اللي حس بيها من تهديد عامر وبلع ريقه بينما عامر ضحك لانو انتبه لتغير معالم راجس ودف الخشب اللي بالمخزن من جوة عشان تنكشف غرفة ثانية تحتاج تنزل درجتين وتوصلها وكانت فخمة بكل ما تعنيه الكلمة .. الارض رخام مقارنة بالباركيه الخشب اللي كان بالفيلا برة .. الجدران كلها رسومات ولوحات واضح انها قديمة وغالية .. الكنبة الكبيرة بالنص اللي كانت اشبه بالسرير من حجمها ! .. والدولاب القزاز اللي واضح انواف القزازات اللي بداخلها وألوانها .. وطبعا خزنة سودة بأطراف ذهبية كانت بالزاوية وحجمها كان كبير لدرجة انو بابها بنفس حجم باب الدخول لذي الغرفة ! .. وعلى الجدار لوحة فيها سيفين معلقين وواضح عليهم كتابة عربية قديمة

راجس كان مبهور وهو يطالع كل شي .. دخل بيت اهل عادل كثير بس عمره ما شاف حاجات بذا الحجم او بذا المستوى .. كأنه اللي ماسك ذا المكان هو شخص ثاني تماما !

عامر اشر لراجس عشان يجلس بينما هو توجه للخزنة وبدأ يدخل الرمز وهو يتكلم
- كنت خايف تكون ماخذ ذكاء ابوك د. بس كويس انو تربية عادل خلتك اذكى منه

راجس عقد حواجبه وألتفت لعامر اللي كان مركز في الخزنة لانها تطلب ٣ رموز للدخول
- ماني فاهم ..