راجس

175

عيون راشد كانت على راجس اللي كان يطالع الارض بدون ما يتكلم .. هو الوحيد اللي ما رفع عيونه .. هو الوحيد اللي ما هزه شي .. او ما فوقه من صدمته للان

راشد مد يده ومسك يد راجس اللي رفع عيونه يطالعه ..

قلب راشد انكسر وهو يشوف عيون راجس .. عيونه مليانه كره ..

راجس سحب يده من يد راشد بالقوة وتكلم ببرود
- جيتك .. وسألتك .. طلبت منك الحقيقة .. وانت كذبت

راشد هز راسه بهدوء
- انا .. انا اسف .. انا قلتلك انو كان مريض و ..

راجس فز ودف راشد ناحيت الكنبة ومسكه من ياقته
- كنت تعرف .. طوال الوقت كنت تعرف .. وعمرك ما فكرت تشاركنا ذي المعلومة ؟! .. عمرك ما فكرت تقولنا ترى ابونا مات بسبب جرعة ؟!

راشد كان بيتكلم بس راجس كمل وهو يزعق
- عمري ما توقعتك زيه .. عمري ما شفتك زيه .. بس بذي اللحظة .. انت فعليا اثبت .. انو الدم عمره ما يصير موية .. وانو جينات عادل .. ظلت فيك رغم كل شي

راشد فتح عيونه وسياف فز من كلام راجس وتحرك يسحبه بينما انس زعق في راجس
- راجس !

بس كل ذاك كان متأخر .. لانو وقع الكلمات وصلت لروح لراشد .. وصلته وكسرته .. هو .. هو سوا كل شي عشان يحمي اخوانه .. عشان يضمن انو محد منهم يعيش بظل شي غلط سواه ابوهم .. هو ما يدري من زمان .. هو عرف لما بدأ يشتغل مع جابر .. لقى الملف .. فهم كل شي وصارحه .. وقتها جابر اعطاه القرار .. وراشد اختار يخبي .. عشان مو لازم اخوانه ينسوا ابوهم .. ينسو ذاك الشخص اللي حبهم وظل متمسك فيهم .. ما يبغى ذيك الصورة تتحول لصورة مدمن متعاطي ميت بأسوء طريقة ممكنة .. هو كان قاصد يحميهم ..

رفع عيونه يطالع رازي وشافه واقف بعيد وعيونه على الارض .. هو فضل ما يتدخل .. هو .. هو ما دافع عن راشد حتى .. راشد خسر اخوانه بذي اللحظة ..

اول من اقتحم سكوتهم بذاك الموقف كان نواف .. الكل طالع فيه متفاجئ وانس رفع جواله يطالع في رسالة سلطان
- اسف بس ما قدرت امنعه ..

رازي فز ووقف لانو مو عارف ايش ردت فعل نواف .. هل سمع كل شي ؟ .. ولا هو تحت تأثير انو جابر هو اللي قتل ابو رازي ؟ .. رازي لازم يعرف

بس المفاجئة انو نواف تحرك وسحب يد رازي وسحبه معاه للدرج

طلال وقف وتكلم
- نواف الموضوع ما خلص ..

نواف ألتفت وهو يكشر في وجه طلال
- مو لازم ينتهي اليوم .. اعتقد اللي سمعوه للان كفاية !

انس تكلم
- نواف ..

بس نواف سحب رازي وطلعوا فوق بدون ما يسمع لاحد .. محد منهم كان يشوف رجفت رازي .. يمكن لانو كان يضغط بأظرافه على جلد يده عشان لا يوضح رجفته .. فكرت انو التروما اللي مر فيه من طفولتها كان سببها جابر .. هو مو سببها بشكل كامل بس ..