راجس

131

سلطان كان جالس فوق الكنب .. بلع ريقه بتوتر وهو يطالع في الاثاث البسيط .. كأنها شي خارج من كاتلوج .. ما فيه اي شي شخصي بالشقة

فز لما سمع صوت الاكواب وانس يحط الكوب قدامه ويبتسم
- اهدأ .. لا تحسسني اني خاطفك عشان استغلك او استغفلك !

سلطان طالع في الكوب وابتسم بشكل جانبي
- يعني اضمن مافي منوم في الكوب ؟

انس رفع حاجبه وهو يبتسم
- لأ .. بس يمكن .. محفز جنسي

سلطان رفع حواجبه بتفاجئ وانس ضحك وهو يرجع جسمه على الكنب
- لا تصدق كل شي اقوله .. الاكواب سليمة .. لو بغريك بعرف اقومك بدون اي محفز ( وغمز اخر كلامه )

سلطان بلع ريقه وهو يمسك كوب العصير بيدينه الاثنين وهو يحس بأنفاسه متوترة بينما ضحك انس وسحب كوب سلطان وشرب منه بعدها قرب من سلطان الا تفاجئ لما انس باسه وبدأت ف العصير في فمه

فصل انس البوسة وهو يلحس شفايفه
- لو بورطك بشي .. بورطك كذا

سلطان مسك يد انس وهو يطالع عيونه
- يعني دحين .. ورطتني ؟

انس نزل عيونه لشفايف سلطان
- مدري .. ( قرب من سلطان اكثر وهو يطالع شفايفه ) هل انت حاسس .. انك .. ( رفع عيونه يطالع بعيون سلطان ) متورط ؟

سلطان بلع ريقه وهو يطالع عيون انس
- ما .. ما ابغى اسوي شي معاك .. قبل ما نتأكد من مشاعرنا .. ما ابغى .. ما ابغى اذوقك .. وما اطولك

انس زادت ابتسامته وهو يطالع بسلطان
- ذي وحدة من الحاجات الا بتخليك تعجبني اكثر .. انك مو مستعد تسوي شي .. منت متأكد منه

سلطان ابتسم لانو انس ما زعل او بعد .. هو احترم قراره بهدوء

انس رجع بشويش على ورى وكان بيقوم بس سلطان شده ناحيته
- ما اقصد تبعد عني !

انس ضحك وهو يطالع بسلطان
- بروح اجيب الرموت نشغل شي نشوفه .. ماني تاركك !

سلطان حس بالاحراج وترك انس الا تحرك ناحيت الدولاب يسحب الريموت ورجع ناحيت سلطان وسحب المخدتين الا على الكنبة الثانية ورماها جنب سلطان
- تكي عليها

سلطان حط المخدات يزبطها ناحيته بعدين حط الباقية على الناحية الثانية عشان يجلس عليها انس بس انس تحرك يخفف اضاءة الغرفة بعدها تحرك وسحب بطانيتين من الصندوق الا بطرف الصالة

ورجع ناحيت سلطان وفرد البطانية الطويلة الا كانت تكفي تغطي كذا شخص على الكنبة ورماها فوق سلطان بعدها تحرك ورفع يد سلطان عشان يدخل في حضنه .. حط راسه على صدر سلطان وعيونه ناحيت التلفزيون ومسك طرف البطانية يغطي نفسه بيها وبعدها سحب الريموت يقلب
- ايش نشوف ؟

سلطان ما كان قادر يجاوب .. يمكن لانو دقات قلبه كانت عالية لدرجة انو مو قادر يسمع صوت اي شي حوله وهو يحء بقرب انس منه بذي الطريقة