انس ابتسم وهو يطالع الوقت بعدها رجع يطالع فيهم حولينه .. هما بدو يلعبوا سوني وتقريبا صارو فريقين .. راجس ورازي وطبعا معاهم نواف ضد راشد وشادي ومعاهم سياف اللي جالس يستهبل ضد راجس ويسيبه يفوز عليه وراشد يتنرفز ويضرب سياف
سلطان اللي كان جنب انس يتفرج عليهم ويده ممدودة وهو ضامم انس من ناحيت كتفه .. ضغط عليه بشويش وانس ميل راسه ناحيت سلطان اللي ابتسم وهمس
- ما تبغى تدخل في حربهم ؟
انس هز راسه
- انا ما ادخل حرب خسرانة
سلطان رفع حاجبه
- بس لو دخلتها بيفوز واحد منهم
انس هز راسه
- ما يحتاج .. شوف الكفة اللي بتغلب وبتعرف محد بيقدر يقلبها حتى لو دخلت
سلطان
- ومين الكفة الفايزة ؟
انس
- راجس طبعا .. شوف سياف لحاله يعتبر عميل خاين في فريق راشد !
سلطان ضحك وهو يشوف راشد ماسك سياف يهزأه وسياف حاط يده على قلبه ويقوله
- كله عشان الحب !
سلطان ابتسم
- يعني لو دخلت مع فريق راشد بقدر اقلب الكفة ؟
انس رفع حاجبه يطالع سلطان
- ليش تبغى تقلب الكفة ؟
سلطان مسك يد انس
- عشان اللعبة تصير احلى لما نتدخل ونغير المعايير ( انحنى عشان يهمس ) وعشان اخلي اخوك يطرد نواف !
انس ابتسم لما سلطان سحب اليد من يد سياف وهو يتكلم
- انا بداله
راشد رفع حواجبه
- تعرف تلعب ؟!
نواف تكلم
- لا سلطان ما اتفقنا كذا !
سلطان مسك اليد وابتسم
- بعرف أقلب الكفة
طبعا راجس صار يلعب وهو في حضن سياف اللي كان يتحرش بيه وراجس ياف يزعق عليه لانهم بيخسروا بسبب سياف إلين تقريبا رازي سحب سياف يجلسه جنب انس وهو يطالع بأنس بكره
- امسكه جنبك !
انس هز اكتافه
- ماليا شغل بيه
رازي كشر ورجع جلس يكمل القيم ينما سياف ألتفت لأنس
- انت اللي رسلت تقارير راجس صح ؟
انس ابتسم بس هز راسه
- اي تقارير ؟!
سياف بلل شفايفه
- اللي تثبت انو بريئ من الحادث .. وتثبت انو كان ضحية لكل شي
انس هز اكتافه
- ما اعرف عن اي تقارير تتكلم
سياف ظل يطالعه قبل ما يرجع يطالع لراجس المتحمس اللي يزعق في سلطان ( عشانه مو موظف تحته فيقدر يسبه براحته عكس نواف ورازي )
- حيأذوه لو تنازل ؟
انس راحت ابتسامته وطالع في اخوه
- بضمن انو محد يقرب منه ..
سياف بلل شفايفه وطالع في انس
- ولو وصلوله قبلك ؟
انس رفع حاجبه
- محد بيقدر يوصله .. اللي لو كنت اضعف من انك تحميه ( والتفت يطالع سياف )
أنت تقرأ
راجس
قصص عامةيا حاضري ومستقبلي .. يا جرحي وعلاجي .. يا جنوني واعظم درجات عقلي .. ( عامية جداوية )
