طيب اول شي توضيح عشان تكون الصورة اوضح وعشان ما ابغى اوصف ذي الاحداث
بيان تزوجت مالك وهيا عمرها ١٨ .. هو راح يخطب قريبتها اللي اكبر منها بس هيا اللي دخلت المجلس وطلبت منه يتزوجها ويخرجها من البيت ( لانو ابوها كان بيزوجها لشايب عمره فوق ال٥٠ وقتها )
بيان مو سعودية هيا بلوشية وهما نسب مالهم وطن حقيقي بس غالبا ينعطوا جواز سفر باكستاني وموجودين بكثرة ناحيت الغربية
فبحكم انها مو سعودية ومواليد هنا فكل شي قدامها كان مقفل الا لو تزوجت عشان اهلها سيئين
مالك فهمها كل شي واتفقوا على الحمل والطلاق وكل شي وهيا وافقت لانها كانت تدري انها ما تبغى تعيش هنا بس تحتاج سند
مالك اخذها شهر العسل لدولة اجنبية وهناك هيا حملت عن طريق التلقيح الصناعي عشان مالك رفض يلمسها وذا كان ضمن اتفاقهم وهيا ما كانت تبغاه يقرب منها
مالك كان ينام بغرفة غير غرفتها وكان يتحجج ويطلع من البيت عشان تجلس لحالها بس هو كان يلبي اي شي تبغاه وهيا حامل عشان ولده
بيان ولدت سند واحتاج يجلس في الحضانة اسبوعين فهيا ما قدرت تشوفه لانو بعدها جدته اخذته وقالتلها ما بتشوفه إلا لو رجعت مالك عشان الجدة زوجت بيان لمالك عشان تحبس مالك هنا وتمنعه يسافر يعيش حياته
مالك ترك مبلغ محترم لبيان مع ورقة الطلاق ووضحلها انها تقدر تشوف ولدها بأي وقت بس جدة سند كانت سيئة ومنعتها ولان مالك ما ترك وسيلة للتواصل معاه فهيا اضطرت تلخذ الفلوس وتسافر على انها تعيش بجدة قريب من ولدها بدون ما تشوف ولدها ، بذات وأهلها ما بيرجعوها عندهم لانها مطلقة
فبيان ما تعرف شي عن سند ولا حتى اسمه لانو جدته اللي سوت كل الاوراق
وسند ما يعرف امه ما يعرف جنسيتها ولا اسمها ولا قد شاف اي صورة لها لانو جدته هددت الكل انو محد يفتح فمه واغلب العيال زي نواف وسلطان كانو صغار نوعا ما ( سلطان كان ١١ ونواف ٩ ) لما ولدت واختفت من حياتهم بدون وداع فما يتذكروا ملامحها كثير
نبدأ البارت:
سند سحب البطانية فوق راسه يغطي نفسه وهو ينفخ بنرفزة
- الله ياخذك سلطان ! .. طيب بالكذب قول انك جاي مع ناس !
سلطان ضحك وهو متكي عند الباب
- اللي يشوفك يقول بتغير شكلك .. ترى الفرق انك كنت بتلبس بلوفر بس !
سند كشر وهو يطلع راسه من البطانية وهيا حولين وجهه تغطي شعره وباقي جسمه
- على الاقل اقدر ارفع البلوفر اخفي كشتي !
سلطان رفع حاجبه
- لو سمحت ! .. انت اكثر واحد يشهبني فلا تسب عشان لا اخليهم يجوا يفردولك الكوشة اللي فوق راسك !
سند قلب عيونه
- محد بيلمس شعري
سلطان قرب وجلس فوق السرير
- اتذكر جدتي وهيا تجري بيك عند العطارين تدور طريقة تخلي شعرك ناعم
سند بعد عيونه لانو ما يبغى سيرتها وسلطان تنهد
- ما بقولك سامحها .. جدتي سوت حاجات كثير غلط .. بس .. ذا مو موضوعنا .. مشط شعرك وتعال الصالة افطر معانا .. خلي عبير وبيان يتعرفوا على حبيب ولدهم الثاني
أنت تقرأ
راجس
قصص عامةيا حاضري ومستقبلي .. يا جرحي وعلاجي .. يا جنوني واعظم درجات عقلي .. ( عامية جداوية )
