انس طالع في جواله وقلب عيونه بانزعاج وهو يرد
- خير ؟
رازي
- احتاج اكلمك
انس كشر
- ماني فاضي
رازي غمض عيونه
- الموضوع يخص ابوي .. ابونا
انس
- ماني مهتم اشوف صورك معاه .. سلام
رازي زعق
- انتظر ! .. هو .. هو كان يعرف انك عايش
انس
- لا ازال غير مهتم سلام
رازي عصب
- انت حمار وانا غلطان اصلا اني بحاول اكلم واحد زبالة زيك !
انس سكت لحظات ورازي توقع انس قفل بس تفاجئ لما سمع انس يتكلم
- لازم تجدد سباتك .. سبات عيال المتوسط ذي قديمة
رازي قلب عيونه
- خلاص اقفل منك وادخل شات جي بي تي واقوله اعطيني سبات ٢٠٢٥ !
انس كشر
- حتى طريقة سؤال بتبين انك من التسعينات! .. ليش ما تقوله نكت ٢٠١٥ مرة وحدة .. بتلقى اسمك بيناتهم صدقني
رازي
- انا ما امزح .. ابغى اوريك اوراق .. ابونا كان يعرف انك عايش وكان يدورك
انس اخذ نفس عميق
- هو ميت .. ما حيفرق لو كان بيحاول او لا
رازي سكت لحظة قبل ما يتكلم
- انت تدري انو كان يدورك ؟! .. ردت .. ردت فعلك ! .. انت تدري انو كان يدور عنك !
انس بلل شفايفه
- برافو ! .. اخيرا استعملت خليتين دماغك اللي تاخذ اجازة أغلب السنة !
رازي فز
- كيف تعرف ؟! .. انت .. قابلته ؟!
انس تنهد بانزعاج
- خليني احزر .. طبعا ما رحت الدوام وتركت حبيبك يداوم لحاله ..
رازي عقد حواجبه
- ايش ؟!
انس فتح باب الغرفة وطالع في رازي وهو يقفل الخط
- ما قلت لنواف طبعا انك ناوي تقابلني عشان تقولي عن ابونا .. وغالبا نواف جالس يحاسب نفسه الان لانو بيعتقد انو سوا شي غلط .. فروح اتصل عليه فهمه انك تحبه لانكم متخلفين تحبوا بعض
رازي ظل يطالع انس بعيون متفاجئة .. هو جا بسبب الاتصال ؟! .. ولا هو اصلا كان جاي هنا ؟!
انس طالع في الصندوق .. في الاوراق اللي فوق السرير .. والفتحة الي بالجدار
تحرك انس وسحب الاوراق يطالع فيها وابتسم
- ما كان بيلقى شي بالدور .. بس محاولة تستحق الاحترام
رازي رفع حاجبه بطالع فيه
- هل كنت تعرف ؟ .. انو يدور عنك ؟
انس طبق الورق ورجعه جوة الصندوق
- عرفت .. مو من اللحظة الاولى طبعا .. بس سبق وعرفت
رازي عقد حواجبه
- ق .. قابلته ؟ .. قبل ما .. ينتحر ؟!
انس قفل الصندوق الخشب بهدوء وما ألتفت لرازي
- متى بتفهم ؟ ..
أنت تقرأ
راجس
قصص عامةيا حاضري ومستقبلي .. يا جرحي وعلاجي .. يا جنوني واعظم درجات عقلي .. ( عامية جداوية )
