نواف تحرك ناحيت رازي الا كان جالس في الغرفة مع راشد
وقف نواف يطالعه .. رازي جالس يضحك وهو يمزح مع راجس .. طيب ليش كذب عليه .. ايش الا صار ؟ .. هل راشد كان بيمزح مزاح ثقيل ؟ .. رازي ما نام على الكرسي المعدني وما كذب على نواف .. صح ؟
راشد انتبه لنواف وكشر
- بدري !
رازي ألتفت هو وراجس ووقتها انتبه رازي لحبيبه وفز يوقف
- نواف
نواف حاول يبتسم وهو يقرب من رازي
- صباح .. الخير
رازي ابتسم وهو يمسك يدين نواف
- صباح النور .. اسف انك ما صحيت علي اليوم
راشد قلب عيونه ونواف تكلم
- انت .. كويس ؟ .. راشد اتصل علي و ..
رازي ضحك
- ما عليك .. شوية دراما بين للاخوان
حرك رازي يدينه على اكتاف نواف لانو لابس الثوب
- ما اخذت اجازة من سلطان معاي ؟
نواف هز راسه بشويش
- إلا .. بس .. احتاج اروح .. هو شوي مضغوط ويحتاج مساعدة
راشد رفع حاجبه
- يعني ما جيت تاخذه ؟!
رازي ألتفت لراشد
- ياخذ مين ؟! .. انا ماني لعبة ياخذني لانك قلتله ياخذني ! .. كمان انا ابغى اجلس !
نواف ضغط على يد رازي بشويش فألتفت عليه
- هو قالك تجي تاخذني ؟!
نواف بلل شفايفه وهز راسه
- قال انك متهاوش وتبغى .. ترجع البيت
رازي سحب يده من يد نواف وعقد يدينه قدام صدره وهو يلتفت يكلم راشد
- ياخي بكيفك تصرفني انت !
راشد رفع حاجبه
- ايوة روح مو امس قلتلي بتروح تنام عند حبيبك
رازي قلب عيونه
- مو بكيفك ! .. حبيبي بيروح الدوام وانا بجلس كذا اضغط على قلبك
راشد رفع يدينه للسما
- يا ربي انا غلطت فين وانا اربيه !
نواف بلل شفايفه ورجع مسك يد رازي
- ينفع نتكلم شوي ؟
رازي هز راسه وتحرك مع نواف لبرة الغرفة ووقفوا قدام الباب
راشد طالع في الباب قبل ما يقوم ويتحرك ويحط اذنه عليه وراجس عقد حواجبه
- عيب !
راشد كشر وهو يأشرله يسكت ويجي يجنبه
وياه لانو راجس اخو راشد فهما يتشاركوا عرق اللقافة نفسه فهو راح وقف جنب راشد وحط اذنه هو كمان على الباب
رغم انو الاصوات ما كانت واضحة اصلا
برة الغرفة وقف نواف يطالع الممرات قبل ما يلتفت لرازي
- ايش صار امس ؟
رازي حك خده باحراج
- تهاوشت مع راشد .. وسويت شوية دراما .. مافي شي مهم .. بتدلع عليهم شوي
نواف طالع في رازي
- يعني نمت على الكرسي ؟ .. زي ما راشد قال ؟
رازي بلع ريقه وهز راسه
- ايوة
أنت تقرأ
راجس
General Fictionيا حاضري ومستقبلي .. يا جرحي وعلاجي .. يا جنوني واعظم درجات عقلي .. ( عامية جداوية )
