اليوم اللي بعده
راجس غطى وجهه بالبطانية لانو نور الغرفة ازعجه
سياف جلس على السرير جنبه وطبطب على راسه
- قوم افطر حبيبي
راجس مسح عيونه وبعد البطانية وطالع في سياف
- رجولي منملة
سياف ضحك
- اسف حبيبي
راجس كشر
- منت اسف لا تكذب
سياف ميل راسه وهو مبتسم
- حقيقي ماني أسف بس لازم اراعي مشاعر الدلوع
راجس رفع جسمه بشويش وهو يتأوه لانو للان حاسس بألم في جسمه
سياف صحب الصينية اللي كانت زي الطاولة الصغيرة للفطور فوق السرير ويب هو اشتراها مخصوص عشان راجس !
راجس ابتسم وهو يشوف الوفل والنوتيلا فوقه وخبة فرولة مقطعة وموزعة فوقهم
- لا تقولي انت اللي سويته كذا !
سياف رفع حاجبه
- ليش تحسب حبيبك ما يعرف يسوي كذا ؟!
راجس مسك الشوكة والسكينة
- مو كذا .. بس .. ( سكت للحظة واخذ نفس عميق ) انا نكدي طيب .. بس خايف من كل شي حلو .. اخواني فجأة كلهم سوا .. انت معاي .. انس هنا وصاير .. ما نقدر نقول لطيف بس مقبول مع رازي وراشد .. وعنده حبيب ما ننسى .. احيانا .. احيانا اخاف يطلع كل ذا حلم ..
سياف مسك وجه راجس بيده وبدأ يمرخ خد راجس بإبهامه
- تخاف تصحى وتلقى نفسك فين ؟ ..
راجس غمض عيونه
- متمدد فوق الارض .. اطالع أمنية بأخر لحظة قبل ما استوعب انها ماتت
سياف
- بس انت ما حتصحى هناك
راجس فتح عيونه يطالع سياف اللي كمل
- بكل مرة يجيك كابوس او حلم .. تعرف فين حتصحى ؟! .. بين يديني .. حتصحى تشوفني جنبك .. حاضنك .. بلعب في شعرك .. ابوس عيونك .. ويعني يمكن وحدة من يديني تتحرش فيك بس ذي قصة ثانية
راجس ابتسم
- ما تقدر تمسك يدك شويتين ؟
سياف كشر يفكر
- انت بتطلب مني اتخلى عن أعظم متع الدنيا وذي صعبة !
راجس قلب عيونه وهو يبتسم
- كله الا اعظم متع الدنيا حقتك !
سياف ترك وجه راجس ومسك الشوكة والسكينة يقطع ويأكله وراجس ظل مبتسم وهو يطالع سياف
⚜️⚜️⚜️⚜️⚜️
سلطان تقلب فوق السرير وفتح عيونه لما ما حس بأنس
فتح عيونه وطالع حوله وشافه واقف قدام الطاقة والجوال بيده
- ايوة .. صحيح .. يعني وصلت الحوالة اليوم ؟ .. حلو .. لا لا .. خليها على العصر .. ما اعتقد نحتاج دعم .. يكفي الفريق وسيارة فيها داش كام
سلطان رفع راسه وعقد حواجبه وانس كمل كلامه مو منتبهله
- لأ .. لا تكلم جولان .. بروح لحالي .. جولان عنده .. ظرف عائلي
أنت تقرأ
راجس
قصص عامةيا حاضري ومستقبلي .. يا جرحي وعلاجي .. يا جنوني واعظم درجات عقلي .. ( عامية جداوية )
