راشد ضرب راس راشد بشويش
- انت فينك اليوم ؟
رازي طالع في راشد وتكلم وهو لساته حايس وواضح انو مو معاه
- كيف تعرف انو الارض الا انت عليها ثابته ؟
سياف رفع حاجبه
- انت اعطيت اخوك المهدأت بدل شادي ؟!
راجس تحرك ناحيت رازي
- رازي ؟ .. انت .. كويس ؟
رازي ألتفت لراجس وعاد السؤال
- كيف .. تعرف .. انك بمكان .. أمن ؟ .. انو الارض الا انت عليها ما بتحوس وتطيح ؟
راجس عقد حواجبه مو فاهم بس سياف هو الا تكلم
- بأنك ما توقف في مكان ما تعرف حدوده
ألتفت راجس لسياف الا وجهه قلب لشكل جدي وهو لسه مو فاهم
رازي نزل عيونه
- هو زعل مني .. لأول مرة .. اشوفه كذا
راشد طالع في رازي
- لانك كذبت عليه
رازي رفع راسه يطالع راشد وياه .. في شوية دموع في عيون رازي وهو يزعق في راشد
- انا ما كذبت !
سياف تقدم منهم
- انت كذبت رازي .. حط نفسك مكانه
رازي ألتفت لسياف
- ما كنت اقصد اكذب انا ما قلتله الموضوع كامل بس انا ما كذبت !
راجس بلل شفايفه وتكلم بشويش
- هو سألك .. لو بتنام فوق الكنب .. وانت قلتله ايوة .. انت طمنته ..
رازي ألتفت لراجس
- ايوة بس .. انا ما قصدت اكذب .. انا ما كنت ابغاه يخاف علي فقط !
سياف
- شوف .. حط نفسك مكانه .. لو انو قالك بيروح ينام عند اهله بعدين اكتشفت انو ظل نايم في الشارع لانو اهله متهاوش معاه !
رازي نزل عيونه .. ايوة حيزعل انو نواف ما وثق فيه لدرجة انو قاله دراما العيلة لو الموضوع صار بالعكس .. حيحس انو مو كفاية .. انو ما قدر يوصل نواف لمرحلة انو يثق فيه ويكون صريح معاه ..
راشد تنهد
- بعدين تقوله دراما اخوان ؟! .. انت صاحي ؟
راجس حط يده على كتف رازي
- نواف داخل فينا اكثر من ذا ( اشر على سياف الا عقد حواجبه )
سياف
- ايش قصدك !
راشد ابتسم
- صح .. نواف ينام عندنا وذا ( سياف ) شغال يخطف راجس من البيت !
سياف كشر
- ياخي سيبني في حالي ياخي !
راجس ضغط على يد رازي
- تبغاني اخذك له ؟ .. عشان .. تكلمه ؟
رازي طالع في راجس وهز راسه وهو يمسح عيونه
- اخاف اكلمه دحين ويزعل اكثر اني لحقته الدوام
سياف لوى فمه
- انا حفرح لو اخوك العلة لحقني للدوام عشان يعتذر لانو مزعلني
راشد طالع في سياف
- اخوي ما يعتذر وانت الا تعتذرله كل مرة ترى !
أنت تقرأ
راجس
General Fictionيا حاضري ومستقبلي .. يا جرحي وعلاجي .. يا جنوني واعظم درجات عقلي .. ( عامية جداوية )
