راشد قلب عيونه وهو يفتح الباب
- ياخي الواحد ما يعرف ينفك منكم شوي ؟!
رازي تحرك لجوة الغرفة
- يكفي انك مسويلنا مشاكل المرة الا فاتت !
راشد ترك الباب عشان يخبط بنواف الا دف الباب وهو يدخل
- ياخي تقبل وجودي خلاص
راشد طالع في نواف وهو يدخل وصغر عيونه
- تحلم
وتحرك لجوة الغرفة ورازي كان جالس جنب شادي وهو يتكلم معاه وقرب منهم
- يعني مسرع ما تصالحت معاه .. على الاقل خلي عندك كرامة وطول زعلكم اسبوع
نواف ابتسم وهو يطالع رازي
- مقدر ازعل منه اصلا ..
راشد كشر
- كنت اكلم رازي اصلا
نواف ضحك
- واضح واضح
شادي طالع في نواف بعدين رجع لرازي
- انتم تضاربتم ؟!
رازي هز راسه
- حبيبك الفتان كان ناوي يخلينا نتهاوش بس يعني .. هو جالس يعزز حبنا
راشد قلب عيونه
- جالس يعزز حبنا .. طالعين من انمي انتم ؟!
نواف حط يده على كتف رازي
- تتذكر اسم الانمي الا طلعنا منه ؟
رازي ميل راسه يفكر
- امممم مدري ما احسني لقيت قصتنا في انمي للان
شادي ابتسم وهو يطالعهم
- فين راجس ؟
راشد عدل جلسته
- مع حبيب القلب طبعا .. قال بيرجع امس وسحب علي هو وسياف
رازي تذكر انس فنزل عيونه
- يمكن انشغل
نواف ضغط على كتف رازي لما تكلم راشد
- هو دايما مشغول مع الحب .. او في انو يخبي اسرار جديدة كأنه الوحيد الي المفروض يتحمل كل شي
رازي بلل شفايفه
- راشد .. بسألك عن شي
نواف تكلم بشويش
- رازي .. هل ذا وقته ؟!
راشد كشر
- نواف سيب اخوي يسألني عن الا يبغاه وقت ما يبغاه ولا تتدخل
نواف اخذ نفس عميق وسحب يدينه يعقدهم قدام صدره بينما رازي طالع في راشد
- امي كانت حامل في توئم ؟! .. لما حملت .. بيا ؟
راشد سكت للحظة يطالعه ..
- ايش دراك ؟! .. احنا قفلنا الموضوع لانو الثاني مات و ..
رازي طالع في راشد
- ل.. ليش ما قلتلي ؟
راشد هز اكتافه
- لانو ميت .. فما بيفرق شي .. كمان .. ابونا كان يتأثر لما يتذكر انو فقد واحد منكم
رازي طالع في راشد
- ولو قلتلك .. انو عايش
راشد عقد حواجبه
- كيف ؟
رازي
- قابلته .. راجس كان يعرف انو عايش و كان معاه
راشد كشر
- ايش ؟!
رازي اخذ نفس عميق
- اسمه انس .. هو عايش .. ظل عايش مع عادل .. مو معاه معاه لاني لسه ما فهمت تفاصيل شي بس هو كان مع راجس .. سنين
أنت تقرأ
راجس
General Fictionيا حاضري ومستقبلي .. يا جرحي وعلاجي .. يا جنوني واعظم درجات عقلي .. ( عامية جداوية )
