Төсөөлөөд л мөрөөдөөд л
Хэр удаан ийм байх юм?
Хүсэж байгаа хэрнээ яг юу нь чин хүсэл гэдгээ ялгахгүй
Өвдөлт мэдрэхгүй л бол цаас үзэг илүүдсэн ч үг унахгүй
Үздэг уншдаг байсан дээрхүүд шиг хувираад л
Хэнээс ч илүүтэй байсан нь эсрэгээрээ сул дорой
Өөрчлөгдөж байна
Энэ нь намайг ч бас зовоож байна
Зүрх минутанд хэд цохилж байгааг
Нулимс өдөрт хэр их гадагшилдгийг
Тэвчээр надаас салахаа больсныг
Ерөөсөө л бүгд үгүйрчихсэнийг
Юуг ч хүлээж авч чадахгүйг
Бүр буугаад өгчихсөнийг
Эсэргүүцэх тэнхэл байхгүйг
Тэгээд зорилгогүйг минь
Ойлгож үзээсэй
