Мэдэхгүй юм
Мэдээд ч хэрэггүй зүйлсүүд
Сэтгэлээ тайван байлгамаар байна
Мэдэхгүй байсан нь дээр
Сайн л зүйл биш бол хэрэггүй
Муухай зүйлийг мэдэхгүй байя
Муухай мэдрэмжийг ч тэр
Муухайгаас хол байцгаая
Хүйтнээс ч тэр
Гэхдээ чадахгүй ээ
Зугтаж болох ч
Тийм тэнхэл байхгүй
Худлаа инээд
Худлаа биш байх
Өөрийгөө хуурсан
Хуураагүй байх
Эргэн тойрондоо өөрөөсөө болж асуудал үүсгэх нь ичгэвтэр хэрэг тул
Өөрийгөө өрөвдөлтэй байлгах нь ч тэр муухай зүйлд тооцогдох тул
Аймшигтай юм
Энэ амьдрал өөрөө аймшигтай
Миний хийж чадах зүйлийг мэдэхгүй
Хийж чадахгүй зүйлийг ч тэр адил
Би сайхан биш
Миний өнгөрсөн ч ялгаагүй
Одоо байгаа нь ч тэр
Уйдмаар
Залхмаар
Дургүйцмээр
Сэтгэлд хүрэхгүй өчүүхэн
Аз жаргал хаана ирнэ гэлээ
Хэзээ цагаа товлосон билээ
Мэдэхгүй
Хэн ч мэдэхгүй
Мэдэмхийрч л зүрхэлдэг
Төгсгөл зовлонг эхлэл жаргалтай болзуулаад товлосон цагаа хэлчихмээр байна
Гэхдээ хэзээ үхэх бол
Болзсон цагтаа хүрч амжихгүй бол аз жаргал намайг юу гэх бол
Өөрөө цагаа товлосон ч тэр ирэхгүй
Гагцхүү тэр л хүсвэл ирдэг болзоо
Гутамшигтай юм
