ကျင့်ကြံသူတို့ စကားဝိုင်း အတွဲ (၂)

အပိုင်း (၉၇၄)

#Unicode

ငါတို့ထဲမှာ သစ္စာဖောက်ရှိတယ်။

အချိန်တွေ ကုန်လွန်သွားတယ်။ တစ်မိနစ်ပြီး တစ်မိနစ် .. တစ်စက္ကန့်ပြီး တစ်စက္ကန့် ...

စီနီယာအဖြု က ပြန်မလာသေးပါဘူး။

လာမီယာ နဲ့ တိုက်ခိုက်ရေး သားရဲ တို့က ဘေးချင်းယှဉ်ထိုင်ပြီး ရူဟန် က မမြင်ရတဲ့ဓားမော့ပိုးကောင် အား ကြမ်းကြမ်းတမ်းတမ်း ရိုက်နှက်နေတာကို ကြည့်နေတယ်။

မမြင်ရတဲ့ ဓားမော့ပိုးကောင် က သဘောတကျ နဲ့ အသံတွေ ထွက်နေတယ်။

"၁၁၁၁" ရူဟန်က တစ်ထောင့်တစ်ရာတစ်ဆယ့်တစ်ချက် မြောက် ရိုက်နှက်မှုကို ထုတ်ဖော်လိုက်တယ်။

ချီးတဲ့မှ .. ငါမခံနိုင်တော့ဘူး။ သူ့မရီဒန် ထဲက နာကျင်မှု က ပိုပိုတိုးလာတယ်။ မရီဒန် ထဲက ထုတ်ေဖော်နိုင်တဲ့ စွမ်းအင်တွေက တဖြည်းဖြည်း နည်းနည်းလာတယ်။ သူက အခု အရမ်း မောပန်းနေပါပြီ။

ဒါပေမဲ့ ဒီအချိန်မှာပဲ မမြင်ရတဲ့ဓားပိုးကောင် က ရုတ်တရက ်အသွင်ပြောင်းသွားတယ်။ ဓားမော့ ခန္ဓာကိုယ် က ဖြောင့်စင်းသွားပြီး လှပတဲ့ ၁၁၁၁ ဓားမော့ အမြှောင်းတွေ က သူ့ကိုယ်ပေါ်မှာ ရှိနေတယ်။ တစ်ခုချင်းစီ တိုင်းက ရူဟန် ရိုက်နှက်ထားတဲ့ အရာတွေ ကြီးပါပဲ။

အသစ်မွေးဖွားလာတဲ့ ဓားမော့ ပိုးကောင် က ရတနာ ဓားမော့ တစ်ခု ဖြစ်တယ် ဆိုရင် လက်ရှိအကောင် က တော့ မျိုးရိုးစဉ်ဆက် လက်ဆင့်ကမ်းပြီး အကြိမ်တစ်ရာ လောက် သွန်းလုပ်ထားတဲံ ထက်မြတဲ့ ဓားမော့ တစ်ခု ဖြစ်နေပါပြီ။

မမြင်ရတဲ့ ဓားမော့ပိုးကောင် က ဆက်မရိုက်ခိုင်းတော့ပါဘူး။ ပျော်ရွှင်စွာ အော်ဟစ်နေတယ်။

ရူဟန်က ဆက်မရိုက်တော့ မမြင်ရတဲ့ ဓားမော့ပိုးကောင် ရဲ့ ခန္ဓာကိုယ်က ကြည်လင်ပြီး နောက်ဆုံးမှာ ပျောက်ကွယ်သွားတယ်။

သူ့သခင်ဖြစ်တဲ့ ရူဟန် တောင်မှ သာမာန်မျက်စိနဲ့ မမြင်ရတော့ပါဘူး။ တစ်စုံတစ်ယောက်က သူ့ကို မြင်ချင်တယ်ဆိုရင် အမြင်အာရုံနဲ့ ဆိုင်တဲ့ အထူးနည်းစနစ် ကို လေ့ကျင့်ထားတာပဲဖြစ်ဖြစ် ဒါမှမဟုတ် မြင့်မားတဲ့ အဆင့် ကိုရောက်မှ ဖြစ်ပါလိမ့်မယ်။