ကျင့်ကြံသူတို့ စကားဝိုင်း အတွဲ (၂)

အပိုင်း (၉၃၇)

#Unicode

ဒီယုံကြည်ချက် ဘယ်က ရောက်လာတာလဲ။

ချူမိသားစု ကို အလစ်ဝင်ရောက် တိုက်ခိုက်တဲ့ ရန်သူတွေကို ရှင်းလင်းပြီးတဲ့နောက် အဖမ်းခံထားရတဲ့ ချူမိသားစု တပည့်တွေက လွတ်လပ်သွားကြတယ်။ ဒဏ်ရာရထားသူ တွေက ကလန်ရဲ့ ဆေးဆောင်ကို သွားပြီး ကုသမှု ခံယူနေကြတယ်။

ပြန်လည်လွတ်မြောက်ပြီးတဲ့နောက် ချူမိသားစု တပည့်တွေက လာရောက်တိုက်သူတွေကို ဒေါသတကြီး စိုက်ကြည့်လိုက်ကြတယ်။ တစ်ချို့ စိတ်မထိန်းနိုင်တဲ့ တပည့်တွေ က ရှေ့ကို တိုးထွက်ပြီး စိတ်ထဲကအတိုင်း ထိုးကြိတ်ကြတော့တယ်။ ချူမိသားစု က ဗုဒ္ဒဂိုဏ်း တစ်ခု မဟုတ်ပါဘူး။ ဒါကြောင့် ခန္ဓီစ သည်းခံခြင်း တရားနဲ့ ပြည့်စုံနေသူ တွေ မဟုတ်ကြပါဘူး။

ဒီအတောအတွင်း ချူမိသားစု ခေါင်းဆောင် ဖြစ်တဲ့ ချူဝမ်ရင် က အကြီးအကဲ နှစ်ယောက် နဲ့ အတူ ရူဟန် တို့ဘေးကို ရောက်လာပြီး ချူမိသားစု ကို ကယ်တင်တဲ့ အတွက် ရူဟန် နဲ့ ကြီးမြတ်တဲ့အဖြူ တို့ကို ကျေးဇူးတင်စကား ပြောလိုက်တယ်။

ပြီးနောက်..

ရူဟန် က မေးလိုက်တယ် "ကောင်းြ့ပီ မိသားစု ခေါင်းဆောင် .. မိး်ကလေး ချူချူရင် လုံခြုံရဲ့လား။ တာအိုရောင်းရင်း ငှက်မွှေးလေး က သူမရဲ့ လုံခြုံရေးကို စိတ်ပူနေတယ်။"

"တာအိုရောင်းရင်း စွန်း .. မပူနဲ့။ ချူချူရင် အဆင်ပြေတယ်။ ဘာဒဏ်ရာမှ မရဘူး" မိသားစု ခေါင်းဆောင် ကပြန်ပြောလိုက်တယ်

ရူဟန်ကို ကြည့်ပြီးတဲ့နောက် မိသားစု ခေါင်းဆောင်က ခံစားချက် အပြည့်နဲ့ ဖြစ်သွားတယ်။ သူအမှတ်မမှားဘူးဆိုရင် တာအိုရောင်းရင်းစွနး် က နစ်နာမှု ဖြေရှင်းခြင်း စင်မြင့် ပေါ်မှာ ရင်ဆိုင် တိုက်ခိုက်တုန်းက ပထမအဆင့် နဂါးတံခါးကနေ ဒုတိယအဆင့်ကို တက်ရောက်ခဲ့တာပါ။ အခု သူက တာအိုရောင်းရင်းစွနး် ရဲ့ အားအင်အဆင့်ကို ခန့်မှန်းလို့ မရနိုင်ဘူး ဖြစ်နေတယ်။ တစ်ဖက်လူက သူ့အောက်မှာ ရှိမနေဘူး ဆိုတာ သေချာပါတယ်။