#Unicode
အခု ပွဲတော်တည်ဖို့ အချိန်ကျပြီ။
ဒေါင်ဖန်းခြောက် က ဆေးဆရာ ဝယ်ယူထားတဲ့ တိုက်ခန်းဆီကို ရောက်တော့ ရူဟန် က အိမ်ပြတင်းပေါက်ဝ က နေပြီး သူမ အလာကို စောင့်နေတာကို မြင်လိုက်ရတယ်။ ရူဟန် ရဲ့ မျက်နှာက ပျက်ယွင်းနေပြီး ကြီးမားတဲ့ တိုက်ခိုက်မှုကြီး တစ်ခုကို ခံယူခဲ့ရပုံ ပေါ်တယ်။
"သူငယ်ချင်းလေး ရူဟန်.. မင်း အဆင်ပြေရဲ့လား" ဒေါင်ဖန်းခြောက် က စိတ်ပူစွာနဲ့ မေးလိုက်တယ်။ ရူးနေတဲ့ ကြိုးကြာဖြူ က သူ့ကို ရိုက်နှက်ခဲ့လို့လား။
"ငါ အဆင်ပြေတယ်" ရူဟန်က နာနာကျင်ကျင် ပြုံးလိုက်တယ်။
"အစစ်အမှန် နတ်ဘုရးာ ကြိုးကြာဖြူ ဘယ်လိုလဲ" ဒေါင်ဖန်းခြောက် က မေးလိုက်တယ်။ ဒါပေမဲ ့သူမ အသံ ထွက်ပေါ်လာချင်းချင်း မှာပဲ အလင်းဘောလုံးတစ်ခုက ရုတ်တရက် ပေါ်လာပြီး သူမ မျက်နှာကို လာရောက် ထိမှန်တယ်။
နောက်တော့ သူမ က တကို်ယ်လုံး နေသာထိုင်သာ ရှိသွားတယ်လို့ ခံစားလိုက်ရတယ်။ သူမ က လန်းဆန်းသွားတယ်။
သူမ က လှမ်းကြည့်လိုက်တော့ ပထမထပ် ပြတင်းပေါက် ဆီမှ အတောင်ပံတွေကို ခတ်ရင်း ကုသခြင်း နည်းစနစ် နဲ ့တိုက်ခိုက်နေတဲ့ ကြိုးကြာဖြူကို မြင်လိုက်ရတယ်။
"......." ဒေါင်ဖန်းခြောက်။
သူမ က ဆွံ့အနေချိန်မှာပဲ ကြိုးကြာဖြူ က နောက်ထပ် ကုသခြင်း စွမ်းရည် ခြောက်ခုကို ပစ်လွှတ်လိုက်ပြန်တယ်။
တစ်ချိန်တည်းမှာပဲ ရူဟန် ဆီကိုလည်း ကုသခြငး် စွမ်းရည် ခြောက်ခုက ရောက်ရှိလာတယ်။
တစ်စက္ကန့်ကို ကုသခြင်း စွမ်းရည် ဆယ့်နှစ်ခု ၊ တစ်ယောက်ကို ခြောက်ခု ၊ ကြည့်ရတာ တော်တော်ကြီး တရားမျှတပုံရတယ်။ ကြီးမြတ်တဲ ့အင်ပါယာက လူတိုင်းကို ညီတူညီမျှ ဆက်ဆံတယ်လေ။
တစ်စက္ကန့်လောက်ကြာတော့ ဒေါင်ဖန်းခြောက် နဲ့ ရူဟန် တို့က ကုသခြင်း နည်းစနစ် ရဲ ့ရောင်စဉ်တွေထဲမှာ လုံးဝ လွှမ်းခြုံခံလိုက်ရတယ်။
KAMU SEDANG MEMBACA
ကျင့်ကြံသူတို့ စကားဝိုင်း အတွဲ (၂)
Fantasiဘာသာပြန် သိုင်းဟာသ (Xianxia) စာစဉ် ဖြစ်သည်။
