အခန်း ( ၃၃၆ ) လန်ဟွမ်ကို အစေခံအဖြစ် လက်ခံမလို့၊ လူတိုင်း အံ့အားသင့်သွားကြခြင်း၊ အလောင်းနဂါးမျိုးနွယ်မှ ပါရမီရှင် လုံခွင်း။
ချင်ရှန်းအာ အမည်ရှိ အမျိုးသမီးက အဖြူရောင်ဝတ်စုံကို ၀တ်ဆင်ထားပြီး နူးညံ့လှပသော မျက်နှာရှိသည်။
ထို့ထက် သူမ၏ ကျင့်ကြံခြင်းအခြေခံက ကြွေလွင့်ငှက်မွှေး မြင့်မြတ်သားတော်နှင့်တူညီသော နတ်မီးတောက်နယ်ပယ် သေးငယ်သော ပြီးပြည့်စုံမှုသို့ ရောက်ရှိသွားခြင်းပင် ဖြစ်သည်။
"လန်ဟွမ် အစေခံမလေးရဲ့ ကျင့်ကြံခြင်းအခြေခံကတောင် ဘုရင်ငယ်ဆယ်ပါးနဲ့ နှိုင်းယှဉ်နိုင်တာလား"
ကျွင်းရှောင်ယောက် အနည်းငယ် ပဟေဠိဖြစ်သွားသည်။
ထိုကဲ့သို့ ခွန်အားမျိုးဖြင့်ဆိုလျှင် အဘယ်ကြောင့် အခြားသူ၏ အစေခံ ဖြစ်သင့်ပါသနည်း။
ထိုအခါ နံဘေးမှ ဦးချိုနှင့်လူငယ်က ရှင်းပြရသည်။
"ဒီမိန်းကလေး ချင်ရှန်းအာက မင်းသမီးလန်ဟွမ်နဲ့ အမြဲတမ်းရှိပြီး နက်ရှိုင်းတဲ့ ဆက်ဆံရေးရှိတယ်။ သူက ဒီလို ကောင်းကောင်းလေ့ကျင့်ထားတာ အစေခံလုပ်ဖို့လည်း ဖြစ်ချင်ဖြစ်မှာပါ"
ဒါကိုကြားတော့ ကျွင်းရှောင်ယောက် ခေါင်းညိတ်လိုက်သည်။
ထို့နောက် ဦးချိုနှင့် လူငယ်ကပင် ဆက်ပြောလေသည်။
"အဟမ်း၊ နဝမမြောက်မင်းသမီးက ရည်မှန်းချက်မြင့်လွန်းလို့ သာမန်ယောက်ျားတွေကို မကြိုက်တာလည်း ဖြစ်နိုင်တယ်၊ ဒါပေမယ့် မင်းရဲ့ရုပ်ရည်နဲ့ ခွန်အားအရဆိုရင် အခွင့်အရေးရနိုင်ပါတယ်"
ကျွင်းရှောင်ယောက်ကို ပထမဆုံးအကြိမ်တွေ့လိုက်ရစဉ်က သူတို့တောင် အနည်းငယ် အေးခဲသွားရသည်။
ထို့ကြောင့် လန်ဟွမ်ကို တကယ်ပဲ စိတ်ကူးယဉ်နိုင်ပေလိမ့်မည်။
ထိုအချိန်တွင်၊ ချင်ရှန်းအာက ပြောလိုက်သည်။
"လူတိုင်းပဲ တော်ဝင်မင်းသမီးက ဘုရင်ငယ်ဆယ်ပါးပွဲကို သူနဲ့အတူသွားဖို့ သူတော်စင်အစောင့် ငါးဦး ရွေးချယ်လိုပါတယ်။ ဒါကြောင့် အခု ရွေးချယ်ပွဲကို စကြရအောင်"
YOU ARE READING
ပြိုင်ဘက်ကင်းမိုးကောင်းကင်သိုင်း၀ိဉာဥ်(ကျွင်းရှောင်ယောက်) Book 1
Adventureဘာသာပြန်သူထံမှ ခွင့်ပြုချက်ရပြီး အကျဉ်းချုပ်.... ကျွင်းရှောင်ယောက်ဟာ လျှို့ဝှက်ဆန်းကျယ်တဲ့ကမ္ဘာကို ရောက်ရှိသွားပြီးနောက် ရှေးဟောင်းမျိုးနွယ်ကြီးတစ်ခုရဲ့ နတ်ဘုရားသားတော်တစ်ယောက် ဖြစ်လာခဲ့တယ်။ သူက ပြိုင်ဘက်ကင်းနောက်ခံနဲ့ မွေးဖွားလာခဲ့တာပါ။ သူ့မှာ ပြို...
