ပြိုင်ဘက်ကင်းမိုးကောင်းကင်သိုင်း၀ိဉာဥ်(ကျွင်းရှောင်ယောက်) Book 1

၅၇၆ - ၅၈၀

အခန်း ( ၅၇၆ ) ဘီလူးကြီးသုံးကောင်ကို ချွေးသွေးတို့ဖြင့် တိုက်ခိုက်သော ကျန်းစန်းယီ၊ ကျွင်းရှောင်ယောက်‌ ရောက်လာပြီ၊ အဖြူရောင်ဝတ်စုံနှင့် သတ်ဖြတ်ခြင်း နတ်ဘုရား။

"နင်က ပျက်ဆီးခြင်းကောင်းကင် အင်မော်တယ်နယ်မြေကြီးကမှ မဟုတ်တာ၊ ပျက်ဆီးခြင်းကောင်းကင် အင်မော်တယ်နယ်မြေကြီးမှာ ကျွင်းရှောင်ယောက်က ဘယ်လိုဂုဏ်သိက္ခာနဲ့ အဆင့်အတန်းရှိလဲဆိုတာ ဘယ်သိနိုင်ပါ့မလဲ"
ကျိချင်းရီက လေးလေးနက်နက် ပြောလိုက်သည်။

"အဲဒီလိုဆိုရင်တောင် သခင်​​ရှေ့မှာ ​ဘာမှမဟုတ်​ဘူး"
ချန်ဖေးက နှုတ်​ခမ်း​ကို တွန့်ကွေးကာ ပြောလိုက်၏။

သူမ၏ စိတ်ထဲတွင်၊ လူသားအင်မော်တယ်ဂိုဏ်း၏ ဆက်ခံသူက ဤခေတ်၏ အတက်အကျကို လွှမ်းမိုးရန် ရည်မှန်းထားသော ပြိုင်ဘက်ကင်းသည့် တည်ရှိမှုတစ်ခု ဖြစ်သည်။

သို့သော်လည်း၊ ယခုအချိန်တွင် ရန်သူများ ဝိုင်းရံခံနေရသော ကျန်းစန်းယီ၏ လှပသောမျက်နှာပေါ်တွင် ထိတ်လန့်ကြောက်ရွံ့မှု စိုးစိမျှ မရှိပေ။

ကျန်းမိသားစု၏ နတ်ဘုရားမနှင့် သန္ဓောစွမ်းအင် တာအိုခန္ဓာပိုင်ရှင်အနေဖြင့် ကျန်းစန်းယီတွင် မပြိုကွဲနိုင်သော တာအိုနှလုံးသားကို ပိုင်ဆိုင်ထားခဲ့သည်မှာ ကြာခဲ့ပြီ ဖြစ်သည်။

ဤအခိုက်အတန့်တွင် သူမက တည်ငြိမ်သော အမူအရာဖြင့် ပြောလိုက်သည်။
"နင်တို့ တကယ်ပဲ ငါ့ကျန်းမိသားစုနဲ့ ကျွင်းမိသားစုကို ရန်သူလုပ်ဖို့ ဆုံးဖြတ်ခဲ့ပြီးပြီလား"

ကျန်းစန်းယီ၏ စကားက ရှေးဟောင်းကြယ်စက်ဝိုင်းမှ ဘီလူးကြီးတချို့ကို စိတ်မသက်မသာ ခံစားရစေခဲ့၏။

ကျန်းစန်းယီ၏ နောက်တွင် ရှေးဟောင်းမင်းမျိုးနွယ် ကျန်းမိသားစုက ရပ်နေသည်။

‌ရှေးဟောင်းမင်းမျိုးနွယ် ကျန်းမိသားစုနှင့် ရှေးဟောင်းမင်းမျိုးနွယ် ကျွင်းမိသားစုတို့က ဘောင်းဘီဆင်တူ ဝတ်ဆင်ထားကြ၏။

ကျန်းစန်းယီကို စော်ကားခြင်းက ရှေးဟောင်းမင်းမျိုးနွယ် မိသားစုနှစ်ခုကို စော်ကားခြင်းနှင့် မခြားပေ။