ပြိုင်ဘက်ကင်းမိုးကောင်းကင်သိုင်း၀ိဉာဥ်(ကျွင်းရှောင်ယောက်) Book 1

အပိုင်း ၉၁ မှ ၉၅

အခန်း ( ၉၁ ) ပန်ဝူနတ်ဘုရားမင်းဆက်မှ ရန်ပန်၊ အားနည်းလွန်းတာလား

တကယ်တမ်းတွင် ကျွင်းရှောင်ယောက်က ခန့်မှန်းထားခဲ့ပြီး ဖြစ်သည်။

ယခုတော့ သူအသုံးပြုခဲ့သော သိုင်းပညာနှင့် ရွှေနဂါးခုတင်ကြီးကို ပေါင်းစပ်လိုက်သော် သူမှန်း ပိုသေချာသွား၏။

၎င်းက ပန်ဝူနတ်ဘုရားမင်းဆက်၏ မားကွစ်ကွမ်ကျွင်းမှလွဲ၍ အခြားသူ မဖြစ်နိုင်တော့ပေ။

ရန်ပန်၏ ဘဝဟာ ဒဏ္ဍာရီတစ်ခုဟု ဆိုနိုင်သည်။

သူသည် တော်ဝင်စံအိမ်မှ ကျွန်တစ်ဦးဖြစ်ခဲ့ဖူးသည်ဟု ကောလဟာလများပင် ထွက်ပေါ်ခဲ့ဖူး၏။

သို့ရာတွင် တစ်နေ့သ၌ နတ်ဘုရားဓားတစ်လက်ကို မတော်တဆ ကောက်ရခဲ့ချိန်မှစ၍ သူ့ဘဝဟာ တိုးတက် ပြောင်းလဲသွားတော့သည်။

ထိုဓားက တခြားမဟုတ်ပေ။ ပန်ဝူနတ်ဘုရားမင်းဆက်၏ တည်ထောင်သူ၊ ပန်ဝူမဟာဧကရာဇ်၏ ပန်ဟွမ်ဓားသုံးလက်မှ တစ်လက်ဖြစ်သော ပန်ဟွမ်ရှန့် ဝိညာဉ်ဓားဖြစ်သည်။ 

ရန်ပန်ဟာ ပန်ဟွမ်ရှန့် ဝိညာဉ်ဓားနှင့် တစ်ဆင့်ပြီးတစ်ဆင့် တိုးတက်လာသည်။ သူဟာ အခွင့်အလမ်းအမျိုးမျိုးကိုဆုပ်ကိုင်ပြီး အရှေ့ဆက်တိုးခဲ့၏။ နောက်ဆုံးတော့ သူဟာ ပန်ဝူနဆ်ဘုရားမင်းဆက်၏ မားကွစ်ကွမ်ကျွင်း ဖြစ်လာခဲ့တော့သည်။

ပန်ဝူနတ်ဘုရားမင်းဆက်ရှိ လူအများပင်လျှင် ရန်ပန်က မဟာဧကရာဇ်ပန်ဝူ လူဝင်စားဖြစ်ဖွယ်ရှိသည်ဟု ယုံကြည်ခဲ့ကြသည်။

ဟုတ်၏။ ဤသတင်းကတော့ ကောလဟာလသက်သက်သာ ဖြစ်သည်။

မည်သို့ဆိုစေ ပန်ဝူနတ်ဘုရားမင်းဆက်ရှိ ရန်ပန်၏ မြင့်မြတ်သောအဆင့်အတန်းမှာ သံသယဝင်စရာမရှိပေ။

ယခုတစ်ကြိမ် ပန်ဝူနတ်ဘုရားမင်းဆက်ရှိ မင်းသမီးဝူမင်ယွဲ့၏ ကြင်ဖော်ကိုလည်း ရန်ပန်အား ရွေးချယ်ပြီးပြီဟု သတင်းများထွက်ပေါ်နေခဲ့သည်။

ထိုမှတစ်ဆင့် ပန်ဝူနတ်မင်းဆက်ဟာ ရန်ပန်ကို အလွန်အလေးထားကြောင်း တွေ့မြင်နိုင်သည်။