အခန်း ( ၄၃၁ ) ကျွင်းရှောင်ယောက်ကို အခွင့်ကောင်းယူခြင်း။ နဂါးအလောင်းကို လွှဲပြောင်းပေးမည့် အခြေအနေကို အသုံးချပြီး ဒီမင်းသမီးကို စီးချင်တာလား။
ဤမြင်ကွင်းမျိုးကို မြင်တွေ့ရဖို့ ဘယ်သူမှ မမျှော်လင့်ထားပေ။
သူတို့နှစ်ယောက်က တိုက်ခိုက်နေရင်း ရန်ယုမန်ဟာ ကျွင်းရှောင်ယောက်ကို ရုတ်တရက် နမ်းလိုက်သည်။
"ငါ့ကို အခွင့်ကောင်းယူနေတာလား"
ကျွင်းရှောင်ယောက်လည်း သတိပြန်မဝင်မိ တစ်ခဏမျှ ထိတ်လန့်သွား၏။
သူ့ရှေ့မှ ရန်ယုမန်က သူကိုယ်တိုင်မဟုတ်မှန်း သေချာနေခဲ့ပြီ။ သူမ ခန္ဓာကိုယ်ထဲတွင် တစ်စုံတစ်ယောက်၏ စွမ်းအားများကို ဖုံးကွယ်ထားတာမျိုး ဖြစ်ကောင်းဖြစ်နိုင်သည်။
ဟုတ်ပေသည်၊ ရှန်းကုကမ္ဘာ၏ စည်းမျဉ်းများအရ ရန်ယုန်၏ကိုယ်ခန္ဓာတွင် တစ်စုံတစ်ဦး ပုန်းကွယ်နေသော်လည်း ၎င်း၏ခွန်အားမှာ အလွန်မြင့်မားသောအဆင့်သို့ မရောက်နိုင်ပါချေ။
ကျွင်းရှောင်ယောက်က ယင်းကို ကိုင်တွယ်ဖြေရှင်းနိုင်သည်။
ရှေးဟောင်းမြင့်မြတ်ခန္ဓာက တုန်ခါသွားကာ ရွှေရောင် ချီနှင့် သွေးများ တဟုန်ထိုး တက်လာခဲ့၏။
ရန်ယုမန်၏ ခန္ဓာကိုယ်လည်း နောက်ဆုံးတွင် တုန်ခါသွားကာ ကျွင်းရှောင်ယောက်ကို ဖက်တွယ်ထားရာမှ ဖယ်ရှားသွားတော့သည်။
"မောင်လေး၊ နင်က သိပ်အကြင်နာမဲ့တာပဲ၊ ငါ အရမ်းဝမ်းနည်းသွားပြီဟာ..."
ရန်ယုမန်၏ မျက်နှာက အနည်းငယ်ညိုးသွားသည်။
"မင်းက ငါ့ကိုအခွင့်ကောင်းယူပြီး အပြစ်ကင်းစင်ချင်ဟန်ဆောင်နေတာလား"
ကျွင်းရှောင်ယောက်၏ အမူအရာက ဘာမှမထူးခြားပါပေ။
"ခစ်ခစ်ခစ်၊ ငါက ဒီထက်ပိုပြီးလိုချင်တာ၊ နင့်ကို ဒီလိုပုံစံလောက်နဲ့ အခွင့်ကောင်းယူချင်ရုံမကဘူး"
ရန်ယုမန်က ညှို့ယူစွာ ပြောဆိုသည်။
"..."
ကျွင်းရှောင်ယောက်က အနည်းငယ်ပြုံးပြလိုက်သော်လည်း ဘာမှပြန်မပြောပေ။
ESTÁS LEYENDO
ပြိုင်ဘက်ကင်းမိုးကောင်းကင်သိုင်း၀ိဉာဥ်(ကျွင်းရှောင်ယောက်) Book 1
Aventuraဘာသာပြန်သူထံမှ ခွင့်ပြုချက်ရပြီး အကျဉ်းချုပ်.... ကျွင်းရှောင်ယောက်ဟာ လျှို့ဝှက်ဆန်းကျယ်တဲ့ကမ္ဘာကို ရောက်ရှိသွားပြီးနောက် ရှေးဟောင်းမျိုးနွယ်ကြီးတစ်ခုရဲ့ နတ်ဘုရားသားတော်တစ်ယောက် ဖြစ်လာခဲ့တယ်။ သူက ပြိုင်ဘက်ကင်းနောက်ခံနဲ့ မွေးဖွားလာခဲ့တာပါ။ သူ့မှာ ပြို...
