قصة جبل - نورسين ( بالدارجة المغربية )

💛 الفصل العاشر💛

الفصل 1: جبل نورسين الجزء 28:توقفات الموسيقى و توقف عزف جبل معاها هز عويناتو لمستوى أعلى حيت كان خافض راسو فاش كان كايلعب على مفاتيح البيانو ، رمش بعويناتو فوسط هاد الغرفة المظلمة كيحس بأنفاسو كتعالا كأنه كان فسباق الألف ميل ، صدرو كيتحرك مع انفاسو صعودا و نزولا ، عرق كيتصبب من جبهة ديالو كأنه خارج من حرب...ما بقاش كيقدر ينعس حيت عارف بلي غاتزورو فأحلامو ما كيقدرش يبقى ساكن مكانو حيت خيالو و تفكيرو كلو عندها ما كيقدر يدير والو . ما كيلقا غير البيانو اللي أصبح صديقو الحميم اللي كيفرغ فيه و لو شوية من احاسيسو على شكل نوطات كيستمتع بيها و لكن كلمات الاغنية اللي كيسمعها كتذكرو فيها يعني بحال ما قضى وااالو أين المفر منك و كل طرق تؤدي إليك ؟؟ كايبغي يهرب منها و لكن نسى بلي هي كاينة بداخلو أكثر منو يعني بحال شي واحد باغي يهرب من نفسو ؟! ...وقف جبل من مكانو و تقدم بخطوات بطيئة حتى قرب لنافدة الزجاجية هز عويناتو و شاف فالقمر إبتاسم بلا ما يشعر حيت كيذكرو فيها شكون من غيرها نورسين اللي أصلا سميتها كتعني "ضوء القمر " ؟!...نورسين خلاتو بلا نعاس فالوقت اللي ناس نايمين شكون من غيرها نورسين اللي شاغلة تفكير جبل اللي كيتمناو البنات غير شوفة منو تمناو غير يلمسو يديه باش يعرفو ملمسها كيف داير بغاو غير يعنقوه باش يشمو عطرو الرجالي القوي اللي كيخليهم فاقدين عقلهم شكون من غير نورسين اللي معدباه و هي ففراشها مرتاحة ....شنو دارت هاد الإنسانة باش تخلي قلب هاد العاشق يشوفها فالقمر و تشغل تفكيرو حتى لهاد الدرجة شنو دارت نورسين باش دخلات لقلبو بلا موجب شرع و استولات عليه و رجعاتو ملكيتها الخاصة و صبحات ملكتو و متربعة على عرشو شكون هادي اللي خلات عينو ما تشوفش من غيرها شكون هادي اللي استعمرات روحو ؟! ....حس بحركة غريبة حدا رجلو عرف شكون صاحب هاد الحركة هبط راسو بعض الشيئ و شاف القطيوط الأسود اللي مربي ...تحنى لعندو ببطئ و هزو من الارض و حطو فأحضانو و قرب منو و سرق من جلدو قبلة طويلة و حط يدو على القط و بدا كيمشط بها الفرو ديالو و قال بصوتو الجوهري الأجش الرجولي الهادئ اللي كيطرب الأذن كيف نغمة موسيقية ما تسخايش بيها ....جبل: حتى نتا سهران بحالي هممطلع القط لمستوى عالي و كمل كلامو ...جبل: حتى نتا مسهراك شي مشيشةرجعو لأحضانو و خطى خطوات بإتجاه السرير و استلقى عليه على ضهرو بجثتو الضخمة اللي قابطة السرير كامل و حط المش ديالو فوق صدرو العريض ؛خشى يديه من مور راسو و موجه عويناتو للسقف ...غمض عينو باش يزورو نعاس و يرتاح و لكن ما كيقدرش صورتها اول حاجة كتبان ليه صوتها كيسمعو فقلب ودنيه كيحس بلماساتها كتحرق فيديه كيحس بقبلاتها فخدو كيحس بيها و كأنها معاه و فجنبو ....فتح عينو بسرعة و رجع صدرو كينزل و يهبط بقوة و قلبو كيتسارعو نبضاتو و تنفس ديالو أصبح غير منتظم عرف بلي خاصو دوا ديالو ناض كيقلب فالمجور اللي حدا سرير حتى لقا دوا هزو و خدا حبة باش تكالمي الحريق اللي عندو فالقلب شرب الما و تكا بشوية من فوق السرير و حط يدو من على جهة قلبو حيت كيحس بيه كيضرو بزااف و كيعطيه الحريق كيحس بداتو مهلوكة لا صحيا و لا جسدياا و لا روحيا عيا ديال بصح كيتمنى لو أنه ما تزادش و لا انه يذوق هاد العذاب ......شاف فالقطيط ديالو بان ليه كيغمض عويناتو ابتاسم و قال ...~:على الأقل واحد فينا غاينعسحنى و باس القط ديالو و مشط على شعرو بيديه الضخمة المزينة بشعيرات خفاف عاطيينه لمسة رجولية خاصة بيه شاف فالكلب ديالو oliver بان ليه حتى هو متكي و ناعس فالارض ناض من مكانو و خرج من بيتو و اتاجه لمكتب ديالو و شعل إنارة خفيفة و بان وجهو و تفاصيل جسدو بوضوح أكبر لابس فقط سروال ديال كيطمة فالغري و عاري من الفوق جبل كيمتالك بنية رياضية غير من خلال عضلات البطن السداسية اللي واضحة بشكل كبير فكرشو اما بشرتو بيوضة زينو مميز بطريقة مختلفة كيمتالك جاذبية خاصة و الا شافتو أي بنت من جنس حواء ما كتقدرش تقاوم سحرو و خاصة ابتسامتو اللي كتخلي أقوى القلوب تلين و المميز فوجهو انو مبشور و ماشي من دوك الرجال اللي ديما عاقدين الحداش الواضح ان طيبة قلبو منعاكسة على ملامح وجهو بشكل كبير ...جلس فالبيرو و جبد الحاسوب ديالو و بدا كيخدم فيه و كيقاد امور الشركة ديالو من خلالو و كيبحث على افكار اللي غاتخليه يزيد بمستقبل المقاولة ديالو للقدام كيحاول يشغل راسو بأي شيئ فقط غير باش ما يحمااقش و لا باش ما ينتاحرش ...دازت ساعة ساعتين ثلاثة ديال سوايع و هو خدام فالحاسوب ديالو حتى ما عرف كيف دار حتى غفى من فرط تعب الضاهر أنه عيى و هادي استراتيجية كيخدم بيها يوميا فاش كيعرف بلي صورتها ما غاتغادرش بالو كينوض كيتلهى بالخدمة باش ينسى حتى كيلقى راسو نعس ...