قصة جبل - نورسين ( بالدارجة المغربية )

💛 الفصل 58💛

جبل نورسين الجزء 275 :انصارفت نورسين من جردة مخلفة من موراها براكين فقلب جبل اللي حرقاتو بكل حرف نطقاتو ما يمكنش تكون كاتفكر بهاد الطريقة ما يمكنش تكون ما تحركاتش مشاعرها اتجاهو بعد هادشي كامل اللي كيحاول يدير و لو غير بنسبة جوج فالمية ما يمكنش نورسين تقول هاد الهضرة الا كان كيعجبها يعني كلشي غير أوهام كان حاطها جبل فراسو...نورسين ما كيعجبها جبل ما والو نورسين كتشوفو فقط كأخ و كصديق مد ليها يد المساعدة فقط....كيف يعقل انها تكون كتظن أنها ما لايقاش بمستواه ما يمكنش شحال فاقدة ثقة فراسها ياك هو قالها غانعلمك و غانقريك و غاندير ليك اللي بغيتي علاش مزالها كتحڭر راسها بهاد الطريقة هو اصلن ما كيآمنش بهاد المستويات و هاد التخربيق هو مستاعد يتخلى على كلشي غير باش يكون معاها و هي مزالها كتدير هاد المقارنات الخاوية ...الدنيا ضارت بيه مية ضورة فالثانية حس براسو كيزدح و داتو فشلات ركابي باش ينوض ما بقاوش ليه ؛ حط يدو على جبهتو غمض عينو و بقا ساكت كيفكر فشنو يدير فقضية نورسين ما بقا كايفكر لا فخدمة لا فحتى وزة رجع مركز تفكيرو غير على نورسين و كيفاش يكسبها و ترجع تبغيه ما بقا طالب والو من دنيا من غيرها و علاين تحمقو حتى كيقول طريق بدات تسرح و كترجع تحفر اكثر من اللول قضات عليه نورسين كيف شي ورم مستحيل يستأصل ...يعقوب : دابا ما فهمتش واش هي قالت اه و لا لا و لا هما بجوج ؟؟سلمى نطقات بأسف موجهة كلامها ليعقوب ...سلمى : مشكلة نورسين هو انعدام ثقة فالنفسيعقوب : و قالوها سيدنا لولا لهلا يطيح حبك على حجرة و نتا ابا جبل حبك طاح على كركوبية نيتجبل حل عينو و حيد يدو من جبهتو شاف فيعقوب و نطق بتعب واضح على وجهو ...جبل : واش حالتي كتبان ليك ديال الضحك ؟؟يعقوب : و هو ما عندك علاش تقلق هي فصراحة قالت ليك بلي هي موافقة عليك بطريقة فنية غير ما رضاتش تقولها نيشان و بدات تلوى فالهضرة لواه نتا تستاهل احسن مني لواه مستوياتنا ماشي بحال بحال غير تفلية برب الجليل حتى طايحة فيك غير ما باغاش تبين و عقل على هضرتي مزيانجبل : نورسين ما كتبغينيش و ما كنعجبهاش حيت كن كان عندها إحساس من جيهتي و لو بسيط ما غاتمناش ليا نتزوج بوحدة اخرى لو كانت سكتات و ما تقولش ديك الهضرة مشكلة ديالها مزال كتشوفني خوها و لا صديق عاونها فوقت شدة و صافيسلمى : نورسين صاحبتي و انا عارفاها هي فاقدة الثقة براسها و كتشوف راسها ما موالماش جبل فشكلها حيت ختها لفعة المسمومة كانت ديما تعايرها و دوك الافكار هوما اللي مخلينها تفكر بهاد الشكل أنا متأكدة غير تقاد حالتها و تقرا شوية على ثقة فالنفس و نديها عند شي كوتش غاتولي تشوف راسها مناسبة ليك أ خويا جبل غير ما تفقدش الأمل حنا معاك حتى نطيحوها فالشبكةجبل تنهد و قال بتعب ....جبل : و الله ما عرفت شنو ندير باش ترجع تبغيني و الله ما عرفت حرت معاها كلما كنقول راها بدات تعلق بيا فرمشة عين كترجعني لزيروسلمى : و لكن اخويا راه واخا تبغيك و تعلق بيك راها ما عمرها غاتجي عندك و تقولها ليك حنا العيالات بنفسنا كانبغيو راجل اللي يعتارف هو اللول خاصة نورسين اللي متأثرة بروايات رومانسيةجبل وقف من مكانو ما جاوبش سلمى و عطاهم بالضهر و قال بعياء ...جبل: تصبحو بخيرانصارف من المكان و حاس بإختناق فصدرو كأنه قلبو غايتوقف كاينبض بسرعة و كلما تدكر كلامها كيزيد يجهاد عليه الحريق حيت كيزيد يتعصب و خاصة انه حاس بتعب ما بقاش قادر يخطي و لو خطوة وحدة و جلس فوق الفوتوي اللي فالسيجور مرجع كسدتو للور و حط يدو على قلبو و شعرو زاد طاح على جبهتو و حريق كيقطع فقلبو كأن روحو غاتزهق ما قادرش يعيط حتى لشي حد يعاونو حيت الجهد ما بقاش ليه نورسين استنزفات آخر درة صبر عندو ما بقاش قادر يتحمل أكثر من هاكا حيت كايبقى غير بشر ضعيف تبتلى بحب إنسانة صعبة المنال ...