قصة جبل - نورسين ( بالدارجة المغربية )

💛 الفصل 59💛

جبل نورسين الجزء 280 :شرقات شمس صباح مبشرة بنهار جديد ... كيفما العادة جبل فاق هو اللول كان واقف حدا سيارتو الرانج روفر لابس كيطمة فالكحل مع سبرديلة و هاز تيليفونو كيشوف شنو الجديد و كيدقق فتقارير اللي كيوصلوه حيت البارح كان مشغول و مريض ماشاف والو حتى سمع صوت تصفار عرف يعقوب هو مولاها ؛ رد تيليفون لجيبو و هز راسو بان ليه يعقوب جاي لناحيتو لابس كيطمة حتى هو و هاز صاكادو على ضهرو حتى قرب لجبل و مد يدو صافحو و نطق بصوت متعب ...يعقوب : الله يا خويا و مالك مفيقني على نبوري مع دجاججبل : دوز تطلع بلا هضرة زايدةيعقوب : نتا تعرف غير تآمر و راني عيان أ صاحبي واش شكيت عليك و قلت ليك انا باغي نلعب sportجبل ما جاوبوش حل الباب و طلع لمكان سياقة خلاه واقف كينڭر ....يعقوب : تعرف تحل البيبان غير لنورسين حنا ما عليناش اللهجبل سمعو و هبط الزاجة و جاوبو ....جبل: حتى تكون سميتك نورسين و ديك ساعة نهبط نحلو ليك و دابا طلع و لا غانهبط و ما غايعجبك حاليعقوب ضرب الضورة و حل الباب الامامي طلع و لاح الصاكادو فالمقعد الخلفي .....يعقوب: الا ما سمحتش ليك ما عندك فين ترقد فقبرك مالنا على ثمنية ديال الصباح واخا تكون بايت كتحلم بياجبل : تستاهليعقوب : علاه اخويا مالي اش درت ليك؟؟جبل : البارح علاش كتقول لنورسين انا كنبغي بنت من صغر عارفني ما غاندوزهاش ليكيعقوب : و غير كنت ضاحك ندمتيناجبل : ما معاياش أنا غير كنت ضاحكيعقوب : و هانتا رديتي صرف بالضوبل الا عاودت قلت شي حاجة انا حمار صافيجبل ديمارا و قلع فاتجاه لاصال ديالو اللي قريب من المزرعة بنص ساعة تقريبا ....جبل : جبتي الضواسة اللي قلت ليك البارحيعقوب : الله اودي ضواسة ديال طاسيلتها de A à Z جبتهم ما تخممشجبل : [ مرر يدو على شعرو ] نتمنى تكون شي حاجة كتفرحيعقوب : أ ضواسيهم م**** من اللخر كلشي مزبلهاجبل : [ بابتسامة ماكرة ] داكشي اللي بغينا حتى حنايعقوب : واش نسات عائلتها و لا مزال مدمرة مسكينة ؟؟؟جبل : [تنهد ] هي معدبة و انا كنتعدب اكثر منها البارح فاش خرجتها شحال بكات حتى كانقول نساتهم و تعاود ترجع تفكرهميعقوب : كيبقاو عائلتها ما عندك ما تديرجبل : و حيت عائلتها تاقيت فيهم وجه الله خاصة داك باها و ختها ديك المرة استافزوني كان كيبان ليا غير نخوي فديلمهم الفردييعقوب : ها هي بعدا قربات ليك و سكنات معاك و هادي حاجة مزيانة ما غاتبقاش تعدب بعدا كيفما قبلجبل : كنتعدب فاش كنشوفها و ما قادرش نقولها بداكشي اللي كانحس بيه هدا هو العدابيعقوب: جبل برب العلي العظيم إلا غادي تخرجلي العقل أصاحبي راه الحل حداك فوقاش غادي تقولها انا باغيك أبنت ناس واش تقبلي بيا نسترك و نتزوج بيك ها العار واش هادي حاجة صعيبة هاد الهدرة اللي كتقيل تقولي و كتقيل تعبر بيها على حبك ليها سير أ خويا قولهالها و تهنا مالك على حالك هاز هاد جبال و جالس تعدب فراسك على والو والحل قدامكجبل: ما قادرش حيت غانخسرهايعقوب: علاش غادي تخسرها؟؟؟جبل: غانبان ليها غير كنشفق عليهايعقوب: نتا راك مريض و باغي تمرضني هدا الله معاكجبل : [بعصبية ] كن كنت طبيعي كن صارحتها من زمان و لكن انا مريض معقد حيت حتى واحد ما عاش داكشي اللي عشتو ما عمرك غاتفهمني حيت عندك كلشي ساهل و لكن انا اللي حاس بدقة كن كنتي بلاصتي كن قجيتي راسك شحال هادييعقوب تنادم معاه الحال وجاوبو بأسف فنبرة صوتو ...يعقوب : ما قصدتش بلي نتا مريض فعقلك قصدت بلي نتا مريض فهادشي اللي كتدير خايف من لاشيئ راه البنت أ صاحبي محتاجك و نتا محتاجها و لكن نتا تعرف كيفما كان الحال ما غانعرفش احسن منكجبل وقف طوموبيل فجنب الطريق و جبد ڭارو شعلو كيحس بداتو كترعد ما كيحملش فاش شي حد كيجبد ليه بلي هو مريض او لا معقد كايزيد يمرض كأنه كيقيسو فنقطة ضعفو ....يعقوب عرفو تعصب غير من يدو اللي كترعد ...يعقوب : سمح ليا ما قصدتش غير ...جبل : صافي قلب عليا الموضوع و لا سد حلقك