قصة جبل - نورسين ( بالدارجة المغربية )

💛 الفصل 13💛

نورسين ما كتسمعش ليها كاع بدات تحل فالبواط و هي تجبد حبة و بقات تشوف فيها متشوقة دوقو تعرفو كيف داير حيدات ليه الكاغيط و لاحت وحدة فمها و غمضات عينيها جاها لذيذ بزاااف ما كرهاتش تبوس جبل فهاد اللحظة بقوة الفرحة حيت عطاها هاد الشكلاط و كان ليه الفضل فأنها تكتاشفو ...سلمى : عطيني حبةنورسين خدات وحدة و عطاتها ليها ...سلمى : الله يخلف عليك هانا مشيت لخدمتي بصحتك Ferero rocher تستاهلي أ زينغمزاتها سلمى و مشات كضحك على صاحبتها بينما نورسين جلسات من فوق الكرسي و كتشوف فديك البواطة و عينيها كيبريو بالفرحة و كتفكر فجبل اللي كان ليه الفضل فشحال من حاجة من بينهم الشوكولا و قالت بهمس ...نورسين : جبلدوزات نورسين نهار كامل فالمكتبة عيات و تهدات و لكن داك الشكلاط اللي كلات نشطها واخا هاكاك طلع ليها المورال ..جا وقت الخروج و كلشي بدا يخرج و نورسين حتى هي هزات صاكها دارتو على كتافها و لمحات داك صاشي اللي جبل عطا ليها فيه الشوكولا هزاتو و بقات ساهية فيه عجبها جاها كيوت بزاف حلاتو و هي طلع واحد ريحة زوينة فداخل ديالو عجباتها و لكن قشعات واحد الورقة فيه بيضة مطوية خشات يديها و جبداتها حلاتها و هي تقرا واحد الجملة مكتوبة بلغة العربية بخط زوين و لكن مضمون الجملة خلا قلبها يرفرف ...نورسين : أولا: أحبك ثانيا : لاتنسى أولابقات ساهية فالرسالة و كتبتاسم فهمات بلي جبل كيكتب رسائل مع لي كادو ديالو حيت كان عوال يعطيه لبنت صغيرة ناااري شحال حمقاتها الفكرة اللي دار و مع هي مضروبة على الرومانسية سطاتها الجملة رغم بساطتها جاها فشكل انو شخص بحالو يكون هاكا رومانسي و باين حنين غير منين كاتب هاد الوريقة لبنت صغيرة و خطو زوين بزاااف خط عربي أصيل ...

الفصل 1: جبل نورسين الجزء 39:وقفات عليها سلمى كتشوف فالورقة اللي فيديها ...سلمى : هاي هاي على أحبكنورسين طوات الورقة و حشاتها فصاشي و شافت فيها ..نورسين : ما علموكش بلي تجسس حرامسلمى : و ما قالوش ليك بلي تمعشيق مع دراري حرامنورسين : سلمى كظلميني و اللهسلمى حشات يديها فدراع نورسين ...سلمى : ماشي سوقي انا غير ضاحكة معاكخرجو من المكتبة و بقاو واقفين قدام بابها ...نورسين: خاصني نمشي نشد طوبيسسلمى: و جلسي معايا تونسيني غير شوية على ما يجي خطيبينورسين : علاه يا ختي مخطوبة ؟؟؟سلمى هزات يديها كتوريها الخاتم ديال الخطوبة اللي كان فيديها ...سلمى : اييه أ كبيدتي مخطوبة غير ما جابتهاش الهضرة باش تعرفيها ما تقلقيش منينورسين : [بفرحة ] بالعكس يا الهبيلة الحاجة المستورة ربي كيكمل فيها يا ختي مبروك عليك و الله فرحت ليك الله يكمل عليك بالخيرسلمى : يحفظك زين عقبنا ليكنورسين : [ بحزن] امين اختي كنتمنى حتى انا نتزوج و الله حيت حاسة بحال مثقلة على واليديا دابا ها ختي صغيرة غادي تزوج و انا غادي نبقالهم كرهت حياتي ا ختي والله حتى عييت اللي جا كيقولي انا خايبة بنت خالتي اصغر مني عاد جات عندنا البارح غادي يزوجوها وانا ههه نهار على نهار كنكبر وما كاينش اللي يدق البابسلمى عنقاتها جنب و قالت ...سلمى : واش نتي هبيلة كيفاش بقيتي لوالديك مالك نتي سلعة غاتبقاي ليهم فراس راك إنسانة أحبيبتي ما تبقايش تقولي هاد الهضرة كتمرضيني كظلمي راسك بزااف كتجيني فاقدة ثقة فنفسك لواحد الدرجة كبييرة راه ربي اللي كيرزقك كل نهار و عاطيك صحيحتك ما غاينساكش و الا كان زواج فيه خير ليك راك غاتزوجي ما كانش فيه الخير ليك الله يبعدو عليك واش حنا غانعرفو احسن من اللي خلقنا ؟؟نورسين: حاشىما هي الا ثواني حتى وقفات رانج روفر فالأبيض حداهم زاج فومي ما كيبينش شنو كاين لداخل ..سلمى : هااااح ها الحب ديالي وصل يلاه نوصلوك معانا بلا ما تكرفسي فطوبيساتنورسين ما توقعاتش خطيب سلمى يكون بهادالثراء كامل او عندو رانج روفر بيضاء كتخردل كتسكت دري الا بكا بقات مصدومة صرطات ريقها و شافت فسلمى و قالت بمزاح ..نورسين : اللهم لا حسد شفت فيكم بعين رحمة و لكن اختي منين ضبرتي على خطيبك باين مرفحسلمى : ههه سر المهنة يااا ختي يالاه معانا عفاكنورسين : لا لا أختي غير سيري مع خطيبك انا نمشي فشي طوبيسسلمى : على خاطرك زيوناتسلمات عليها باش تمشي و هي تشد نورسين فيد سلمى ..نورسين : اجي لهنا فين خدام خطيبكسلمى : [ ضحكاتها بالفضول لي فيها غمزاتها ] كيبيع الغبرةنورسين : [بصدمة ] حلفي باللهسلمى : واش من نيتك ياك قلتي الحاجة المستورة ربي كيدير فيها الخير و دخلي سوق راسك