قصة جبل - نورسين ( بالدارجة المغربية )

💛 الفصل 22💛

الفصل 1: جبل نورسين الجزء 86:رجع خبع المذكرة ديالو فالمجر و ناض وقف و تمشى بخطوات بطيئة حتى تكا على سريرو و هز التصويرة ديال ماماه اللي كانت سميتها #نورسين باسها بوسة طويلة و رحع حطها فوق من طاولة اللي حدا راسو و تكا من فوق السرير وغمض عويناتو باش يهرب من هاد الواقع المرير اللي تايعيش فيه ....بينما ليلى خرجات من الفيلا و خدات طاكسي باش يوصلها لدارها اللي جاية فعمارة فحي شعبي ؛ كانت ساهية فطريق و كلام طبيب كيدور فراسها خاصها تقلب ليه على شي طبيب نفساني و شي صديق اللي يحس بيه جوج حاجات خاصها تديرهم باش يخففو عليه طبيب نفساني حلو ساهل و لكن منين غاتجيب ليه صديق ؟؟....حبسات الطاكسي حدا المحطة خلصات و هبطات ؛ليلى غادة فطريق و بالها مشطون حتى قربات للعمارة فين ساكنة و هي تلمح شي دراري تايلعبو حدا عمارتهم و معاهم بنيتة كتلعب و تجري معاهم و تنقز باينة باسلة شوية عرفاتها بنت جارتهم فاطمة اللي ساكنة فوق منها عجباتها و بقات مربعة يديها كتشوف فيها كانو كيلعبو إفتحي يا وردة إغلقي يا وردة و لكن الغريب فالأمر غير هي اللي بنت وسط خمسة ديال دراري كاع ما كتلعب مع البنات ...ليلى بقات كتشوف فيها و هي تفكر بلي البنيتة اللي كتلعب معاهم عندها نفس إسم أم جبل طرطقات عينيها فالفراغ و جاتها فبالها فكرة علاش اللي ما تبقاش تدي نورسين تلعب مع جبل فالدار و تونسو و منها ينسى شوية داك نقص اللي كيحس بيه و حتى هو يوليو عندو أصدقاء و من زهر عندها نفس اللاسم ديال ماماه و هادشي غايزيد يفرحو و يعجبو كأن نورسين تخلقات باش تكون صديقة ديالو هو بالضبط ...ليلى عجابتها الفكرة اللي طاحت على بالها و قررات تلاقي جبل بنورسين و هنا غايتحل المشكل ديال الأصدقاء اللي ما عندوش ....ليلى نادات نورسين اللي كانت عاطياها بضهر ..ليلى: نوورسيننورسين غير سمعات سميتها و هي ضور تشوف شكون اللي كيعيط ليها فعمرها خمس سنوات و شعرها مبوكل و طالقاه و سميمرة ...نورسين غير شافت ليلى عرفاتها جارتهم مشات عندها كطير و بكل براءة قالت ...نورسين: نعااام أ خالتي بغيتيني نتسخر ليك للحانوتليلى ضحكاتها و حركات راسها بنفي و حطات يديها على شعرها و قالت ...ليلى: لا غير بغيت نتعرف عليك عجبتينينورسين ابتاسمت ليها حتى بانو سنيناتها اللي طايحين..نورسين: ياااه عجبتك أخالتي ؟؟ليلى: اه كتحمقي مشاء اللهنورسين عجبها الحال تمدح فيها ...نورسين: حتى نتي أ خالتي كتحمقيليلى عجابتها نورسين جاوها هضيراتها زوينين و هي أحسن صديقة ممكن تكون عند جبل حيت جبل خاص اللي يفهمو و يضحكو و يفاجيها عليها و نورسين هي الخيار المناسب اللي بان ليها فهاد اللحظة . بقات ساهية فيها ليلى كتفكر ؛ حتى نطقات نورسين بهضرتها الطفولية الحلوة و نورسين ما كتنطقش حرف شين الشيئ اللي مخلي هضرتها حلوة أكثر ...نورسين: عرفتي أ خالتي خاصني نمسي نلعب خليت صحابي بوحدهم باي بايعطاتها بالضهر و مشات كتجري تلعب مع شلة ديالها بينما ليلى بقات غير كتشوف عجباتها نورسين و جاتها حلوة و ضريفة و بريئة كيف شي ملاك و غاتكون أفضل صديقة لجبل ؛ تنهدات و حلات الباب ديال العمارة و طلعات فالدروج و هي تضرب ففاطمة أم نورسين هابطة بجلابتها و قابطة فبزطامها بحال باغا تسخر ...ليلى: [بوجه حزين ] فاطمة سلام كي بقيتيفاطمة: يااو نحمدو الله و نشكروه شفتك بحال ماشي هي هاديك ياك لابس ؟؟ليلى: باينة فيا ؟؟فاطمة: وجهك أصفر و ما كتهضري غير بزز ياو ياكما مريضة أ جارتيليلى: [ابتاسمت ] لا انا ما مريضاش غير هازة الهم ديال الولد اللي مربيةفاطمة: ياو هداك اللي كنتي تعاودي ليا عليه يقيل باه يسلخ فيهليلى: هو هداك أ ختيفاطمة: ولد الحرام فعوط ما يحوز ولدو عندو و يحن فيه محرر عليه العيشة ياو الله يلقيها ليه كحلة زحلةليلى: اليوم سخف فالمدرسةفاطمة: الله الله الله على كبيدتي مسكين و كي بقا دابا شوية ؟؟ليلى: شوية و ما يستاهلش و الله أ ختي فاطمة الا واحد الوليد مؤدب و مربي و ما كيآدي حد و داخل سوق راسو ما تختاري فالوليدات غير هو ساعة ما عندو زهرفاطمة: ياو راه أ ختي دقة تجي غا فالناس المزيانين أجي ياكما يكون مشير و لا ياكما فيه ماليه حيت هاد السخفة ما دخلاتش ليا لراسيليلى: لا ديتو عند طبيب مالقا فيه والو و حتى من صحابو ما كيبغيوش يهضرو معاه و تعقد و بالاعصاب سخف داك الخزعبلات ما كاينينشفاطمة: امم اوا بالشفاء ان شاء الله هاهي ديك المزغوبة عندي ديك لفعة الكرطيطة ديال نورسين يقيل باها يعطيها فالمعاصي و والو عينيها واقفة و بااسلة بااسلة ياختي كاتاكل من العينين و تشهيتها تسخف شي نهار تريحني غير من صداعهاليلى ضحكات على كلام فاطمة و قالت ...ليلى: بغيت نيت نهضر معاك على نورسينفاطمة: [ضربات حنكها ] ياكما بنت الحرام دارت ليك شي حاجة و الله حتى نسلخها