قصة جبل - نورسين ( بالدارجة المغربية )

💛 الفصل 85💛

جبل نورسين الجزء 426 :على الطريق السيار ؛ طوموبيل من نوع رانج روفر فالأسود سايقها جبل و جالس حداه يعقوب بينما فالمقعد الخلفي جالسة ياسمين ؛ عبد المالك و جوهرة وسط منهم كتبكي و تقول شي مابكاتو و ياسمين معنقاها بكل حب و حنان و رأفة على بنتها اللي وهباتها ليها الحياة عوضات و ملأت الفراغ اللي كانت كتشعر بيه إتجاه نورسين بنتها المتوفية ....ياسمين: لا حرام عليك علاش كتبكي ؟؟جوهرة كتمسح دموعها بالمنديل الورقي اللي هازة فيديداتها و تكلمات بصوت فيه شهقة بكاء ...جوهرة : ما سخيتش بيكم و الله ...عمري ما نسى خيركم ... ربي اللي غايجازيكم ما عرفتش شنو كنت نقدر ندير بلا بيكمعبد المالك مرر يدو على شعر جوهرة بكل حب و حنان نطق بصوتو الهادئ ....عبد المالك :نتي راك بنتنا و حنا مادرنا فيك حتى خير هاداك واجبنا ما تبكيش الله يرضي عليك واش كاين شي حد غايمشي l'Amérique و يبكي مسحي دموعك الله يرضي على العزيزة دياليياسمين:جبل ولدي و قف طوموبيل نغسلها و جههاجبل ما جاوبهاش الشيئ اللي خلاها ترجع تناديه بصوت مرتافع بعض الشيئ ...ياسمين: جبل أاااولديجبل عاد سمعها و تواكض كان كيفكر ساهي حتى سمع ياسمين كتناديه بصوت مرتافع عاد جاوبها ...جبل : وي الحاجة هضرتي معايانطق يعقوب موجه نظراتو لجبل ...يعقوب: قالتلك وقف الطوموبيلوقف جبل الطوموبيل بجنب طريق و هبطات ياسمين مع جوهرة و عبد المالك كيغسلو ليها وجهها و كيعنقوا فيها و كيحاولو يهدنوها باش تنسى شوي و تفكر فقط فالدراسة ديالها ...بينما يعقوب و جبل بقاو بداخل سيارة ، استغل جبل الفرصة و جبد ڭارو و هبط نوافد السيارة اوطوماتيكيا باش تخرج الريحة من الطوموبيل و هو ينطق يعقوب بجدية ...يعقوب: مالك أصاحبي مرفوع كنهضروا معاك ما كتسمعناش ڭاع فاش كتفكر ؟؟؟جبل خرج دخان سيجارة من نيفو و فمو ونطق بصوتو الرجولي الرزين بعصبية ...جبل:كنفكر فداك الز***يعقوب: [ بابتسامة ] شكون فيهم حيت كاين بزافجبل حط راسو من مور راسو و قال بكل هدوء ...جبل : خطيب الغفلةيعقوب: غير تكالما و ما تخممش رجالنا هاد النهار غادي يجيبوا معلومات عليه هون على راسك شوية شي نهار غادي تمرض بقوة هاد التفكيرجبل بقا ساكت و نطق بحزن ...جبل : و زيد عليها خايف على نورسين بزاف غير الله يحفظ و صافي غانغامرو شويةيعقوب : كلشي لمصلحتك و مصلحتها اصاحبي كلشي غايدوز بخير غير ارتاحجبل : انا وجهي غير ديال تمارة فين كانعرف شي راحة منين تزاديت الله يهديكدخلات ياسمين و جوهرة و عبد المالك بعدما قدرو يهدنوها شوية ؛ جبل التافت عندهم و قال بإهتمام ...جبل: جواهر كي بقيتي أبنتي شوية دابا ؟؟؟جوهرة بمجرد ما طاحت عينيها على عينو دموعها تكونو من جديد فمقلتيها كيفاش غاتقدر تبعد على فارس أحلامها اللي من ديما كتحلم يكون زوجها و حبيبها لدرجة انها حلمات بعرسهم و تخيلات حتى الفساتين اللي غاتلبس نهار زفافها معاه بل أنها فكرات فأسماء أبنائهم ...بنات و علات غير هي و راسها بلا ساس و فلحظة تردم عليها كلشي عاشت أوهام و تيقاتهوم صعيبة بزاف أنك تعلق الأمل ديالك على شي حد و كلشي كايطلع حلم سراب وهم كيفاش غاتقدر تصبر على فراقو هو بالخصوص و كيفاش غاتقدر تنسى صورة أكثر شخص عطاها الحب و الحنان و اي حاجة كتمناها أي أنثى ....غطسات وجهها و نطقات بألم بين دموعها ..جوهرة : غانتوحشكم بزافجبل ضار ديمارا الطوموبيل و قلع فإتجاه المطار قلبو كيضرو عليها بزاااف عارفها باش كتحس عارفها كتقصد " غادي نتوحشك بزااف " عارف أحاسيسها إتجاهو من نهار بدات كتشوف فيه شوفات كيفضحوها و كيبينوا على انها مغرمة بيه و متعلقة بيه لدرجة كبيرة لما لا و هو اللي مجرب إحساس الحب و العشق من عشر سنوات عرف الحب فسن صغير بزاااف لدرجة كيعرف الواحد شنو هاز فقلبو غير من شوفة العين هو عارف إحساس انك تبغي الواحد وهو ما يبغيكش و ما يهتمش بيك جبل معروف عليه انو كيدرس الخطوة قبل ما يديرها مية الف مرة انسان دكي بامتياز تعمد يقول انه كيبغي نورسين حدا جوهرة شحال من مرة باش يدخل لدماغها بلي كيبغي و كيعشق نورسين فقط لا غير كان كيشوف نضرات الحقد و الغيرة و الكره فعيون جوهرة اتجاه نورسين من نهار حطات نورسين رجليها فالمزرعة لدلك قرر أنو يرسل جوهرة تدرس فأمريكا و بهاد الخطوة غايضرب عصفورين بحجر واحد أولا هو عارف جوهرة كتبغيه غير حيت حلات عينيها عليه فقط و بهاد الخطوة غايبعد جوهرة باش تشوف هي شنو بغات فالدنيا و تلاقا بناس جداد و ممكن تبدل نظرتها لحياة و ثانيا غادي تحقق حلمها اللي هو تقرا فمعهد موسيقى و منها يتهنى على نورسين باش ما يبقاش بيناتهم إحتكاك و جوهرة ضرب ليها فالخوا و تبغي تآدي نورسين هو ما عارفش بلي تصالحو و صفاو الخواطر بيناتهم...