قصة جبل - نورسين ( بالدارجة المغربية )

💛 الفصل 18 💛

جبل نورسين الفصل 2: هوسي أنت يا حبيبتيالجزء 107 :أنهات نورسين إستحمامها و لفات عليها فوطة سوداء جاتها حد الركبة و خرجات من الدوش كتنادي بسمية حبيب القلب ....نورسين : جبببل .... جبل ....اويلي فين مشا هدا ياكما خلاني و وزاد مع طريق و انا حتى قلت ثبتو بغا يدير ليا نوضو نوضواتاجهت لناحية الباب وضعات يديها على البوانيي باش تفتحو و هو يتحل فوجهها و دخل عندها جبل مبدل حوايجو لابس غير شورط و سوفيطمة رياضية مبينة عضلاتو و لحمو المبرونزي الشيئ اللي خلا نورسين تعض على شنيفاتها و طلعو و تهبطو غمزاتو و قالت بغزل ...نورسين: هاي هاي على بولحية ديالي زيانيتي أ كبيدتي همم هاد العامين صحاحيتي فيها و سمانيتي و بياضيتي واتتك إسبانيا ولا عندك شي سر لهاد الجمال ؟؟؟جبل كابح ابتاسمتو بصعوبة و لكن ما قدرش يخفي نظرات الإعجاب اللي فعينو اتجاه نورسين اللي واقفة امامو بفوطة سوداء ملفوفة على جسدها و شعرها المبلل اللي ضفى لمسة مثيرة على إطلالتها و كأنها لوحة جميلة تسر نظر و ما تقدرش تبعد عينك عليها سحراتو بأنوثتها و زادت كملات عليه بجرأتها المضاعفة على قبل شعرها المبوكل بالما و فمها الاحمر المغري كأن شفتيها كيناديوه باش يسرق منهم احلى قبلة اما لون سمارها حكاية اخرى كلما كيشوفها كيبغي يحماق كيشد راسو غير بزز كيحس بالعرق كيتصبب منو و قلبو كيضرب بسرعة كبييرة غايوقف خطى خطوات بطيئة حتى وقف اونفاص ليها و عينو على دوك قطرات د الما اللي كيهبطوا بسرعة على لحمها كيبقا متبعهوم بعينو حتى كيختافيو عاد هز راسو شاف فعنيها و قال مجاوبها ....جبل : زيانيت حيت ارتاحيت و بعدت على ناس الطوكسيك اللي كانو فحياتي هدا هو سرنورسين طلعات النفس ببطئ حيت عرفاتو كيحشي فيها الهضرة و لكن مقبولة منو خاصها تحملو حتى يسامحها كيبقى غلطها كبير بزاف و مستحيل يسامحها بسهولة ...نورسين: بغيتي تقول زعما انا طوكسيك أ حبيبي ما حشوماش عليك هاد الزين و الجمال و الدلال كامل رجعتيني طوكسيك سمح ليا راك ما كتعرف والو فالجمالهزات خصلات شعرها كتلوي فيهم فحين جبل صغر فيها عينو و قال مجاوبها باستهزاء ...جبل: داكشي علاش اختاريتك حيت ما كنعرف والو فالجمالجبل استفزها عيات ما تصبر فراسها و لكن ما قدراتش لسانها كايكلها ....نورسين: ياك أ جبيلو رجعتي تعايرني فوجهي عيني عينك هادي هي نتي اجمل ما شافت عيني ولايني راك طلعتي واحد الكديديب منك ما كاين و انا دايرة فيك راسيجبل ابتاسم بطريقة مستفزة و جاوبها بهدوء ...جبل: ما نكونش بحالك اللي واعدتيني عمرك تخلاي عليا و فاول فرصة عطيتيني بضهرك و مشيتينورسين دلات شنيفاتها بطفولية و قالت فالاخير ....نورسين: واش دابا غاتبقا غير كتكلاشيني صافي عرفتك واعر و نتا عكسك خاااايب أكثر مني و لكن ماديرش راسك فيا ، انا الا كنت ناقصة عقل نتا هو مول العقل ما ديرش راسك فبرهوشة بحالي باش ما ينقبوكش دجاججبل : دونك خاصني نعطيك نخال باش ما تبقايش تبعانينورسين قرنات حجبانها و نطقات بنفاد صبر ...نورسين: جبل و صافي أعمري ما تقصحش راسك واااه واش حنا غانبقاو هاكا فشد ليا نقطع ليكجبل : فاش جيت عندك و كنت كانطلبك و نهضر معاك بالعقل فين كنتي ديك ساعة ؟؟؟نورسين: كنت فجزر الواق الواق فين كنت فنظرك كنت فدار غفلون ما عارفة والو و لكن دابا عرفت كلشي و فهمت كلشيجبل داي ليها على قد عقلها عاجبو الحال يتكلم معاها توحش حواراتهم مع بعض واخا فيهم مشاحنات و لكن كي العسل على قلبو ناشط عليها كيفما بغا اللعبة تقلبات لصالحو فكيحاول يفدي دقتو غير بالبارودي ....جبل : شنو فهمات نورسين او بالأحرى شنو الدرس اللي تعلمتينورسين هزات كتيفاتها بطفولية و قالت ...نورسين: فهمت بلي انا مكلخة و نية و دغيا كانثيق بالبشر و كنمشي بدون سبب و هاد القاعدة خايبة فيا غانحاول نحيدها منيقربات لعندو و لفات يديها ورا عنقو و كملات كلامها بميوعة ....نورسين: و عرفت بلي جبيلو ديالي ما يمكنش يتخلا عليا واخا يوقع اللي يوقع و رجع لعندي و كشف ليا الحقيقة و عرفت بلي راجلي حبيبي مستاعد يدير اي حاجة باش يفقصني و مشا تزوج زعما بجوري البنت اللي كان كيقولي عليها ختي غير باش يبكيني و ينتاقم مني و عرفت بلي راجلي سيد راجل الكتكوت ديالي و روحي احسن واحد كيكلاشي فالعالم اه و عرفت بلي راجلي ولد ناس ما خلانيش فالشتا و هدا دليل على انه مزال كيخاف عليا و مزال كنشوف فعويناتو ديك لمعة ديال الحب و هدا اكبر انجاز درتو فحياتي واخا غبرت عليك عامين خليت بلاصتي نقية فقلبك و انا عارفاك عمرك خنتيني حيت كيفما انا ملاكك الطاهر انتا ملاكي الحارس و الملائكة ما كايخونوشجبل عيا يكبح ابتسامتو و لكن ضهرات على شفايفو و بانو معاها سنيناتو البويض المستفين الناصعين كعقد ألماسي يا الله و شحال ضحيكتو زوينة و كترجع روح فنفسها و كتخلي قلبها ينبض و عيونها تسهى فيه بلا ما تشعر نطقات بغزل ....نورسين: هاح على كبيدتي و ضحيكتو القتالة الله الله على حلاوة انا اللي تزوجت و عرفت شنو ديت عارفاك غير جالس مقصح قلبك و باغي تبان واعر و ما تسامحش ليا و نتا مسامحني هادي قرن و خاليني كانتعدب عارفك ما كتحقدش حيت نتا العمر ديالي انا و انا القليب ديالك ياك أ البوݣوص ديالي