قصة جبل - نورسين ( بالدارجة المغربية )

💛 الفصل 30 💛

جبل نورسين الفصل 2: هوسي أنت يا حبيبتيالجزء 197 :حتى نورسين ما زادتهاش معاه هزات بوشيطتها و طلقات شعرها و نزلات زدحات الباب واحد الزدحة حتى مشات الطوموبيل و جات ...اتاجهت لبوابة القاعة و هي تلمح ربيع واقف حدا الباب كيشوف فيها حتى قربات ليه و نطقات بعصبية واضحة على ملامح وجهها ...نورسين: سلامربيع طلعها و هبطها بعينيه و قال بمزاح ...ربيع : هانا تاني على زرق جيتي تيتيزة أ الخوادرية تي مالك ما عجبك حال و نافخة صدرك و هازة زنافرك لسما مالنا ما نخافوش ؟؟نورسين : ربييع قلب عليا عفاكربيع شاف جبل كسيرا بطوموبيل خلا من موراه غير العجاجة لذلك نطق بغضب ...ربيع : درتيها أ الهيشة درتيها ؟؟؟.نورسين : اش درت تانيربيع : دابزتي مع راجلك هاهو مشا تي مالك معاه مالك فين ما كان شي صداع كتجبديه انا متاكد كلشي غايكون من تحت راسك عاارفك أجنية داك راجل ما تمشي حتى ترديه كيضرب بالحجر انا كن كنت منو كن لحتك من شي سطح شحاال هادينورسين : انا مادرت والو علاش يتقلق هو اللي كيبغي يتفشش على والو ماسوقيش فيهربيع : دوزي تدخلي راه ماماك من قبيلة وهي تسول فيك سلمى و يعقوب باارزين جاو كيحمقوا عقبة ليا حتى انانورسين :مشالي الخاطر باللهربيع : شفتك نتي من شحال هادي ما لحتي بوسطات فالانستغرام و المتابعين كيسولو فيك وشحال من وحدة باغاك تخدميلها المايكاب فعراسها تي اش واااقعنورسين جبدت التيليفون من البوشيط و عطاتو لربيع ووقفات فالباب و دايرة يديها على خصرها و سمية قاعة الافراح مكتوبة من فوق الباب و قالت ...نورسين: ضربلي شي تصويرات نلوحهم دابا سربي اصاحبي راه تعطلناربيع : اللي تسحر مع البراهش يصبح فاطر و الله ما كدبوانورسين : ودابا فكناربيع ضرب ليها تصويرات و عطاها تيليفونها و لاحتهم فالبلاصة فالسطوريات ديال الانستغرام و دخلات هي و ربيع لقاو سلمى و يعقوب جااااالسين على ركزة نورسين دخلات و سلمات على مها و مشات كطير سلمات على العرسان و شدات فيد سلمى كتشطح معاها حتى همس يعقوب فودن نورسين ...يعقوب: افينا هو راجلك ياكما ما جايش ؟؟نورسين جاوباتو فودنو هي الأخرى ...نورسين: ما نعرفت ليهسلمى: هاااويلي توما مالكم على هاد تعطيلة عصبتيني صراحة و الله طلعتو ليا دميعقوب : ويليك ما بانليش جبل ما تقوليليش دابزتوا و مشانورسين كتحرك فكتافها كترقص مع ايقاع الموسيقى و قالت ...نورسين: ما سوقيشيعقوب : لا خاااصني نعيطلوا الا ما جاش و الله حتى نخسر انا و ياهنورسين : شوية و يجي غير شطحوا الليلة ليلتكم لوووولوووي ناري طلعتوا فنين مشاء اللهيعقوب: نورسين علقينا الغرامة من قبيلة و حنا نشطحوا ما داها فينا حد هههههلحق عليهم ربيع و فاطمة و كنزة و سعيدة ضارو بيهم كيصفقوا و الشعبي و الركزة مطلوووقة و قليل اللي كيشطحوا داك ناس ديال البخ كيفقصوا فالعراسات ربيع حل الفيستة و دخل كيدير شطحة د شماكرية فالوسط و هي تجرو فاطمة قائلةفاطمة : ياااو تا شطح كي ناس اويليدخلات فاطمة و سعيدة كيشطحوا مع العرسان كانت سلمى لابسة غير قفطان خضر و الحنة فيديها و يعقوب لابس كوستيم و مقاد شعر اصلن الناس كانو قلال حيت غير حفل صغير نورسين جاها صهد و عيااات و مشات جلسات و خلاتهم جالسين على ركزة خدات كاس ديال الما و هبطات عليه و دخلات للانستغرام و هي تبانلها رسالة من انور 《 انا قريب ليك غادي نجي عندك بغيت نهدر معاك انورسين 》نورسين ما داتهاش فالميساج حطات التيليفون و جلسات كتصفق بيديها و بالها مشطون مع جبل اللي ما جاش دازت تقريبا شي ساعة و هو مازال مابان حتى همسات ماماها فودنيها باش تسمعها بحكم كان صداع ...فاطمة : يااااو فينو واحد نسيبي ما عوالش يجي مسكينكنزة : واش كاين شي مشكل عندكم ؟؟فاطمة شافت فكنزة و نطقات ...فاطمة : فمك لحسوا كلب اش غايكون وااقع كاااعنورسين : راه غير غايقضي شي غرض و يجي ما كاين لاش تشطنوا بالكمفنفس الاثناء طوموبيل من نوع لامبرغيني فالابيض حطات حدا القاعة كان لداخل ديالها واحد الشخص ازعر و طويل و عويناتو ملونين و اللحية طوالت ليه على قبل داير كاسكيط و فيدو قرعة ديال شراب شرب منها و بدا كيشوف فديك القاعة و فيدو تيليفون فيه التصويرة اللي حطات نورسين فالانستغرام ابتاسم بشر حيت عرفها غاتكون هنا حل الباب ديال اللوطو و نزل و دخل لقاعة و جلس فواحد الكرسي حدا الباب و عينو كيدورو فراسو كي نمس وشكون من غيرو أنور ...