قصة جبل - نورسين ( بالدارجة المغربية )

💛 الفصل 68💛

جبل نورسين الجزء 325 :ما جات فين تستوعب كلام يعقوب حتى بان ليها جبل جالس فوق الفوتوي حيت خطف تيليفون ليعقوب حسات بقلبها مشا و جا فاش شافتو فنفس المشهد المرعب جالس من فوق الفوتوي مخنزر و كيصوط دخان من فمو حيت كيدخن... هنا سلمى تخطف لون من وجهها و كأنها بدات كتحس بلي بصح كاينة شي حاجة ماشي هي هاديك فالموضوع حاولات ترجل راسها و تثبت باش ما يبانش عليها الخوف ...سلمى:جبل خوياجبل ما جاوبهاش نتر نتيرة من الڭارو و صاط دخان من ثغرو مجددا ؛ سلمى صرطات ريقها بصعوبة و نطقات بإستغراب ...سلمى:دابا مالكم معيطين ليا فهاد الوقت و شي كيلوحني لشي واش سكرتو و بنت ليكم فالبلان بغيتو طلعوها عليا و لا كيفاش ؟؟جبل نطق بعد مدة صمت بصوتو الرجولي الخشن ...جبل:عيطنا ليك باش تنوضي توضاي تصلي الفجر حيت راكي محتاجة ربي يوقف معاكسلمى غلباتها الضحكة و جاوباتو باستغراب حسات بيهم غير مطلعين عليها الطوبية حيت مرة مرة كيديروها ليها ...سلمى : كا تفلى عليا دابا فين شفتيني كنصلي شي فجرجبل : هي كافرةسلمى : الله يهدينا و صافي كنصليو و نقطعوجبل نتر نتيرة من الڭارو اللي فيدو بثقالة و صاط دخان من فمو مكون سحابة فالجو و جاوب سلمى ...جبل : ما عارفاش بلي إبليس زڭلها مع ربي فسجدة وحدة اما نتي راك زاڭلاها معاه فبزاف ديال سجدات ردي البال هادشي ماشي فصالحك أ سلمىسلمى : دابا واش معيط ليا فهاد الوقت باش تهضر ليا على الصلاةجبل : بغينا نديرو فيك الأجر و كيفما سبق و قلت نتي محتاجة ربي يوقف معاكسلمى : [باستغراب ] علاش محتاجة ربي يوقف معايا ؟؟جبل : حيت ما غانرحمكش أ سلمىتحولو ملامح وجهو من هدوء الى تخنزيرة خطيرة فالبلاصة عقد الحداش و كمل كلامو بعصبية ...جبل : شنو قالك عقلك باش ديتي نورسين لصالون ديال ز*** لعب ليها فشعرها واش شكات عليك ؟ ؟؟سلمى قفزات من مكانها لحدة صوته ما موالفش جبل كيغوت عليها هاكا حسات بالضيم طاح عليها و كأنها عاد عرفات يعقوب علاش وصاها و قال ليها ما تلعبيش لنورسين لا فشعرها لا فكمارتها حسات بدموع تجمعو فعويناتها و قالت بخوف ...سلمى:هي والله حتى هي اللي بغات تسرح شعرهاجبل : [بالغوات ] مااا تستحمرينيش ا سلمى الله يرحم باك هي فين عارفة هادشي نورسين عاجنها و حافظها ما يمكنش يطيحو على راسها هاد الأفكار الا ما اقتارحيتهومش عليها أسلمى ما يمكنشسلمى : و راه جاها زوين و عجبها الحالجبل قاطعها مكره ...جبل : سكتي أ سلمى ما تزيديش تكملي عليا بهضرتك انا بغيتها كيفما هي كيفما خلقها ربي علاااش اسلمى آديتيني هاكا واش انا عمري درت ليك شي حاجة مرضتيني بهاد الفعلة ديالك و ركبتي فيا الأعصاب انا خليتك مع نورسين باش تقابليها حيت ثقت فيك خليت ليك قلبي بين يديك باش تهتمي بيها حيت عارفها قريبة ليك ما خليتش ليك poupée باش تلعبي ليها فشعرها و تخربقيلها فوجهها ماشي خليت ليك لعبة أ سلمى نورسين امانة بين يديك عرفتي شنو هي امانة يعني كيفما خليتها نجي نلقاهاسلمى : [ طاحت دمعة من عينيها ] و الله حتى فرحات و عجبها الحال راه كان طايح عليها ضيم و ما كانتش قادرة ثيق فراسها كن بقات بديك الحالة اللي كانت فيها و الله حتى كاندير هادشي كامل باش نعاونك ا خويا حيت بديك العقلية اللي عندها و كن بقات هاكاك عمرها تبغيك حيت كاتشوفك نتا ديما احسن منها هادشي باش كتجازيني ياك ا جبل و لكن انا اللي حمارة باغا نعاونك نستاهلبدات تعصر عينيها باش يطيحو دموعها كاتغبن باش تبقى فيه و جبل حاضيها عارفها كتبوحط و هو ينطق بحدة اكثر من اللول ...جبل : فاش نرجع نبغي نلقاها كيف كانت بشعرها المبوكل و لا كانقسم ليك بلي خلقني و خلقك حتى ندير ليك البوتوكس اللي درت للعلوي عقلتي عليه ؟؟سلمى صرطات ريقها بصعوبة فاش تدكرات الحار اللي دار جبل للعلوي مول المكتبة اللي كانت خدامة عندو نورسين ؛ حركات راسها بنفي فاش تخايلت جبل كيدير ليها اخطر حار فالعالم عارفاه يديرها و يفوتها ليه فاش كيتعلق الامر بنورسين ما كيبقاش يقشع ...سلمى:غير كضحك ياك أ جبلجبل غلباتو الضحكة حيت عرفها تخلعات هدا هو الغرض ديالو غير يركب فيها الخوف باش عمرها تعاود تقرب لنورسين ...جبل:واش انا عمري ضحكت معاك لقاي الحل لداكشي اللي درتي قبل ما نجي و لا كنقسم ليك برب الكعبة حتى ندمك اه و عنداك يصحاب ليك يعقوب غايفكك مني عارفاني نشرككم بجوج ما عنديش مشكلقطع جبل الخط خلا سلمى كترعد مسكينة بالخلعة ركب فيها بوصفير ضربات حنكها بجهد و قالت ...سلمى:اويلي ميمتي مشيت فيها غدا يجي من ميريكان يدبحني اشداني أميمتي أشداني حتى انا كنطير لواه بدلي لوك باش تبدل نفسيتك [ عطات لراسها الصبع ] ها فيك اسلمى ها فيك هانتي جبتيها فراسك بقيت نطير حتى جبت ربحة واقيلة خاصني نمشي نصلي الفجر و نقرا شوية د القرآن على الله يهديه الله عليا