قصة جبل - نورسين ( بالدارجة المغربية )

💛 الفصل 94💛

جبل نورسين الجزء 477:ما فيق نورسين من شرودها غير الباب اللي تحل من طرف جبل أكيد إبتاسمت ليه بتعب و بادلها الابتسامة حنات راسها و نزلات كتحس بعظامها مهلوكين باغا غير تنعس باش ترتاح من عياء طريق المسافة اللي ضربو ما كانتش ساهلة و تدكرات بلي جبل كيضرو كتفو و ضهرو بفعل السياقة لذلك سولاتو بإهتمام ...نورسين : واش كيضرك ضهرك أ جبل حيت ديك المرة كنتي قلتي ليا كيبقى يضرك هو و كتافك فاش كتسوݣجبل برقو عينو بحب من هاد الإهتمام اللي صبحات نورسين عاطياه ليه حقا سؤالها لامس قلبو و عجبو الحال اللي سولات عليه واضح أنه رجع من اولوياتها و كتقلق عليه و كيبقا بالها مشغول معاه و هادي حاجة كتوضح بلي قلب نورسين بدا كيميل ليه و هادي غير البداية أكيد ...جبل: حمد الله دابا شوية نتي اللي كتباني عيانة تغداي و نعسينورسين: انا عييت بطريق و هادشي ما كنتش سايݣة كنت غير جالسة اما نتا غاتكون تهلكتي الله يسمح لينا من عدابكجبل : عدابك راحة انورسين المهم قبل ما ندخلو بغيت نقول ليك شي حاجة مهمةنورسين قرنات حواجبها بشك و قلبها تسارعو نبضاتو بخوف صرطات ريقها بصعوبة خافت يقول ليها شي حاجة تصدمها ...نورسين: ياك لابس بعدا ؟؟جبل حرك راسو بالايجاب ابتاسم و قال ...جبل : لا ما تخافيش كلشي بخير غير هو كيفما كتعرفي انا و ياك تزوجنا على سنة الله و رسوله و من شروط الزواج المهر ولا كيفما كنقولو صداق خاصني ضروري نعطيه ليكنورسين عاد تنفسات صعداء منين سمعات كلامو و جاوباتو بابتسامة هي الأخرى ...نورسين:الصداق غير حاجة رمزية و صافي بلا ما تشغل بالك نتا عارف بلي زواجنا غير على الوراق يعني ما تحتاجشجبل عض على شنايفو بعصبية ما كيحملش جملة "زواجنا غير على الوراق " هو تزوج بيها باش يتقرب منها و يرجعها كاتبغيه بالنسبة ليه زواجهم حقيقي ماشي مزيف و لذلك خاصو يكملو بشروطو كاملة ...جبل: بالعكس المهر من بين الحاجات اللي كتبين إكرام الله عزوجل تعالى للمرأة ومن الواجب عليا نعطيك المهر اللي تستاحقي داكشي علاش قررت نعطيكهز يدو و مدها فالفضاء كيشير بيها خلف ضهرها و قال ....جبل : ضوري باش تشوفي صداقكنورسين قرنات حواجبها بإستغراب و التافتت ببطئ باش تشوف صداقها كيفما قال جبل و لكن بمجرد ما طاحت عينيها على المهر اللي قدمو ليها جبل شهقات و حطات يديها على ثغرها ما مصدقاش رمشات عينيها بسرعة واش هي فحقيقة و لا فحلم هل حقا صداقها عبارة على رانج روفر فلون الأحمر و لا غير كتخايل ....بقات ثابتة مكانها حتى تغرغرو عينيها بدموع و التافت شافت فيه و طاحت دمعة من عينيها بفرحة و قالت بتلعثم ما مصداقش عينيها ...نورسين: و..واش بصح هاديك ديالي ؟؟جبل قرب ليها و حط يدو بجوج على خدودها مسح دموعها و قال بلطف بنبرة حنونة فصوتو ....جبل : شووت ما تبكيش سيلطوبلينورسين: و..ولكن طوموبيل بزاف أ جبل و الله ما...جبل قاطعها ما خلاهاش تكمل و قال بهدوء ...جبل: حتى حاجة ما تغلى عليك أ بنتي تستاهلي ما أكثرنورسين اكتافت بصمت و نظر إليه ما قدراتش توصف إحساسها فهاد اللحظة حبو فقلبها نهار على نهار كيكبر و بتصرفاتو كيزيد يبين ليها بلي هو كيستاحق هاد الحب و ما ندمناش حيت عطاتو قلبها بل روحها تعطيها ليه القيمة اللي دار ليها كبيرة عمرو ما عطاها ليها شي حد لا من قبلو و لا من بعدو ...ما بقاتش قادرة تخايل حياتها بلا بيه ما تقدرش تبعد عليه ما كرهاتش تضمو و تشم ريحتو حتى يتخالطو أنفاسهم ...فقرارة نفسها عارفة بلي كتبغيه ولكن هو واش يكون كيبغيها بحال اللي كتبغيه واش يقدر يجي نهار يبعد عليها فيه تقدر تحماق تمنات كن ما عارفاتوش حيت على ما يبدو تعلقات بيه بزاف و ما غاتقدرش على فراقو ...تمنات كن بقات كتشوف فيه غير صديق أو أخ كيفما من قبل ولكن دابا اللي عطا الله عطاه يوم بعد يوم كتغرق فيه حد النخاع ....ولكن الحاجة اللي مرضاتها و ما بغاتش دخل ليها لراسها علاش عرض عليها زواج وهو على علاقة سابقة بكاميليا ؟؟ خايف يجي نهار اللي يتفارق معاه و يرجع لبنت خالو خايفة يكون غير شفق عليها و يجي نهار اللي يكركبها فيه مجموعة افكار سوداوية طاحو فبالها و ضلمو دنيا فعينيها من جديد حتى نطق جبل باستغراب...جبل:مالكي ساهية ؟؟نورسين بعدات عليه و حنات راسها لأرض و قالتنورسين: واش ممكن نسولك عفاك ؟؟جبل: مرحبانورسين تنهدات طلعات عينيها من الارض شافت فيه و بثقة نطقات حيت قررات تقطع شك باليقين باش تنهي هاد العدابنورسين: اول نهار تلاقيتك فيه كنتي مع كاميليا بنت خالك و كنتو مقربين لبعضياتكم بزاف و ثاني مرة فالفيرمة شفتها قريبة ليك عاوتاني سؤالي ليك هو واش نتوما كتبغيو بعضياتكم ؟؟