قصة جبل - نورسين ( بالدارجة المغربية )

💛 الفصل 111💛

جبل نورسين الجزء 588 :قاطع حوارهم صوت دقان فالباب ؛ سلمى كانت قريبة ليه لذلك حلاتو لقات الخدامة واقفة و نطقات بلباقة ...-الغدا واجد أ لالاسلمى: واخا هاحنا جايينسلمى التافتت شافت فنورسين و سعيدة و قالت ..سلمى : ماما ، نورسين هبطوا تغداوسعيدة شافت فنورسين و قالت ...سعيدة : سمحو لينا عطلنا عليكم الغدانورسين : عادي ا خالتي ما كاين مشكلةناضو كلهم هبطو لطابق السفلي و دخلو لصالون التقليدي المفرش على حقو و طريقو ؛ نورسين بقات مبهورة بتناسق الوانو و ديكورات المحطوطين فوق الرفوف الخشبية بلا لوحات الفنية اللي معلقين فالحيوط عاطيين صالون مضهر فخم انيق مغربي حر ...جلسات سعيدة حدا عدنان فحين نورسين صرطات ريقها منين وقعات نظراتها على جبل اللي هاز سارة حاطها على ركبتو كيلعب معاها حنات راسها و جلسات بجانبو فوق السداري و جلسات حداهم سلمى ....الخدامة حطات ليهم شلاضة كبيرة فخمة كطبق أولي و هو ينطق عدنان موجه كلامو لسعيدة مراتو ...عدنان : على سلامتكم مشيتو غبرتو ؟؟سعيدة: [ بابتسامة ] اوا كنا كنهضرو مع بعضياتنا شوية راك عارف العيالات فاش كيتلاقاوجبل هز راسو شاف فسعيدة و قال بلطف و هدوء فصوتو مع ابتسامة جميلة ترسمات على وجهو ...جبل: علم الله فيمن كنتو كاتهضروسعيدة قهقات بلباقة حركات راسها بالايجاب و نطقات مجاوبة جبل ...سعيدة : كنا كانهضرو فيك نتا نيتجبل شاف فنورسين اللي جالسة بجنبو عض على شنايفو و قال بمزاح موجه كلامو لنورسين ...جبل : نورسين بصح هادشي اللي كنسمع ؟؟نورسين ضارت عندو بالعرض البطيئ لازالت محرجة من فعلتها ابتاسمت بابتسامة مزيفة و ما جاوباتوش رجعات هزات الكاس ديال العصير و هبطات عليه كأنها كتهرب من الكلام معاه الشيئ اللي لاحظو جبل و عرف سبب ديالو عارف ملاكو فاش كاتخجل كتمنى الارض تشق و تبلعها قد ما كتحاول تبين الجراة قدما كتحشم بزاف شخصيتها مزيج بين قوة و الضعف بين جرأة و خجل فيها كيجتمعو الانقاض كلها و مع ذلك يحبها و يعشقها بكل تفصيل فيها و فشخصيتها نهار حبها ما كانش عندو سبب من غير انها لعبات معاه فصغرو و تعلق بيها و اصبح مريض بيها و لكن من نهار تلاقاها الحب ديالو ليها رجع عندو سبب ؛ عشق ديك شخصية طفولية القابعة فروحها كلامها ضحكتها عفويتها سذاجتها و غباءها كلشي فيها رجع مطير ليه العقل بهاد المعنى و كأنها استولات على روحو و تلبساتها كجنية عاشقة لا تأبى الخروج من جسد صاحبها ....قاطع شرود جبل فنورسين صوت عدنان اللي قال ...عدنان: اولدي العيالات فاش كيتجمعوا غير الله يستر مع الله يحفظسارة التافتت عند ماماها و قالت بطفولية ...سارة: وعلاش ما عيطتوش ليا باش حتى انا نعطيكم رأيي فعمو جبل ؟؟سعيدة: حنا كنا كنهضرو بشر على عمك جبل كن ديناك معانا غادي توصليلو الهضرة و حنا هادشي اللي ما بغيناشسارة هزات كتافها و عنقات جبل قائلة ببراءة ...سارة : هي كلكم غادي تمشيو لجهنم حيت هضرتو بشر فعمو جبلضحكو جميعا على كلام سارة فحين عدنان قال ...عدنان: اوا شفتي أبنتي مزيان اللي مامشيتيش كن راك حتى نتي كتشواي معاهم فجهنمسعيدة: برا والباس عليناسعيدة هزات الفراشط كضورهم عليهم و قالت بترحيب ...سعيدة : كولو مرحبا بيكم جبل نورسين مدوا يديكم دار داركم ما تحشموشسلمى دارت يدها على خدها و قالت بهمس بإستياء ..سلمى: بقا ناقصنا غير بيبو توحشتوعم الصمت غير صوت الفراشط اللي كيتسمع حتى نطقات سارة بتساؤل موجهة كلامها لسعيدة ...سارة: ماما بغيت نسولك عفاك ؟؟سعيدة حركات راسها بالايجاب و قالت موجهة كلامها لجبل ...سعيدة : جبل ياكما مثقلة عليك سارةجبل حرك راسو بنفي و قال ...جبل : لاسارة : وااا ماما راه قلت ليك بغيت نسولكسعيدة: نعام ابنتي سولي اللي بغيتيسارة: ماما قبيلة نورسين باست عمو جبل ف فمو علاش زعما ؟؟؟