قصة جبل - نورسين ( بالدارجة المغربية )

💛 الفصل 14💛

الفصل 1: جبل نورسين الجزء 44:ناض وقف و خرج من الملهى ليلي واخا كيشرب ما كتشدش فيه سكرة بزاف من غير الا شرب كويساات بزااف ؛ جابلو واحد خينا سورات ديال اللوطو ديالو اللي كانت من نوع jeep ركب و ديمارا غادي مكسيري للعمارة ...حط الطوموبيل ديالو من مور العمارة و تمشى بخطوات بطيئة و كيفكر كيفاش غايدير لنورسين الكاميرات فدار عجباتو الفكرة ديال يعقوب واخا هو ديجا داير كاميرات قدام باب دارهم كيشوفها فوقاش كاتخرج و فوقاش كدخل داكشي علاش فوقتما شافها خارجة من دارهم كيحل الباب و هدا هو سر علاش ديما كاتلقاه نورسين حدا الباب فاش كاتكون هابطة ؛ قرب للعمارة وهو يلمح عبد السلام كيحل الباب باش يطلع هو و ولدو وهي طيحلو على بالو فكرة سرع بخطواتو حتى وقف على عبد السلام و قال ...جبل : واش ممكن نهضر معاك ؟؟عبد السلام التافت لعندو طلعوا وهبطوا بعينيه ما كيحملوش حتى هو كسائر ناس فالعمارة خاصة انو شم فيه ريحة شراب ...عبد السلام : ما عندي فاش نهضر مع بحالك نعلة الله و عليك رديتينا دار ديال دعارة و زايدها بسكرة تفرق علينا و سير عيش فشي خلا بزاف عليك عمارة محترمة بحال عمارتناجبل طلعو و هبطو بعينيه و قال بصوت مستهزء ...جبل : اولا ماشي سوقك ياك دار داري نردها حتى بواط نتا اش مشا ليك غاتلاح معايا فجهنم و حتى الا بغيتي تنصح ماشي هاكا ناس كينصحو سير قرا شروط نصيحة عاد أجي دوي معايا و من هادشي كامل ما هضرتش معاك نتاجلس على ركابيه و لمس شعر ديال الولد الصغير اللي كان هاز فيدو طوموبيل حمرة و مزيون شعيوراتو هابطين على عينو بطريقة جميلة فكرو فراسو فطفولتو واخا دوز طفولة سوداء الا و أن كيجيه الحنين ليها سهى فيه للحظات ؛ الولد صغير بقا كيشوف فيه و كيبتاسم ليهجبل : كيعجبوك الطوموبيلات ؟؟؟الولد : [حرك راسو بالإيجاب و بفرحة ] اه كيعجبوني أ عمو بزاااافعبد السلام : [قبط فيد ولدو بجهد ] بعد من طريقنا اسيجبل طير ليه الولد من يدو و هزو و عطاه بالضهر و زاد أما عبد السلام تصدم بقا غادي تابعو اما الولد صغير عجباتو الهزة اللي دار ليه جبل من قبيلة كان كيقول لباه هزني و هاهو جاب ليه ربي اللي يهزو فابور ...عبد السلام تابع جبل و كشاكشو خارجينعبد السلام : اسي اش بغيتي عندنا حط الولد واااا شريفجبل باش ما يصدعوش التافت و قال ...جبل : غاتزيد و تسكت يا تبارك الله ما غاتسكتش غا نرفع عليك دعوة بتهمة السب و الشتم و القذف و بلا ما ندوي ليك على المعارف اللي عندي يغبروك نتا و عائلتك فما تخليناش نوصلو لدوك المواصل الله يرحم الواليدينعبد السلام غير سمع شنو قال بقا غير كيشوف تصدم ...عبد السلام : ودابا غير عطيني ولدي نمشي بحاليجبل التافت ماداهاش فيه كمل طريقو حتى وصل لطوموبيل حل بابها الخلفي وطلع الولد اللور ابتاسم ليه و سد الباب عاد ضار شاف فعبد السلام اللي غير مصدوم ما فهمش شنو بغا عند ولدو و علاش تسلط عليهم هاد الأخير اللي غير شاف فطوموبيل ديالو بان ليه سيد واصل نيت الشيئ اللي خلاه يتخلع اكثر ...عبد السلام : عطيني ولدي ا شريف ها العار ما عمرني نعاود نقول عليك شي حاجةجبل ربع يدو و تنهد ..جبل : آخر حاجة تهمني هي كلامك و لا شنو كتقول فيا هادي واحد ثانيا محتاجك نتا و ولدك فشي حاجة و غانخلصك غير ارتاح و طلع دابا للطومبيل نتفاهمو و سير داك ساعة ما غانشدكش لا نتا لا ولدك مرتاح هاكاعبد السلام حرك راسو بالايجاب حل جبل الباب الامامي و طلع عبد السلام عاد ضرب دورة و جلس هو فمكان سياقة و بقا ساكت كيفكر و عبد السلام متوتر ما عرف كاع شنو باغي يقول ليه حتى نطق جبل ...جبل: شنو سمية ولدك ؟؟عبد السلام: آدمجبل التافت عند الولد لقاه كيلعب بطوموبيل فيدو ..جبل: آدم البطلهز آدم راسو شاف فيه و مع ابتسامة مزينة ملامح وجهو البريئة جاوبو ...آدم : نعام أ عموجبل : تبغي دير ليا واحد الخدمة و نخلصك ببزااف ديال الطوموبيلاتآدم فرح و حرك راسو بالايجاب و نطق بكل عفوية ...آدم: واه ندير اللي بغيتي أعموجبل : كتعرف دار ديال نورسينآدم: آه دار ديال المشعككة كنعرفها