قصة جبل - نورسين ( بالدارجة المغربية )

💛 الفصل 28💛

جبل نورسين الجزء 116:كاميليا بقات مصدومة فتصرفاتو صرطات ريقها غير بزز و قالت بحرقة ...كاميليا : واش كتبغي ديك خيتي؟؟؟جبل شاف فكاميليا و قرب لعندها شدها من فكها مزير عليها عينيه حومر و نطق بكل برودة دم ...جبل : أولا أ بنت خالي تعلمي تدخلي سوق *** هادي واحد ثانيا ما تبقايش تجبديها بفمك الموسخ اللي دايز عليه العالم نقيه مزيان قبل ما تدكريها ثالثا داكشي اللي بيني و بينها ما سوقكش فيه و ما سوق حتى حد فيهخاصك سنوات ضوئية باش تفهميه و محال واش تفهميه فوتي ساحتي حيت انا عمري ما غادي نكون ليك فهمتك بالخاطر بلي انا فطريق و نتي فطريق درت بوجه خالي اعتابرتك نص عقل باش ما نديرش فيك شرع يدي و لكن نتي غير ما غادة و كتكبتيها على راسك ضوسيك غادي و كايعمر أبنت خالي ما تخلينيش ندير فيك عقلي حيت انا خاااايب و الله حتى خايب ما نسواش تقاي شري انا كانقولها ليك من داباطلق منها و عطاها بالضهر و تمشى بخطوات سريعة حتى وصل لطوموبيلتو و حل الباب بزربة باش يطمن على نورسين لقاها قابطة فيديها و مخيبة ملامح وجهها بحال كضرها طلع فالبلاصة و زدح الباب ...نورسين غير سمعاتو التافتت لعندو و ابتاسمت ...نورسين : و الله حتى انا مزيان..ما خلاهاش حتى تكمل كلامها و جر يديها اللي مقصحة فيها بانت ليه خبشة كبيرة شوية و كيسيل منها دم ...جبل : كضرك أ بنتي ياك ؟؟نورسين صدمها تاني بديك الكلمة ديال "بنتي " اللي كيناديها بيها هي براسها ما فهماتش علاش مخلوع عليها حتى لهاد الدرجة ما عرفاتش كيفاش دير ترجم تصرفاتو ...جبد واحد المنديل فالابيض ناصع من جيبو و مطروزة فيه jabal بالأسود بخط زوين فالجنب و حطها على الخبشة اللي كيسيل منها دم ....جبل : [ شاف فيها ] قبطي فالمنديل باش يحبس الدم على ما نوصلو للاوبيطال واخانورسين : و الله ما عندي شي حاجة راه غير بالخلعة طحت و صافي ما تشغلش بالكجبل : [ حرك راسو بنفي ] كنتي طايحة فالارض ضروري خاصنا نمشيو غاتكوني تقصحتي فضهرك و لا يدك الا وقعات ليك شي حاجة ما عمري غانسمح لراسينورسين : [باستغراب ] نتا مادرتي ليا والو علاش كاتقول على راسك هاكاجبل : واش متأكدة بلي ما كتحسي بحتي حريق ؟؟نورسين : [كتكلم بعفوية ] و الله ما كنحس بشي حريق عادي اصلن كنت غانقطع شانطي ما شفتهاش و هي حبسات واحد طوموبيل حدا رجلي انا بديك الخلعة رجعت لور و طحت فالارض صااافي هادشي اللي وقعجبل بقا كيشوف فيها و هي كتهضر حتى سالات و قال بحب ...جبل : غير منين تكوني بخير هاديك هي دنيا و ما فيهانورسين بقات كتشوف فيه بإستغراب دخل ليها شك بكلامو و بتصرفاتو أاااو هادي كلها ضرافة بقات كتشوف فيه و هو يتنهد عرف دماغها غايكون مشى بعيد و قال مع ابتسامة مزيفة ...جبل : ياك نتي قلتي حسبني عائلتك نتي عزيزة عليا بزاف و ربي اللي شاهد على كلامي و حتى واحد ما غايبغي شي فرد من عائلتو يتآدىنورسين ابتاسمت ليه عاد فهمات سيد علاش مخلوع عليها عجبها الحال و زاد كبر فعينيها أكثر و أكثر ...نورسين : [بابتسامة خجولة ] ربي يخليك حتى نتا عزيز عليا بزاف أ خويا ربي ديما حاطك فطريقي كي درهم ديال الحلالجبل تنهد من القلب كلامها خلاه يشعر بواحد راحة نفسية ما منهاش جوج داك الغضب و داك الخوف كولو اللي كان كيحس بيه تلاشى كتبان ليه غير نورسين و ديك الابتسامة ديالها زوينة و كلامها اللي كيدخل لقلبو كقطرات العسل خلا ابتسامة تبان على وجهو و بلا ما يشعر حط يدو على خدها و قال بترجي ...جبل: بصح انا عزيز عليك