قصة جبل - نورسين ( بالدارجة المغربية )

💛 الفصل 98💛

جبل نورسينالجزء 503:بعد مرور عدة ساعات استيقظات نورسين من سباتها العميق فتحات عويناتها ببطئ حتى اتاضحت ليها صورة و جات عينيها فسقف غرفة البيت حاسة بصداع كبير فراسها كأنها كانت فغيبوبة و فاقت منها معدتها مروعة بزاف حتى حسات بالقيئ فلذلك ناضت بسرعة من فوق سريرها اتاجهت للحمام المتواجد فالغرفة وطاحت على ركابيها أمام لاشاص كترد كاع داكشي اللي كان فجوفها حتى روحها كانت غاتطلع جلسات فأرض الحمام حاسة بداتها فاشلة و مرار فحلقها ماشي طبيعي و راسها كيزدح معدتها عاطياها الحريق ماعارفاش شنو هادشي كيوقع ليها ، خرجات من الحمام و جلسات فوق ناموسية حاطة يديها على جبهتها ماعاقلة على والو كتحاول تذكر ...نورسين:شنو وقع ليا انا ؟؟رجعات تكات فوق سريرها موجهة عينيها لسقف غرفتها كتأمل فيها و كتحاول تذكر فين كانت قبل ما تنعس حيت كتحس بذاكرتها تمحات مابقات عاقلة على والو ...نورسين:ياك انا كنت لتحت هبطت عند جبل حيت شفت الخدامة هازة الفوطة و لكن كيف وقع باش جيت لهنا واش سخفت ما بقيت عاقلة على والو ياك جبل عيط ليه يعقوب و مشا هضر معاه و انا بقيت جالسة فوق الكرسي كنشوف فيه ااااه و انا نفهم داتني عيني و انا ما حاساشحولات نظراتها لجسدها لقات راسها لابسة نفس الكسوة اللي كانت لابسة لتحت هزاتها شوية و شافت من تحت منها المايو الأبيض ابتاسمت و قالت بتعب ...نورسين: بفف خسارة لبست هاد المايو ما درت بيه والو غير عدبت راسي و صافي و لكن فين هو جبل ؟؟تحل الباب و نقلات نظراتها لجيهتو و هي تلمح الخدامة منال مدخلة شاريو فيه الأكل ابتاسمت ليها و جرات شاريو حتى حطاتو حداها فيه أطباق الأكل عبارة عن صالاد عصير و المقارونية بلاصوص بلونش و نطقات منال بلباقة ...منال : كي بقيتي أ مادامنورسين ناضت من سريرها و نطقات ...نورسين: انا حمد الله من فوقاش و أنا هنا ؟؟؟منال : من قبيلة كنتي عيانة راسك ضرك شوية و طلعك سي جبل لبيتكنورسين: كي وقع ليا ؟؟منال: ما عرفتش أمدام انا غير شفت قبيلة موسيو جبل مطلعك لبيتك كنتي ناعسة و وصاني عليك فاش تفيقي نجيب ليك ماكلتك و كأس ديال دوليبرانهزات منال الكاس ديال دوا و مداتو ليها بابتسامة ...منال: تفضلي أ لالانورسين خدات من عندها الكأس شرباتو و حطاتو فوق شاريو و نطقات .....نورسين: و فين هو جبل ؟؟منال: [بأسف ] موسيو جبل اللي وصانا نعطيوك تاكلي هو حاس براسو عيان متكي فبيتو قالك كولي مزيان حقك و حقونورسين بمجرد ما سمعات كلامها ناضت من فوق سرير و نطقات بخوف ....نورسين: واش مريض ؟جبل: اه أ لالة كان كيكح و كيعطس و باينة فيه عيان بزاف المهم جا عندنا لكوزينة وصانا عليك و رجع لبيتونورسين وجهها رجع أصفر حسات بقلبها كاينبض بقسوة خافت عليه بزاف كأنه قطعة من قلبها لذلك نطقات بسرعة ...نورسين: منال فين كاين بيتو عفاك ؟؟منال: [ بأسف ] قالي ما نخرج حتى تكملي ماكلتك ما نقدرش نوريك أ مدامنورسين قبطات فيد منال بسرعة و نطقات بخوف شنايفها بياضو نسات حريق راس اللي كتشعر بيه ...نورسين:منال عفاك وريني بيتو راه ما نقدرش ناكل و هو مريضمنال: ولكن...نورسين: راه ما غايدوزش ليا و جبل مريض سمعي للهضرة و وريني بيتو دغيا عفاكمنال سكتات لبضع ثواني فالتالي قالت ...منال: فالطابق الثاني اللي من فوق منكبمجرد ما انهات منال كلامها خرجات نورسين من بيتها بسرعة واخا حاسة بحريق راس و دوخة و التعب خاصها ضروري تطمن عليه قلبها كيضرها محتاجة تشوفو الا ما اهتماتش بيه شكون غايهتم بيه طلعات فدروج حتى وصلات لطابق الثاني بانو ليه أربعة د البيوت كلهم حلاتهم حتى حلات باب البيت الأخير و هي تلمحو مستلقي على سريرو حطات رجلها بداخل البيت و سدات الباب ريدويات طايحين و الضو طافي البيت مضلم فالبلاصة شعلات ضو حيت عندها فوبيا من الظلام و هو يبان ليها بوضوح قربات لسريرو وقفات على راسو بان ليها كيرجف و العرق كايتصبب منو و كيسعل فغرق نعاسو الشيئ اللي ألم قلبها حقا لدرجة تغرغرو عينيها بدموع جلسات حداه و وضعات يديها على شعرو الرطيطب بلطف و نطقات بهمس ...نورسين: جبيلو ديالي مريض مسكينهبطات يديها لامسات جبهتو لقات درجة حرارتو مرتفعة الشيئ اللي خلا عينيها يتاسعو و تشهق لذلك نطقات بصوت مرتافع ...نورسين: جبلحطات يديها على دراعو كتفيق فيه بخوف ...نورسين: جبلجبل حل عينو ببطئ حتى اتاضحت ليه الرؤية و بانت ليه نورسين جالسة أمامو و دموعها سايلين على خدها حس بيها منين دخلات بالتعب اللي كيحس بيه ما قدرش يفتح عينو و لكن فاش شعر بخوفها حل عينو بتثاقل فاش لمحها فلتات من ثغرو إبتسامة واسعة و عريضة نورات وجههو تفكر القبل و كلامها و حركاتها و هي سكرانة ما فيقو من شرودو غير صوتها ....نورسين: جبل واش نتا بخير ؟؟جبل مد يدو مسح ليها دمعة اللي نزلات على خدها و قال بحنان ....جبل:طحت فالفراش بسبابك مرضتيني ابنتي ماشي حشومة عليك