قصة جبل - نورسين ( بالدارجة المغربية )

💛 الفصل الثالث💛

الفصل الاول : جبل نورسين الجزء 7دخلات لمكتبة ووقفات فمكان العمل المخصص ليهاشافتها صديقتها سلمى اللي كانت جميلة المظهر و شعرها رطب و طويل فالأسود ملامحها جميلة عربية .. ماهي الا ثواني حتى مشات سلمى عند نورسين کتجري عنقاتها و قالت بإهتمام ..سلمى: مالكي تعطلتي هاد النهار؟؟نورسين : اودي مشاكيل غير خليها على اللهسلمي : [ابتاسمت ] هاد تقليقة كاديريها فاش كايجيوك الخطاب وكيرفضوك فدقيقة التسعيننورسين : اوا راكي حافضة دوروسك ما عندي ما نسالك نفس الهضرة كتقال تقول نقصاني يد ولا رجل انا بغيت لرجال العما انا بغيتلهم ضربة تجيهم فقفاهم انا بغيتلهم غير مصيبةسلمى: ههه سمحييييييلي اختي ما دعيش فرجال الا كنتي نتي رزقك ما زال ماجا ما تحرميهاش علينا حنا اختي مازال باغی ناكل الحلوة و ندير الولاد و ندك الوتاد هاااح خاصة مع شي حد تانبغيه الحياة سعيدةنورسين بقات ساهية فالفراغ و صورة ديال كاميليا بنيس مع جارهم جديد ما تمحاتش ليها من ذاكرة الفضول قتلها لدرجة ما جاوبتش على كلام سلمى و ما سمعاتوش أصلن ..سلمى : [ كتمرر يديها حدا وجهها ] هيييييهو واااا نورسين وااااا العماالةنورسين قفزات و شافت فيهانورسين: شنو ؟؟؟سلمى : فين سهيتي ؟؟ نتي معانا و لا مع غانانورسين : [حنحات] لا انا معاك غير دماغي مخربق و صافيسلمى : مالك ياك لابس ؟؟؟ ياكما عندك شي مشكلنورسين : لا ماشي مشكل غير هو واحد اللعيبة ما بغاتش دخل ليا لراسيسلمى : شنو هي هاد اللعيبة أتينا بيهانورسين : هانتي سمعي و حلي معايا ودنيك هاد نهار يا لالا كنت هابطة مع با محمد و انا نشوف واحد الراجل جديد سكن عندنا فالعمارة كان واقف حدا باب دارو ياختي كااايحمق و كان عريان انا شفتو حواليت اوا و شوية ياااالالا مراة سيدي كانشوف واحد البنت خارجة من دارو و عنقاتوسلمى: [هزات كتافها ] و فين المشكل ؟؟؟ شنو ما فهمتيش فهادشي ؟؟ سيد عايش فعمارتكم و معيش معاه مرتو و لا ختو و لا صاحبتو و لا شي وحدة من عائلتو انتي اش مشا ليك ؟؟؟نورسين : و تسنااااي المشكل ماشي هنا و المشكل فديك البنت راها أكبر خبيرة تجميل فالمغرب كاميليا بنيسسلمى بقات كتشوف فيها و هي تطلقها بواحد الضحكة و قربات لجبهة نورسين كتقيس ليها درجة الحرارة بيديهاسلمى: لااا لااا الحرراة هي هاديك معتدلة و لكن بحال طحتي على راسك خاصك شي طبيب عرفتي كانعرف واحد طبيب غزال ديال المخ بالحق انا نوريك طريق و نتي خلصي راه ختك حااازقة كن كانو عندي و الله حتى ندير فيك هاد الخيرنورسين : وا الزعتر راني كنهدر من نیتي بنتلك كنتفلاسلمى : راه غير تشابهت ليكنورسين : واش انا كانقول ليك شفتها بعيني اللي غاياكلهم دود و نتي كاتقولي ليا غير تشابهت ليك واش انا غانغلط حتى لهاد الدرجةسلمى : ياكما نظاظر خاصك تبدليهم أحوبي ؟؟؟نورسين : سلمى ما كنضحكش راه كنهضر معاك بنيتي شفت كاميليا بنيس مع داك الراجل اللي جا جديدسلمى: سمعيني احبيبة هانتي قلتيها كااااميليا بنیییییییس فخامة الاسم تكفي اش غادي تجي دير فعمارتكم ؟؟ تصبغها مثلا اه وكانت مع راجل من الفوق وبما انه عايش فعمارتکم راه فقيييير و هاديك احبيبة راه کتمشي غي مع اللي لابس عليهم و و الله و ماكان الراجل كيشقشق و عندو الملايير فالكونط ديالو ما ضرب معاه الضربة هاديك احبيبة ما كتعرفش شي حاجة سميتها الأحياء الشعبية هاديك عايشة فالهاي كلاس ما كتشوفش لتحت فهمتيها دابانورسین: اوا هادشي الليي ما بغاش يدخلك لدماغك هو نفسو اللي ما بغاش يدخل لدماغيسلمی: راه غير تشابهت ليك أ حوبي غالبا [قربات و باستها فحنكها ] حيدي هاد الافكار من بالك غانمشي نشوف خدمتي لا يجي داك الباطرون يصبني انا و ياكانصارفت سلمى تستف الكتوب وتنقيهم من الغبرة وبقات نورسين واقفة حدا لاكيس هادي هي الخدمة ديالها كانت حانية راسها كتستف القلومة و الستيلويات اللي كانو حداها كانت ساهية و كلام سلمى كيتكرر فودنيها و كتقول راه غير تشابهت ليها إقتانعت نوعا ما بهاد الكلام ...فنفس الأثناء وقف حدا لاكيس واحد الشاب خدام معاها فنفس المكتبة سميتو كمال المكتبة كانت كبيرة بزاااف و جاية فسونطر ديال المدينة و كانو فيها العديد من الموضفين المكتبة فيها طبقات و كل طابق مكلف بيه واحد و كمال من العمال ديال المكتبة و لكن كمال بالنسبة لنورسين شي حاجة فشكل شي حاجة مميزة حيت كايعجبها بزاااف نقدرو نقولو هو الكراش ديالها من زمان منين حطات رجليها فهاد المكتبة عندها إعجاب كبير إتجاهو و ما تكرهش شي نهار يخطبها كيبقى حلم من أحلامها اللي كتمنى شي نهار يتحققو هو زينو عادي مثل اي رجل مغربي عربي مهلي فراسو ولكن من البعيد کيبان عندو کاریزما وانسان مثقف و لكن هو ما عمرو شاف حتى فيها و حتى من السلام عمرو قراه عليها بخلاصة ما عارفها حتى واش عايشة و لا ميتة ...كمال بانت ليه مشغولة حنحن باش تشوف فيه و نطق سميتها بصوت خافت ...كمال : نوورسين