قصة جبل - نورسين ( بالدارجة المغربية )

💛 الفصل 88💛

جبل نورسينالجزء 442:سلمى طلبات من يعقوب يوقف السيارة و داكشي اللي دار ركن السيارة بجنب الطريق خرجات سلمى و ضربات الضورة و طلعات حدا نورسين من الجهة المعاكسة لجبل مدات يديها عنقات نورسين جانبا..بينما نورسين غير كتبكي و تشهق أخيب حاجة هي الخلعة اللي كتفشل الركابي ؛ انتابتها هيستيرية بكاء و كتردد بين أحضان سلمى بخوف ...نورسين: ما..عمري نسكن بوحدي فشي دار ما..عمريسلمى مررات يديها على دراع نورسين بحنان بقات فيها حيت هوما سباب ديال هاد الحالة اللي وصلات ليها ، سلمى هزات عينيها شافت فجبل بأسف و نطقات محاولة تهدن نورسين و تخرجها من الحالة الهيستيرية اللي دخلات فيها ...سلمى:شوووت ما عمرني غادي نخليك بوحدك غير تهدني دابانورسين زادت فبكاءها بطريقة دمرات جبل أكثر و أكثر و قالت بقهرة ...نورسين: كن غير بقيت مع جدي و جدتي ما عمر غادي يوقعلي هادشي وليت كنخاف أسلمى بزااااف عاونينيمع كل كلمة كتنطقها نورسين جبل كيشعر بأحاسيس مؤلمة حقا كتنتابو حالة من الجنون الثوران التخبط الإنهيار و التبعثر و الإحساس بالدنب زاد مرضو ما عرفش شنو يدير باش يخفف عليها و فنفس الوقت معصب حيت كطلب من سلمى المساعدة وهو بحال شي حيط حداها ما تسوقاتش ليه الشيئ اللي زاد كمل عليه لدلك التافت لنافدة الزجاجية و غمض عينو ما بقاش باغي يشوف فيها حيت كلما كيشوف دموعها كيبغي يقتل راسو كل كلمة او دمعة تفوهات بيها كتفطر قلبو و كتقطع شرايينو ....ما هي الا دقائق قليلة حتى كانو وصلو لفيرمة ركن يعقوب الطوموبيل و هي تقفز نورسين رجعات مخلوعة من أبسط الاشياء ...سلمى: بسم الله عليك هاحنا وصلناجبل فالبلاصة حل الباب ديال الطوموبيل باغي غير يهرب ما قادرش يشوف فعينيها بعدما كان هو سبب فحزنها بهاد الشكل ...نزلات نورسين و سلمى من المقعد الخلفي عاد نزل يعقوب من موراهم ...نورسين حطات راسها على كتف سلمى و زادت بيها سلمى معنقاها جنب حتى دخلو للفيلا لقاو غير الظلام حيت كانت الوحدة د الليل و كلشي ناعس ... فالبلاصة شدات فيد سلمى بخوف و هي تنطق سلمى ...سلمى : تهدني أنا حداك ما عندك مناش تخافي يعقوب شعل الضو دغياتقدم يعقوب بسرعة و شعل الضو عاد إرتاحت نورسين و تهدنات رجعات كتخاف من الظلام بزاف ...سلمى: خاصك ترتاحي طلعي لبيتك تنعسي و نساي داكشي لي شفتي واخانورسين حركات راسها بنفي و نطقات بترجي ...نورسين: سلمى عفاااك نعسي معايا هاد الليلةسلمى ضراها قلبها على نورسين كتحس بدنب ندمات كاع علاش شاركت معاهم فهاد اللعب الباسل حركات راسها بالايجاب و جاوباتها بموافقة ...سلمى : واخا أحبيبة مصاب غير تنساينورسين : إن شاء اللهطلعات سلمى مع نورسين لبيت سلمى حيت هو اللي قريب بدلوا حوايجهم لبسو بيجامات نوم عبارة عن ديباردور مع شورط ساتان و نعسوا فوق الناموسية ...سلمى : اجي عندي اماما أجيسلمى عنقات نورسين عندها و كتحس بيها مرعودة و خايفة غير هي و راسها لدرجة ناضت تبكي تاني كلما كتخايل داكشي اللي عاشت فالشقة كتمرض فدماغها ....سلمى: صااافي أنورسين طيبتي عينيك بالبكا و الله نساي شوية ياك حتى انا كنت معاك و شفنا داكشي بجوج و ما درتش هاد الحالة اللي دايرة نتي فراسكنورسين: ما قدرتش أسلمى راه داكشي كيخلع أصاحبتي وانا كنخاف غير انا و راسي بقا غير نشوفهوم قداميسلمى: اوا صافي حتى نتي ماشي نتي اللولة و لا لخرة اللي وقع ليك هادشي كل دار عندها ماليها غير كاينين ضريفين اللي مخبعين و كاين اللي كايبانو عادي وحنا مسلمين و عارفين داكشي كاين ياك مدكور فالقرآن حمدي الله اللي غير شفناهم و ما صيفطوناش لثلث الخالي كن راهم دابا واخدين عبيد عندهمابتاسمت نورسين و ضحكات فوسط دموعها و هي تنطق سلمى بابتسامة ...سلمى: اوا هاكاك ضحكي و نساي شوية و نعسي راه هادي الوحدة د الليل واش بغيتي يخرجونا عاود هنا ديال بصح تاني هههنورسين: الله يستر هاهي غادي تنعس و لكن ما طفيش ضو عفاك خليه مشعولسلمى: واخا غير غمضي عويناتك و رتاحي دابا ما تفكري فحتى حاجة