قصة جبل - نورسين ( بالدارجة المغربية )

💛 الفصل 96💛

جبل نورسينالجزء 489:نورسين حركات راسها بالايجاب و الابتسامة ما فرقاتش وجهها من ديما كلامو شبيه بعصاة سحرية كتنسيها همومها و تثلج صدرها برقو عينيها بسعادة خاصة بعد تلقيها جرعة من طاقة الإيجابية كلامو لامس قلبها و خلاها تفاءل و تحس براسها قادرة تدير شي حاجة فحياتها و هدا هو الحب الحقيقي كيرفعك للأعلى ماكيهبطكش للأسفل ....ما فيقها من شرودها غير جبل اللي قال بابتسامة باهتة ....جبل : الا زدنا دقيقة هنا غايضرنا راسنا بالحرارة دونك زيدي قدامينورسين ابتاسمت بسعادة و تقدمات للأمام و جبل تبعها من الخلف حتى دخلو لوسط الفيلا و هي تسمع جبل قال ...جبل: عجباتك الدار ؟؟ ارتاحيتي فبيتك ؟؟؟ ولا تبغي تبدلي ديكورنورسين التافتت شافت فيه حركات راسها بنفي و جاوباتو بهدوء ...نورسين: مشاء الله الفيلا غزالة و حتى البيت عجبني بزاف و الله شكرا بزافجبل : [ بابتسامة ] واش سانية كونطر مع شكرا كل جملة قلتيها كتلصقيها فيها ما فهمتشنورسين قهقات بصوتها الأنثوي خلات قلبو كيتمايل داخل صدرو و عينو تسهى فشفايفها حتى قالت ...نورسين: و دابا راه لاصقة ففمي هاد شكرا و نتا تستاهل شي حاجة أكثر من شكرجبل جر ليها حنكها حيت كتسطيه و كتجيه كيف شي بنيتة صغيرة كتكلم حريفاتها ابتسامتها عويناتها اللي كيتغمضو مع ضحيكتها شعرها كلشي فيها يوحي على أنها بنوتة ضريفة كيوت يليق بها دلال ....جبل: غانطلع لبيتي الا بغيتي شي حاجة طلبيها من الخدامة واخانورسين حركات راسها بالايجاب فحين جبل انصارف و نورسين حطات يديها على خدها و كتفكر حركاتو معاها ربما هو كتجيه عادية و لكن هي كتلعب بكيانها كأنثى بحال فاش جر ليها خدها ولا فاش كيمسح دموعها و كيحط يدو على خدودها و لا فاش كيمسك يديها هادو كلهم تصرفات كيخليو قلبها يتراقص داخل قفصها صدري حقا كتحس براسها بحال شي بنيتة صغيرة و هي بين يدو عقلها بيه محتار و روحها ليه غير هو معاه كتحس براسها فوق نجوم بقوة السرور اللي كيدخل على قلبها المحروم من الحب و الحنان و العطاء و الاهتمام و التشجيع و الطاقة الإيجابية ؛ صعدات نورسين لبيتها حلات الباب و اتاجهت لسريرها تزدحات عليه و عضات على شنايفها الحب داير لعبتو معاها كتحس براسها مخدرة بلا مخدر بقوة الأحاسيس السعيدة الموجودة بداخلها ....فحين جبل ما كانش أقل منها فهاد النهار يوم مميز بالنسبة ليه حضنها جوج مرات و اعتارفت ليه بأسرارها و الاكثر من هدا بغات تبقى ديما بجنبو شنو غايبغي أكثر من هاكا طلع ليه المورال و حس بنشوة منين دخل لبيتو و هو كيدندن الإبتسامة ما فرقاتش وجهو لدرجة شعر بالحرارة مرتافعة بداخلو لذلك قرر يهبط للمسبح باش يمارس رياضتو المفضلة أ لا و هي سباحة .....هبط فالدروج لابس غير شورط فالأسود نايك مع كلاكيطة رجالية فنفس اللون و من سوء الحظ داز أمام مطبخ الفيلا الشيئ اللي خلا الخادمات يلمحوه و يدوبو دوبان خاصة فاش شافو جسدو الرياضي اللي كيخلي ريق أي أنثى ينساب بين ثغرها لشدة وسامته لذلك نطقات إحداهن .....هدى: واش شفتي لوز أ ختينجوى: اختي هاداك راه البرقوقسليمة: الكركاع أخوتيبسمة: ها لوز ها البرقوق ها الكركاع و عيقتو هاداك شي حاجة ما دايراش انا اللي ما بغاش يتفهملي علاش جايب لينا ديك سفود البرادعية لدار لا صدر كي البنات لا طرمة دايرة كي البوطو ديال ضو تفو شنو عجبو فيها اخوتي فاش كان الزهر كيتفرق ما عرف فين كنا حناهدى:كنا فالكوزينة كنشقاو أحبيبتي مول المليح باع و راح و جبل داتو ليكم و جلسوا حالين فمكمسليمة: ما عرفت زعما شنو تكون دايرالو ياكما موكلاه مخ ضبعبسمة: حنا أحبيبة لي عندنا مخ ضبع اما هاديك خيتي دايرة كي لفعة تلوات عليه ما تعرف شنو دارتلو فقيها صحيحمنال سمعاتهم و ما عاجبهاش الحال حيت شادين نميمة فجبل و كيهضرو على نورسين بطريقة شريرة نابعة من قلب حسود ...منال: كلها كايدي لي مكتابلو و نتوما هاكا غادي تبقاو ديما محسدات اييخ على بنات نتوما اللي مطيحين دل علينا كونو تآمنوا بشي حاجة سميتها القضاء و القدر و دخلو سوق راسكم غادي تفرقوهوم غير بعينيكم عيب هادشي اللي كديرو فيههدى: شفتك نتي دغيا تصاحبتي معاها شنو زعما كتشري بلاصتك و لا كيفاش راه ما كاينش شي محسادة قدك احبيبة نتي دايرة كيف ديك تاتة اللي كتلون حتى نكون ما كنعرفكشمنال: اش غادي نقولك الله يهديكم حيت نتوما مراض ما غاديش نزيد نهضر معاكم والا درتي بحال الاحمق باش فتيه الا كنتي نتي خايبة ماشي ناس كلهم بحالكهدى: [متقات ] غادي نمشي ندي لموسيو جبل الفوطة باش نتهنا من شي كمامرسليمة: نوبتي انا اللي نديهالوهدى: عفاك خليني نمشي نمتع عويناتي اللي ما شرا يتنزه الميمة أ سليمةسليمة: لا اختي علاه مالك نتي كتسمحيلي فنوبتك غادي نمشي انامنال: لا حول و لا قوة الا باللههدى: شفتك نتي كثرتي من دكر الله كي الحمال ياكما تشيرتي اولا كتحاولي ديري فيها فقيهة ههههه