قصة جبل - نورسين ( بالدارجة المغربية )

😊 الفصل 48 💛

جبل نورسين الجزء 221:نورسين ما داتهاش فهضرتو تصمكات كتشوف غير فيدو اللي كتقطر بدم و كتخيب ملامح وجهها ...نورسين: جبل عفاك فين كاين الألكول و لا عرفتي شنو غانهبط عند ماما ياسمين تعطيني دوابغات تمشي و هو يشدلها دراعها فالبلاصة سهى فعينيها لعدة ثواني و نطق بصوتو رجولي الحنون بهمس ...جبل : شنو درت ليك باش تعدبيني هاكا ؟؟نورسين بقات كتشوف فيه مدة ما فاهماش هضرتو رغم ان طريقة اللي كيهضر بيها بورشاتها و عينيه باين فيهم حزن كبير و لكن هي علاش غاتعدبو ما فهماتش شنو بغا يقصد بهضرتو ؟؟ ...نورسين: كيفاش كانعدبك ؟؟ شنو درت ليك أنا ؟؟جبل صرط ريقو بصعوبة و جاوبها بعد مدة صمت ...جبل : ما عرفتيش علاش ؟؟نورسين حركات راسها بنفي مستغربة من هضرتو ..نورسين: فهمني راه ما عارفاش علاش كتهضرجبل : [ بحزن مخفي ] كنقصد الألكول باغا ديريه ليا على الجرحة غايضرني ما غانبقاش فيك ؟؟زهقات ابتسامة من ثغرها على كلامو ، ابتسامة خفيفة بردات عليه آلامو و نساتو فجروحو كاملة كنسمة خفيفة داعبت قلبو المرهف بعشقها ..نورسين : ضحكتيني و الله و شنو تبقى هاكا بيديك مجروحةجبل : و شنو ندير مع قلبي المجروح هادي عشرين عامنورسين بقات غير كتشوف فيه بطريقة مستغربة من كلامو الغامض اللي ما كتفهموش كيفاش قلبي مجروح هادي عشرين عام واش كيتسطى عليها و لا كيهرب ليه ريزو مرة مرة و الله ما كتبقا فاهمة فيه والو شي بعض المرات ...نورسين: جبل و الله ما كنفهم شي بعض المرات شنو كتقصد بهضرتكجبل : [ تنهد بألم ] كنقصد قلبي كيضرني منين كنت صغير و مزال ما لقيت ليه دوانورسين : واه واه عاد تفكرت كنتي قلتي ليا بلي قلبك مريض ما يكون عندك باس الله يشافيك خاصك طبيبجبل : ما عندوش دوانورسين: [ بصدمة ] كيفاش زعما واش غاتموت الا ما عالجتيهش ؟؟جبل : [ بعيون دابلة ] تمنيت الموت و ما لقيتهاشنورسين تأثرات بكلامو لدرجة تجمعو دموع فعينيها ما استوعباتش بلي جبل الشخص اللي دار فيها هاد الخير كامل يكون كيعاني من مرض مزمن ما عندو دوا بقا فيها بزاف لدرجة حسات بإختناق فصدرها ...نورسين: [ بحزن] واش عائلتك عارفة بهاد المرضجبل : كلشي عارف و هاد المرض نهار على نهار كيطور و كيدمر كل خلية فيا لداخل مالوغزموننورسين : [ طاحت دمعة من عينيها ] ما يمكنش ما يكونش عندو حلجبل فاش شاف ديك دمعة اللي طاحت من عينيها عاد تواكض و رجع لوعيو ما كان عارف راسو شنو كايقول بحال ترفع باغيها غير تحس بيه و يلمح ليها ساعة حرام واش بغات تفهم ما توقعش غاتأثر لدرجة تبكي عليه واخا هاكاك مكانتو فقلبها بدات كتبان ليه بهاد الأمور البسيطة ...حط يدو على كتفها و قال بابتسامة ...جبل : شووت غير كنضحك معاك عندو دوا أ بنتي عندو و الله حتى عندو غير ما تبكيشنورسين فرحات منين عرفاتو غير كيضحك اللهم يبكيها بمزاحو ولا يكون كلامو صحيح و يمشي يموت لا قدر الله سبحانه و تعالى ...نورسين: خلعتيني عليك والله حرام عليككلامها اللي كتنطقو بعفوية منها كيخلي دقات قلبو يتخربقو و عقلو يطير من راسو كأنه مخدر بقوة النشوة و الأحاسيس الرائعة اللي كتزرع بداخلو بلا ما تحس كتشعل بداخلو براكين هائجة و بكلمة منها كدوبها و كترجعها مجرد قطعة جليد...كتخليه يحس بأحاسيس مختلفة ما بين دقيقة و ختها رهقات قلبو غرقاتو فحبها تربعات على عرش قلبو ملكات داخلو إستعمرات كيانو أي بلد فاش كيبغي يستعمر بلد آخر كيحتاج جنود أقوياء و طائرات حربية و العديد من الأشياء و لكن نورسين استعمراتو بدون أدنى مجهود منها الجنود ديالها هوما نظراتها و القنابل ديالها هوما كلامها و تصرفاتها العفوية...على يدها تعلم الحب و العشق و الهوس كيف يدير ما يموتش على أدق تفصيل فيها خاصة هاد الاهتمام ديالها به كيزيد يفشلو أكثر و أكثر و كيزيد يغرقو فبحر الهوى ...جبل: قلبي نتي دواه أ نورسين