قصة جبل - نورسين ( بالدارجة المغربية )

💛 الفصل 80💛

جبل نورسينالجزء 399 :لحظة سكون إجتاحت المكان و كلمة "مراتي " كتكرر فودن نورسين بوتيرة سريعة تأبى توقف عينيها كيرمشو قلبها كينبض بقوة لدرجة كتحس بصداع فراسها ما بقاتش عارفة و لا فاهمة هادشي اللي كتعيش فيه جبل واش كيبغيها و لا غير واش عندو مشاعر إعجاب إتجاهها ولا لا ؟؟و شنو علاقتو بكاميليا ؟؟ عارفاها بنت خالو و لكن واش فايت ليه كان معاها فعلاقة سابقة ما عارفة والو و لكن هاد كلمة مراتي كتلعب على مشاعرها كأنثى و كتزعزع ثبات كل خلية فجسمها ....بينما كاميليا كان إحساسها خايب و بشع و قبيح بزاااف شحال قاصحة تشوف شخص اللي نتا كتبغي و اللي صبحتي مريض بيه بين قوسين كيخرج من فمو كلمة " مراتي " و كيوجهها لإنسانة أخرى كأنه يلقي برصاص على روحك و كيغرس خناجر مسمومة فقلبك ..يا ريت كن قتلها و ما تسمعش من فمو كلمة مراتي اللي موجهها لإنسانة أخرى باين كيبغيها بزاف ولا ياكما غير باغي يفقصها باش تبعد منو شنو غايعجبو فنورسين و هي إنسانة فقيرة عادية ما عندها حتى مستوى دراسي و هي جميلة عليها و كلشي متمنيها كاين شي خلل فالموضوع جبل ما غايكونش كايبغي نورسين غير فقط كيكدب عليها و خاصها تأكد من هادشي ....كاميليا ابتاسمت بكل ثقة و عطاتو بالضهر تمشات حتى وقفات مباشرة مع نورسين وجها لوجه و نطقات بصوتها الأنثوي الحامل بين طياتو حقد كبير .....كاميليا : مبروك عليكم تهلاي فيه ما غاتلقايش بحالوهبطات نظاراتها الشمسية حطاتهم فعينيها و عطاتها بالضهر و خرجات من الباب و مشات بحالاتها ...نورسين شافت فسلمى و كتحس بدوخة من نهار دخل جبل لحياتها تقلبات و ما بقات عارفة راسها من رجليها نقلات بصرها لعند جبل اللي بان ليها متجه لعندها حتى وقف اونفاص ليها عم الصمت بيناتهم عينيهم فعينين بعضياتهم و نورسين كتمنى شي تفسير لهادشي اللي وقع . حتى نطق جبل بكل ثبات و هدوء رجولي بعدما ربع يدو ...جبل: نورسين سمحي ليا على الكلمة اللي قالت ليك كاميليا كانت باغا تستافزني و انا عطيتها علاش كتقلب كنعتادر ليك بالنيابة عليها الا جرحاتكنورسين تنهدات بحزن ما عرفاتش علاش حسات بدموعها باغا تسيل هي كانت باغا توضيح على ديك كلمة مراتي اللي خرجات من فمو واش كيعنيها و لا غير باغي يغيض بيها كاميليا واش هي بصح كاتعني ليه شي حاجة فحياتو و لا باغي غير يدير الخاطر لجدو و جداتو و يتزوج بيها افكار كثيرة كتحوم فعقلها ما عرفاتش كيفاش تعبر عليهم اكتافت بصمت و حنات راسها ماقالت والو . و لكن موجات الحزن اللي فعينيها قدر يستشعرها جبل ما عرفش مالها ...جبل : نورسين مالك ؟!نورسين هزات عويناتها من الأرض و تنهدات و بقات ساكتة خجلات تقولو شنو كاتعني بكلمة مراتي و علاش ديما كيقولها ليها قدام كاميليا ما بقات فاهمة والو إكتفت فقط بالصمت ....جبل تجرأ و حط يدو فوق كتفها و قال بكل حب ...جبل : نورسين واش بقا فيك الحال من كلامها هممنورسين حركات راسها بنفي و بقات ثابتة كتشوف فيه بداخلها كلام كثير و لكن ما عندهاش الجرأة اللي تخرجو كتسناه هو ياخد الخطوة و يشرح ليها شنو كيقصد بكلامو واش كيعنيه و لا غير باغي يفقص كاميليا ...قاطعهم صوت سارة اللي كتبكي و تشهق و كتحك فعينيها رجعاتهوم حومر و هازها عبد المالك فيدو الشيئ اللي خلا جبل و سلمى و نورسين يلتافتو يشوفو فيها ....سلمى: سارة مالها ؟؟!عبد المالك: لقيتها جالسة فالدروج كتبكي قالتلك توحشات ماماها و باباهاجبل تقدم عندها بخطوات بطيئة و خدها من عند عبد المالك هزها عندو ...جبل: بغيتي نتقلق منك اولاسارة حركات راسها بنفي و كتشهق بطفولية ...جبل: صافي بغيتي تمشي عند ماماك و باباك و تخليني بوحدي ما بقيتش فيك هممجبل حط نيفو على نيف سارة و كمل كلامو بحب قصد تهدئتها ...جبل: باركة من البكا و لا غادي نتقلق منكسارة عنقاتو و قالت بكل حب طفولي ....سارة:كنبغييك أعمو جبلجبل: وانا نموت فلي يقول عمو جبل تبغي تمشي و تخلي نورسين بوحدها همم ما تبقاش فيكسارة : كاين نتا معاها و كاين جدو عبد المالك و جداتي ياسميننورسين تقدمات عندهم بخطوات بطيئة و مررات يديها على شعرها و قالت ...نورسين: و لكن انا بغيت سلمى تبقى معايا حتى هي و الا داتك خاصها تمشي معاك و انا ما نبقاش فيك ا سرسورة هممسارة ضورات وجهها شافت فيها و قالت بمشاكسة ...سارة : نتي معاك عمو جبل كامل و باغا سلمى من نيتك ؟!جبل ضم سارة عندو و قبلها من خدها و شاف فنورسين و قال بمزاح ...جبل : شفتي ابنتي عندها نعمة و ما مقدراهاش