قصة جبل - نورسين ( بالدارجة المغربية )

💛 الفصل 53💛

جبل نورسين الجزء 248 :صدمة كانت قوية على نورسين منين شافت الكادو اللي تعطى ليها من طرف رشيد مليوح فالما كانت فرحانة بزاف و فلحظة هبط ليها المورال لتحت صفر حسات بالبكية بالخنقة ندمات علاش عطاتو ليه من لول باغا تغوت و لكن ما قدرات دير والو ملامح وجهها بقات جامدة هاد الهاتف ما كانش مجرد هدية و إنما هو شي حاجة خاصة تعطاتها من صديق طفولة اللي عاشت معاه أجمل أيامها ما عرفات ما تقول إكتفت فقط بالصمت و كتشوف فداك السطل اللي طاح فيه التيليفون أحاسيس خايبة تجمعو بداخلها و لكن ما تقدر تقول والو ....بينما سلمى بقات غير حالة فمها فجبل عرفاتو دارها بالعاني ما توقعاتش غايطيح ليها تيليفون فالما هنا تأكدات بلي الغيرة قتلاتو غلباتها الضحكة ...بينما جبل شاف فنورسين و مع صدمة مزيفة نطق ...جبل: سمحيلي بزاف ماعرفتش شنو وقع حتى طاح ليا نعوضك إن شاء الله بما أحسن منونورسين هزات عينيها فيه و قالت بنترة مقلقة منو حيت هو سبب باش طاح ليها التيليفون اللي كانت فرحانة بيه و بزاف عاد ...نورسين: عادي الغلط كيوقع ماشي مشكلنورسين حولات نظراتها لرشيد و قالت بحزن ...نورسين: دابا ضاع ياك أ رشيدرشيد صرط ريقو بخوف عرف القضية فيها إن و كأن جبل كيوصل ليه بلي تصرف اللي دار من اللول غلط و ما كانش خاصو يعطي ليها تيليفون من الديبار عاد طلعات معاه و عرف راسو شنو دار و فهم بلي خدمتو مشات حيت رشيد ماشي مكلخ عارف جبل غايكون دارها عن قصد و ماشي طاح ليه بالعاني كأنه كيوصل ليه الميساج بلي مشيتي فيها بطريقة غير مباشرة. خاصة أن نظرات جبل قاصحين و بزاف عاد و سنين و هو خدام معاه ما عمرو شاف فيه بهاد الطريقة ...رشيد : اه اختي ضاع محال يتصلحتنهدات بحزن و جاوباتو بقهر فصوتها ...نورسين: سمحليا مرة اخرى أ رشيدشافت فجبل بنظرات فشي شكل كأنها كتقول ليه حرام عليك بدون صوت نظرات عيونها قصحاتو فقلبو الشيئ اللي خلاه يقرب ليها و قال بصوتو الحنون بأسف ...جبل : سمحيلي غانشري ليك ما أحسن منو غير ما يبقاش فيك الحالنورسين تنهدات و جاوباتو بصوت فيه نبرة حزن...نورسين: مادرتيهاش بالعاني عادي مكتاب عليه شنو غانديرو ما تحتاجش تغرمو صافي مشا الله يهنيهنورسين حشات يديها فدراع سلمى و قالت ...نورسين: يالاه نمشيو أ سلمىسلمى حركات راسها بالإيجاب و شافت فجبل و إبتاسمت و نطقات بمزاح كأنها باغا تنشط هاد الجو المشحون ...سلمى : راك غاتغرمو لصاحبتي بأحسن تيليفون كاين فسوق هانا فين علمتكجبل حرك راسو بالإيجاب و قال مع إبتسامة لسلمى ..جبل : ما تحتاجيش توصي دي سارة و سيرو غادي نلحق عليكمخرجات نورسين و سلمى و سارة من الإسطبل و بقا جبل متبعهوم حتى إختافاو على أنظارو عاد ضار لعند رشيد اللي كان حاني وجهو لارض ما كيشوفش فيه حيت عارف راسو مكبتها نيت ....جبل ربع يدو و بصوت رجولي قوي يثير رعب كأنه ماشي هو اللي كان كيتحدث مع نورسين بحنان و بنبرة صوت منخفضة شخصيتو كتقلب مية و ثمانين درجة فالبلاصة ....جبل: شنو هاد المهزلة اللي لقيتك داير ؟؟ هممرشيد هز راسو شاف فجبل و حرك راسو بنفي و جاوبو ...رشيد: ما درت والو أسي جبل كنت داير خدمتي حتى جاو عندي البنات و ...جبل : شوووت بلا ما تكمل انا كنهضر على البورطابل اللي عاطيه لنورسين ياك هضرت معاك و قلت ليك ما تطوفش بساحة نورسين كاينة و لا لا ؟؟رشيد : و لكن انا غير بقات فيا حيت قالت ليا ما عنديش تيليفون و ...جبل قاطعو بنبرة غاضبة مع صوت مرتافع ...جبل : يبقى فيك غير راسك نورسين انا قاد بيها ما تحتاجش تعطيهارشيد : سمحلي اسي جبل الا تخطيت حدودي معاها ما كنتش عارف بلي عندك علاقة معاها و ....جبل : بلا ما تزيد الهضرة الله يرحم الواليدين ماشي شغلك نكون فعلاقة معاها و لا مع غيرها مالوغزمون أ رشيد ما سمعتيش لهضرتي و غانضطر أنني ما نخليكش هنارشيد صرط ريقو بخوف و قال ...رشيد: واش غاتجري عليا أسي جبل و انا ما داير والوجبل : أنا ما كنظلمش أ رشيد ما سمعتيش لهضرتي راك ما غاتبقاش هنا واخا تنطابق السما مع الأرض و لكن غاتبقى خدام عندي وجد حوايجك غانصيفطك لمزرعة ديالي اللي كاينة فلاميغك ..