قصة جبل - نورسين ( بالدارجة المغربية )

💛 الفصل 97💛

جبل نورسينالجزء 496:جملة عفوية تلقائية خرجات من ثغرها بدون ما تلقي ليها بال و لكنها حدثات أعاصير فقلب الشخص الواقف أمامها اللي كيموت على كل حرف خرج من بين شفتيها فما بالك "i love you" توقف الزمن عندو للحظات يا ريت لو تعيدها و تكررها حقا قلبو متعطش بزاف و ما كيرتوي الا بسماع كلمات مماثلة من ثغرها خلات قلبو يرتاجف من الاعماق غراق فبحور هاد الجملة لأنها ليست مثل اي جملة فهي جملة ارتاجفت ليها أركان قلبو و هتزو ليها جدران عقلو جملة ما كانش وقعها على مساميعو هين بل زلزلات كل خلية داخل جسدو ؛ جملة * i love you* خلات أثر عميق بداخل شق الأيسر من صدرو رغم أنها ما قصداتهاش بمعناها الحقيقي و لكن الأهم خرجات من ثغرها ليه و هدا يكفيه ....هبط عينو لأرض و بقا ساكت ما عرف شنو يقول فقط مستمتع بلحظة و جملة أحبك اللي خرجات من بين ثنايا ثغرها بلغة أجنبية كتكرر فمساميعو بوتيرة بطيئة كلحن راقي كيطرب قلبو و عقلو و روحو معا ....نورسين فاش شافتو ساكت كملات كلامها و قالت ...نورسين: و كانعرف hello ؛how are you ؛i'm fine thank you كانعرف عاود good morning ؛ good night صافي هادشي اللي كانعرف فلونݣليجبل هز عينو من الأرض و حرك راسو بالايجاب و قال بلطف...جبل: مزيان راك كتعرفي الأساسيات ماغانلقاش معاك مشكلنورسين فغرات فاهها و نطقات بعفوية بلا ما تشعر ...نورسين: اويلي واش من نيتك جاوك هادو أساسياتجبل ابتاسم و مد يدو قرصها من حنكها و قال بحنان ...جبل: تعلمي تفتاخري براسك مهما يكونو إنجازاتك قلال و مهما يكون مستواك بسيط الا كانو ناس كيحبطوك نتي ثيقي فراسك حيت تغيير خاصو ينبع منك ماشي من شخص آخر الله سبحانه و تعالى قال {إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ}نورسين هزهزات راسها بالايجاب كتحس براحة نفسية ديما كلامو كيعطيها طاقة إيجابية و وقود باش تحرك و تنجز و تعطي و تخدم من ديما كلامو كتحس بيه كيرفعها لأعالي القمم و كيزرع بداخلها عزيمة و إرادة قوية باش تنجر فحياتها و تبني مستقبلها حقا كانت محتاجة شخص بحالو فحياتها شد فيديها و وفر ليها الحياة سعيدة اللي عمرها ما طاحت فبالها و لا كانت متوقعاها في يوم ما كتمنى تكون ديما عند حسن ظنو و ترفع ليه راسو كيفما عطاها قيمة داخل المجتمع و وفر ليها عائلة و جو مريح غاتخليه يفتاخر بيها ....بغات تجاوبو و هو يسمع جبل تيليفونو كيصوني كان محطوط فوق طاولة الخشبية اتاجه لعندو هزو طلع ليه اسم يعقوب شاف فنورسين و قال بلطف ...جبل:: سمحي ليا واحد دقيقة و نرجع عندكنورسين: [ بابتسامة ] خود راحتكبعد جبل عليها ببضع سنتيمترات دوز الخط و هو يسمع صوت يعقوب ...يعقوب :أهلن ببا جبل افين اسي العريس حسك مقطوع ياكما درتيها و اعتارفتي ولا ياكما هزيتي نورسين و هربتيجبل : شنو بغيتي لاش معيط ليا ؟؟يعقوب : كتبان كاعي ياكما قطعت ليك شي لقطة مع تويشية ديالكجبل : راك عارف بلا ما نهضر ما تبقاش تعيط ليا بزاف كانكون مع نورسين ما تبقاش تقاطعنييعقوب : دابا درتيها فجيب حنا رجعنا غير مثقلين عليك درتي المراة و نتا تقلب وجهك هادي هي صحبةجبل : يعقوب و الله ما مسالي ليك و ما عندي ݣانة لهضرتك كانت عندك شي حاجة مهمة قولها ما كانتش سير بحالكيعقوب : عيطت باش نطمن عليك و صافيجبل : يطمن عليك خير je me sens hyper bien حمد الله واش انا معايا نورسين فدار وحدة و بغيتيني نكون كاعييعقوب : هاكاك زها ليا مع راسك تستاهل أ الخوادري عيش ليا الحياة ما تخممش حتى شركة الأمور ناضية فيها المطعم و الاوطيل كلشي على مايرام ما ترفد هم كون لينا غير فرحان أسيديجبل مرر يدو على لحيتو و قال بلطف ...جبل: و الله ما عرفت شنو كنت نقدر ندير بلا بيك الله يسمح ليا منك هاز عليا نص ديال الحمل ربي اللي غايجازيك عليهايعقوب : الله اودي ما بناتناش أ عشيري يالاه نخليك دابا سير تمتع ليا مع راسك و عيش الحياة au revoirجبل: الله يعاونفحين نورسين بمجرد ما لمحات جبل انصارف باش يتكلم فالهاتف حطات يديها على جنبها و كتفكر فكيفاش تحيد الكسوة و تبقى غير بالمايو الأبيض خاصها طبق نصائح سلمى باش تقرب منو و لكن كيفاش غاتقدر تبقى حداه هاكاك و هي كاتحتارمو و كتخجل منو بزاف بقوة التفكير حسات بالعطش بغات تشرب و ما لمحات عينيها غير الكوكتيل المتواجد فوق طاولة يصحاب ليها غير عصير اتاجهت لطاولة الخشبية مدات يديها هزات كأس الكوكتيل الكحولي و هبطات عليه و مع كان بارد عجبها بزاف واخا مداقو جاها لادع و مار و لكن طفى ليها العطش و هدا الأساسي غير دارية بلي شربات مشروب كحولي قوي و غير رشفة منو قادرة ترفعك عن الواقع فما بالك كأس منو .....