قصة جبل - نورسين ( بالدارجة المغربية )

💛 الفصل 115💛

جبل نورسين الجزء 615 :نورسين اتاسعو عينيها بصدمة و نطقات باندهاش مجاوباه ...نورسين: علاش كاتصرف معايا بهاد الطريقة ؟؟؟جبل التافت شاف فيها و بملامح صارمة نطق ...جبل : حيت هادي هي الطريقة اللي كتستاحقينورسين شافت فيه ديك شوفة ديال " اهاه " و قالت ...نورسين: لا واش من نيتك كدوي ؟؟؟جبل بقا ساكت ما جاوبهاش موجه انظارو للامام فحين نورسين نطقات بثقة ....نورسين: واش انا كنتحاسب معاك فاش كاتخرج مع جوريجبل التافت شاف فيها و قال بعصبية هو الاخر ....جبل : ما تبقايش تقارني ليا جوري مع استادك حيت الاوضاع مختلفة تماما ما تحاوليش تبرري الافعال ديالك اللي ما عندهم لا اساس من صحة مع شي حاجة كتخصني كيفما انا عندي صديقة و كنعتابرها ختي حتى نتي عندك صديق اللي هو ربيع و فاش منعتو عليك و قلت ليك ما تهضريش معاه حيت مشيتي معاه لعرس فوسط شماكرية و عرض حياتك للخطر و لكن انور شنو محلو فحياتك باش تخرجي تشربي معاه قهوة واش عارفة بلي نتي مراة مزوجة و لا ما عارفاش و لو انا و ياك ما عايشينش بحال كوبل مزوج و لكن على الاقل بيناتنا احترام اللي خالي علاقتنا زوينة طول هاد المدة و لكن بتصرفاتك الغير عقلانية كتخوني هاد الاحترام اللي بيناتنانورسين نزلات عينيها اللي كيدمعو و نطقات بحزن ...نورسين: حشومة عليك تعاملني هاكا نقدر نكون غالطة و لكن ما عمري بغيت نخون ثقتك و لا نضيع الاحترام اللي كاين بيني و بينكجبل : راكي ضيعتيه و هدمتيه بتصرفاتكنورسين بقات ساكتة مدة عدة ثواني و قالت بهدوء ....نورسين: الا كنت انا هدمت هاد الاحترام اللي بيناتنا و انا ما نسوا ما نصلاح نتا ما مجبورش باش تبقى متحمل اخطائي و شخصيتي المزفتة اللي ما عندها اساس من صحة ماشي بضرورة تبقى متحمل مسؤوليتي حيت كنتي سبب فداكشي اللي وقع ليا مع عائلتي صافي نتفارقو و كلها يشد طريقو باش تبقى مرتاح واحد بحالك ما يستاهلش وحدة بحالي و..جبل ضرب بيدو على الفولون قفزها حتى قطعات كلامها و رجع شاف فيها بعيون غاضبة هاز حاجب و مهبط لاخور هز صبعو موجهو لوجهها بتحدير و بصوت خشن و نبرة قاصحة نيت نطق .....جبل: ما شكيتش عليك انا غانبقى متحملك مدى الحياة باخطاءك بالعكس ديالك بكلشي فيك نتي مسؤوليتي انا و الفراق ما نعاودش نسمعو خرج على فمكنورسين شهقات بحرقة و نطقات بحزن ....نورسين: علاش ؟؟؟جبل جمع صبعو و التافت شاف فنافدة الزجاجية و رجع شاف فيها و قال بصوت مرتافع أكثر ...جبل: ماشي مجبور نبرر ليك كلامي و لكن اللي ما فهمتش انا علاش خنتي ثقتي و خرجتي مع راجل للقهوة ما كتربطك معاه حتى علاقة واش ما جيتش فعقلك حتى ثانية و نتي معاهنورسين جاوباتو بصوت مرتافع هي الاخرى تعصبات و طلعات ليها عيشة ....نورسين: و راه قلت ليك ما قصدتش و زايدون خرجت مع استادي ماشي مع صاحبيجبل مرر لسانو على شفايفو ابتاسم بطريقة مستفزة و نطق بصوت مخيف ....جبل: لا كن غير درتيها باش ندخل للحبسنورسين مدات يديها بغات تمسكو يدو و لكن ما خلاهاش بعد يدو و قال موجه نظراتو للامام و بصوت يكسوه الحزن نطق ..جبل: علاش انورسين عزيز عليك تجهليني واش انا عمري قصرت معاك فشي حاجة ؟؟؟نورسين حركات راسها بنفي و دموع من عينيها نازلين على خدها دمعة ورا دمعة و قالت ....نورسين: وا غير سمعني بعداجبل: اللي كان خاصني نسمعوا سمعتوا عرفتي باش حسيت فهاد اللحظة حسيت بالخيانة أنورسين عرفتي الاحساس اللي كيشعر بيه الاب فاش كيصيفط بنتو تقرا و كيلقاها سالتة وواقفة مع دراري فراس درب نفس الاحساس كنحس بيه دابا نفس الاحساس عرفتي داك الاب فاش كيفيق بكري و يضرب تمارة باش تقرا بنتو و توصل و يشوفها فاعلى المرااتب باش فالتالي يجي و يلقاها ضاربة ليه كلشي فزيرو وهي ما مسوقاش نفس الاحساس كنحس بيه فهاد اللحظة شنو درتليك باش تجازيني هاكا غير قولي ليا شنو درت ليك ؟؟؟نورسين: و راه هادشي اللي كنحاول نوصل ليك من الصباح مشيت مع استادي ماشي مع صاحبيجبل دوز يدو على لحيتو و شاف فيها بنظرات حادة و قال بصوت مرتافع ....جبل : ما تعاوديش تجبدي كلمة صاااحبي على فمك و فنظرك نتي واش كاين أستاد غادي يديك لكافي غير هكاك علاش كتصرفي من دماغك علاش ما فكرتيش فيا و عيطتي ليا بغيت نفهمنورسين: [بنرفزة ] نسيت ما تزيدش فيه غلطت اه متافقة معاك سمح ليا ما غانعاودشجبل: لا غير عاودي عرفتي شنو انا عيييت معاك و اللله العلي العظيم الا عييييت صبري تقادا حتى لهنا و براكة صوتك ما نسمعوش