قصة جبل - نورسين ( بالدارجة المغربية )

💛 الفصل 37💛

جبل نورسين الجزء 161:بلا ما يشعر قرب لفمها حتى بغا يبوسها غير بوسة خفيفة و هي تبان ليه كتكمش ملامح وجهها فالبلاصة ناض وقف و زير على يدو تلف و داخ دابا كن تهور و دارها كن ما عمرها ثيق فيه على بونت كان غايتفرش و يخرج على راسو ...بينما نورسين فتحات عينيها شيئا فشيئا حتى وضاحت ليها الصورة و بان ليها جبل واقف على راسها و هي تقفز من مكانها ...نورسين : جبلجبل : [ حاني راسو باش ما يضعافش ] شفتك تعطلتي و خفت تكون وقعات ليك شي حاجة دقيت شحال من مرة و ما سمعتينيشنورسين عجبها الحال كيفاش محتارمها و حاني راسو حيت هي ببنيوار زاد عجبها تصرف ديالو و داك الصورة ديال انه زلال و ما يسواش بدات كتزول من بالها بتاتا حيت كل مرة كيبين ليها بلي هو ولد ناس و أهل لثقة و كن ما هو كن راها فشانطي كن كان شي حد اخور كن لاحها و قالها ماشي سوقي ولكن هو دافع عليها و خرج نيابو فيهم كاملين و لاحظت ان اي واحد كان كيقول عليها شي حاجة كيبغي يطير عليها و هادشي خلاه يزيد يكبر فعينيها كأي أنثى كتلمس الأمان فشي رجل و انه كايحميها كتبدا تميل ليه بلا ما تشعر ...نورسين : [ بتعب ] سمح ليا نعست و نسيت راسيجبل هز راسو ببطئ و شاف فيها و قال ...جبل : تعلمي ما تطلبيش سماحة على اي حاجةنورسين ابتاسمت بتعب و هو يبان ليها اوليفر ضهرات ابتسامة كبيرة على وجهها بلا ما تشعر ناضت كتطير من فوق الفراش وقفات و تحنات بركابيها و كتشوف فيه بحب و هو يهز يديداتو كيفما فكل مرة كيشوفها حطات حتى هي يديها على قدمو الامامية كأنها تلقي تحية عليه و عنقاتو و بقات تبوس فيه ...نورسين : توحشتك بزاف بزافبعدات عليه كتشوف فيه و داك الكياتة ديالو كاتسالي معاها رجعات عنقاتو كأنها كتستمد منو الحنان اللي فتقداتو و جبل كيشوف فيها واخا ما عاجبو حال و لكن عارفو عزيز عليها و ماشي عبثا جابو ليها حيت عارف الحيوانات الأليفة معروفة بلي كتزول الإكتئاب و فالدول المتقدمة كيعتمدوها كعلاج لناس اللي عندهم إكتئاب خافها تدخل فشي حالة نفسية خايبة و لكن جاب ليها اوليفر باش يونسها و يقلل من داك الحزن اللي كتشعر به ....اتاجه نحو الباب و خلاه معاها و قال بغيرة ...جبل : لبسي حوايجك و خرجي تفطريسد الباب و انصارف خلا غير نورسين مع اوليفر زادت عنقاتو و حتى هو كيحك راسو مع داتها عاجبو الحال ؛ ناضت من الارض و جرات الفاليز ديالها حلاتها كتقلب على شنو تلبس بان ليها تيشورت كحل و سروال تجين هزات ملابسها داخلية بغات تحل البينوار ديالها و هي تلمح اوليفر كيشوف فيها و هي تنطق ...نورسين : ضور وجهك خليني نلبس حوايجي حشومة تبقا كتشوف فيا و تبارك الله نتا راجل بقا خاصك غير زواجبقا مبرقق عينو فيها و طالق لسانو جاب ليها الضحكة و رجعات قالت ...نورسين : نسيت نتا كتفهم غير سبليونية و لكن ماشي مشكل غاتبقى معايا حتى تولي مغربي قحابتاسمت بإرهاق و حيدات بينوارها و بدات تلبس حوايجها داخلية و لبسات حتى الحوايج اللي جبدات و تعجبات من راسها كيفاش كتبتاسم و تهضر مع كلب و لكن فنفس الوقت عجبها الحال كأنها كانت محتاجة لشي حد ينسيها غير شوية من داكشي اللي كتعيشو ....اتاجهت ناحية الباب و شافت فاوليفر ...نورسين : أجي عنديناض من الارض و مشا عندها بشوية حتى وقف قدامها ضهر ليها العجب ...نورسين : يا نتا كتفهم اجي عندي و ما كتفهمش ضور وجهك أ البوكوص امم