قصة جبل - نورسين ( بالدارجة المغربية )

💛 الفصل 92💛

جبل نورسينالجزء 466:ياسمين التافت شدات فيد ليلى و قالت بلهفة ...ياسمين : عفاك عاودي ليا عليه و علاش دخل لتماك كانترجاكليلى هبطات راسها ببطئ كأنها كلما كتفكر بلي هي سبب باش دخل جبل للإصلاحية كتشمئز من راسها ...ليلى: قتل عمو حيت كان باغي يتعدا عليا أ لالا أنا سبابطاحو دموعها و طلعو من صدرها شهقات كتوضح شحال هي حزينة بسبب الحادثة اللي وقعات لجبل ... ياسمين حطات يديها على كتف ليلى قصد مواساتها ...ياسمين: فيها خير ها هو غايخرج إن شاءالله و غايرجع معانا ما تهزيش ليه الهم غانتهلاو فيه هو اللي بقا ليا غانقريه و نعلمو و نربيه أحسن تربية بلا ما تبكي اللي فات مات اللي خرج من الدنيا ما خرج من عقايبها غير هو سعيد علاش ما دخلش فقضيتو ؟؟؟ليلى مسحات دموعها و هزات راسها من الارض شافت فياسمين و نطقات مجاوباها ...ليلى : جبل منين تزاد و حل عينيه على دنيا و سي سعيد راميه عمرو ما بغاه و لا حن فيه حيت تهز فدماغو لدرجة كيقولو بلي نتا اللي قتلتي نورسين كيقولو نتا سباب و ديما كيضربوا و يغوت عليه واخا ما يكون دايرلو والوياسمين حطات يديها على ثغرها مصدومة و حركات راسها يمين شمال و دموع كيتساقطوا من عينيها بغزراة حسات بالشمتة فهاد اللحظة بلا ما تشعر انفاجرت فوجه عبد المالك و قالت بصراخ...ياسمين: ياك كنت قلت ليك نجيبو حفيدنا من عندو شحال من مرة كنت حاسة بلي حفيدي ما عايش مزيان و نتا شنو كنتي كتقولي همم كنتي كتقولي غادي يكون عايش مزياان مع بااااباااه سمعتييييي دااابا شنو كيدير ليه سمعتيعبد المالك : شحال من مرة حاولت نهضر مع سعيد باش يعطيه ليا غير نشوفوه قالي لا و نتي عارفاه محامي و عارف شنو كايدير و قالي الا قربتو ليه غانشكي بيكم للبوليس ونغبركم و كنت كانقول بلي راه عايش مزيان مع باباه و شحال من مرة ديتك شفتيه من بعيد فالمدرسةياسمين : عمري نسمح ليه رزاني فبنتي و دابا بسبايو غانخسر حتى حفيدي الله ياخد فيه الحقعبد المالك: انا براسي كنحس بدنب من جيهتو ما توقعتش سعيد غادي يكون داير فولدو هاد الحالةياسمين: كن من اللول وافقنا على زواجهم كن كاع ما طحنا فهاد الموقف كن بحال دابا بنتي جالسة معانا و كن حفيدي تربي حداياليلى: لالا ياسمين عفاك تهدني الله يجازيك بخير انا جيت عندكم باش تعاونو جبل ماشي باش دابزو و تفكرو الماضيياسمين: و بشحال حكمو على جبل ؟؟ليلى : 8 سنين أ لالاياسمين حطات يديها على ثغرها مصدومة فحين عبد المالك نطق باستغراب ...عبد المالك: ولكن سعيد أحسن محامي فالبلاد ما فهمتش علاش ما دافعش على ولدو ؟ليلى: سي سعيد حماااق أ سيدي فاش ماتت نورسين كيحمل دنب لجبل اللي ما داير لا بيديه لا برجليه عفاكم عاونوه يخرج من تماك الله يجازيكم بخير انا اللي ربيتو و كبرتو بيدي راه انا ولدي هاداك وانا مريضة ما بقالي والو و نموت نمشي بحالي عند اللي خلقنيقبطات فيد ياسمين و كتحس بداتها كتعرق و الحريق كيقطع فجنبها كأن السكاكين كتطعن فداتها نبضات قلبها كيجهادو و آلام فصدرها رهيبة جبدات ورقة من جيبها و سوارت مداتهم لياسمين و قالت بتعب و الم ...ليلى: هدا العنوان ديال داري و هادو وراقها و سوراتها هي اللي كنملك الا مت عفاكم كتبوهالو بسميتو الله يجازيكم بخير و فكروه فيا باش ما عمرو ينسانيياسمين أثر فيها كلام ليلى و عرفات قداش هي كتعز حفيدهم و ضاهر انها كانت مهتم بيه بزاف و حقا هي ممتنة ليها شدات فيديها طبطبات عليها و قالت بحزن ...ياسمين : ما تقوليش هاكا الأعمار بيد اللهعبد المالك: شنو عندك باش مريضة ؟؟ليلى شافت فعبد المالك ابتاسمت بإنكسار و قالت ...ليلى: سرطان فمراحل جد متقدمة و على حساب هضرة طبيب اليوم ولا بعدو غادي يسالي الاجل دياليالعلاج الكيماوي هو إحتراق داخلي جفاف في الحلق آلام في العظام إحساس بأن الطعام بلا طعم شعور بأن الملابس كريهة نار تسري في الاوردة وألم فجائي في الجسد تجعلك تصرخ من شدته اللهم اشفي مرضانا و مرضى المسلمين اللهم إرحم كل من عانى من مرض السرطان واشف من لا يزال يعاني من ألمه أمييين