قصة جبل - نورسين ( بالدارجة المغربية )

💛 الفصل 20💛

الفصل 1: جبل نورسين الجزء 76:سلمى فاقت من سهوتها و زفرات بغضب و عطاتها بالضهر و مشات هزات واحد الصاك كان محطوط من فوق الفوتوي فجنب حطاتو من فوق الطبلة و حلاتو و هي تجبد واحد القفطان أخضر ملكي مصمم خصيصا للالا نورسين ...جبل اللي عطاه لسلمى و وصاها باش تعطيه ليها تلبسو باش ما تحسش بنقص حيت عرف كلشي غايكون مقاد و هي لا ...نورسين بقات مفهرة فمها فداك القفطان اللي فيد سلمى ...نورسين: ديالمن هداك القفطان ؟؟؟سلمى التافتت لعند نورسين و تقدمات باتجاهها و مداتو ليها ليديها و غير بزز ابتاسمت ليها حيت بالها مشغول بجبل ...سلمى : قفطان ديالك لبسيه عرفتك ما غاتكونيش واجدةنورسين : [بفرحة ] وااش بصح فكرتي فيا و جبتيهسلمى بغات تقولها بلي راه هداك اللي من صباح ونتي تعايري فيه هو اللي جابو ليك؛ لسانها كايكلها ولكن ما تقدرش تخون السر ؛ حركات راسها بالايجاب و هي نورسين طير عليها بتعنيقة ما عمرها لبسات شي قفطان ديما كتمشي لعراس كتشوف بنات لابسين و مقادين و ماماها ما كتبغيش تكري ليها و لا تخيط ليها القفاطن حيت غاليين و هوما ما عندهمش كانت من بين امنياتها تلبس شي قفطان مزيون بحال البنات عجبها الحال لدرجة دمعو عينيها كيف شي طفلة ...نورسين: شكرا بزااف أ سلمى كيفما فرحتيني الله يفرحكبعدات نورسين على سلمى و بقات كتشوف فالقفطان و غاتطير بالفرحة ...سلمى: بصحتك الحب هانا غادي نهبط نشوف يعقوب و نرجعنورسين: واخاخرجات سلمى من عند نورسين و سدات الباب عليها و قربات لدروج باش تهبط و هي تضرب فجبل طالع ...سلمى : جبلجبل قرب لعندها و مد يدو بمعنى عطيني تيليفون . سلمى فهمات قصدو و لكن ما قدراتش زيرات على تيليفون ...سلمى: جبل و الله بلاش منوجبل صغر فيها عينو فالبلاصة فهم علاش ما بغاتش تعطيه ليه كيقراها فسما تمنى ما يكونش هادشي اللي فبالو صحيح تمنى لو انه ما يكونش كيفهم تمنى لو انه ما يكونش عندو العقل كاع شي بعض المرات كايقول كن غير كان أحمق ديال بصح و لا يعيش فهاد العداب النفسي و العاطفي ...جبل بقا ماد يدو ليها و عينو تغرغرو بدموع و نطق بصوت خافت ...جبل: كتكرهني ياك أ سلمىسلمى بحال كبيتي عليها سطل ديال الما بارد فاش شافت عينو كيبريو بدموع حسات بقلبها كيتقطع عليه جبل ماشي شخص عادي فحياتهم جبل اخ ولداتو ليهم رحم الحياة جبل كايحسبوه اكثر من خوهم و اللي ضرهم يضرو تخلعات عليه ديال بصح قربات و قبطات فدراعو و قالت...سلمى : خويا جبل واش مزيان ؟؟ عفاك أ خويا الا ما تهدنجبل : [بحزن ] كتكرهني ياكسلمى: لا ما كتكرهكش أ خويا و الله ما كتكرهك و لكن ...جبل فالبلاصة عينو حمارو و الجانب المتوحش ضهر فجأة و غوت بلا ما يشعر ...جبل: و لكن شنووو أ سلمى شنوووسلمى قفزها بصوتو الجوهري المرتفع عرفاتو تعصب ..سلمى : غانعطيك التيليفون و لكن ما تعصبش عفاكجبل حرك راسو بالايجاب باغي غير تعطيه يسمع باش يرتاح ....مداتو ليه و هبطات فدروج ما قدراتش تشوفو فهاد الحالة قطع ليها قلبها ؛ جلس فدروج و دار ليزيكطور فودنو اللي كيخدمو بلبلوتوث بلا خيط و طلق تسجيل سمع الحوار اللي دار بينهم كامل و زير على داك التيليفون ما بين يدو و حط راسو على الحيط اللي فدروج و بقا ساهي فالفراغ و كيحس بقلبو كيتقسم الى أشلاء و قطع صغيرة شعور خااايب و خااايب بزاف كيشبه لنخسة و لكن نخسة قاصحة بزاااف نخسة كتحبس النفس و غصة فحلقو كأن روحو كتطلع منو...بلا ما يشعر نزلات من عينو دمعة كتجري ما كيقدرش يستحمل نورسين نقطتو ضعيف هي الوحيدة اللي تخليه كيف طير فالسما و تقدر تخليه حزين بزاااف كطفل يتيم ...الدنيا بدات تبان ليه ضلام ما يمكنش تكون ما عندها حتى درة حب ليه صعيب الحب من طرف واحد فما بالك الهوس من طرف واحدكيحس براسو ضايع فهاد الدنيا ما بقاش عارف واش دنيا اللي صعيبة و لا هو اللي ما قادرش يتحمل الا كان هدا ابتلاء و امتحان من عند الله فكيعلن استسلامو فهاد اللحظة ما بقاش قادر يتحمل آخر ذرة ديال صبر عندو تقادت ...