قصة جبل - نورسين ( بالدارجة المغربية )

💛 الفصل 119💛

جبل نورسين الجزء 644 :بينما سلمى ضامة نورسين لعندها معنقاها جنب و كطبطب على كتفها قصد مواساتها حيت بقات فيها بزاف نورسين ما هدرات ما تكلمات غير كتبكي حل ليها يعقوب الباب و طلعات حدا ربيع سد عليها الباب و طلع لمكان سياقة ديمارا و قلع فاتجاه الفيلا ديال جبل فحين نورسين بقات حاطة راسها على زاجة و دموعها سايلين على خدها ما عرفاش كيف دير تكبحهم و كأن قلبها اللي كيتحكم فيها ربما تكون زادت فيه و لكن ماشي لخاطرها حتى نطق ربيع اللي كان بجانبها....ربيع:نتي اش هاد الحالة دايرة فراسك ؟؟؟يعقوب جاوبو و قال ....يعقوب: ربيع قلب ستة تسعودربيع نغز نورسين بصبعو باش تلفت عندو منين ما ضارتش عندو نطق ...ربيع : تي فين هي نورسين ضحوكية نشوطية ولا برج ايفل هجروا لوالديك هههسلمى : بعد منها خليها ترتاحربيع: مالي هاز البندير وجالس نضرب بيه فوق راسها هاهي مرتاحة و جالسة بحالها بحالنا غير هو علاش كتبكيسلمى:كن هبطتي كن عرفتي علاش كتبكيربيع: علاه مالي هبيل حتى نهبط لالا اختي انا غير شفت داك بوركابي د راجلها طاحت عليا المادة ما نكدبش عليك آخر مرة نقرب لداك برج ايفل ما شفتيش على ملخة د العصا عطا لهادوك العزارى الي بغاو يتبسلو عليها انا راه يعطيني غير ضربة يصيفطني ناكل كسكو مع جنون ...نقل لنظراتو لنورسين و كمل كلامو ...ربيع : الله الله على صحيبتي ما لها دايرة فراسها هاد الحالة تقطعي فالقلب أ زغبيةجرها عندو حط راسها على كتفو و قال مكمل كلامو ...ربيع : هادي غير شي عوينة و ضرباتكميعقوب: علاه شكون من غيرك اللي تابعهمربيع : سلمى تي أري شي موشوار باش تمسح خناينها غادي توسخ ليا القاميجة وانا غير مسلفها اشداني نعنق الزمر كن غير خليتها حاطة راسها على زاجةسلمى جبدات كلينيكس عطاتو ليه و شافت فنورسين و نطقات ....سلمى: باركة ما تبكي عفاك راه البكا ما مزيانش صافي دابا يرجعنورسين : غير بلا ما تقولو ليا سكتي من البكا حيت راسهم كيهبطو و الله ما بيدي ....ربيع : هاي هاي على الخوينزة حتى هي ولات تعرف كلام الحب و الغرام ما تخافيشاي دابا يرجع و ديرو الولاد و دݣو الوتادنورسين تخشات فعنق ربيع كتبكي و تنخصص مابغاتش تسكت حتى نطق ربيع ...ربيع : صافي طيبتي ليا قلبي ها العار منين كتطفا هاد خيتيسلمى:خاسرة ليها البوطونة هههيعقوب: نتا فين داركمربيع : حطني غير فشي بلاصة هنا انا غادي نكمل على رجلييعقوب:واخاحبس يعقوب الطوموبيل جنب الطريق و قال ربيع بمزاح موجه كلامو لسلمى و يعقوب ...ربيع: تهلاو فهاد المخلوقة الله يرحم الواليدين راه داك برج ايفل كان مفششها بلا قياس بقاو تشريو ليها مرة مرة المصاصات و بيمويات و خرجوها باش تنساه شوية يالاه دوزو بخير هانا مشيتنورسين : تصبح على خيرنزل ربيع و زدح الباب و يعقوب كمل طريقو ...يعقوب : سلمى غادي تمشي معاك نورسين لدارك تبات حيت جبل عاد صيفطلي ميساج قالي هي كتخاف بوحدها داكشي علاش خاصها تمشي معاك و لا نتي تباتي معاها اللي بغيتيسلمى : انا نمشي نبات معاها ماشي مشكل اصلن ما كنتش غادي نخليها بوحدها صحيبتي هاديك نهزها بسنانينورسين : يعقوب عفاك بغيت نهدر مع جبليعقوب : [بأسف ] اخيتي راه طفا التيليفون ديالو حيت غادي فطيارة ما يصلاحشحبس يعقوب الطوموبيل حدا الفيلا ديال جبل نزلوا و خرج معاهم يعقوب نورسين دقات حلات ليها منال الباب دخلات بسرعة فحين سلمى بقات مع يعقوب فالباب ...سلمى: بقات فيايعقوب دوز يدو على شعرو و قال ...يعقوب : غدا غايطلق مارك جديدة ضروري خاصو يصبح تماك باش يقاد الامورسلمى : اوا اش غادير مسكينة تصبريعقوب:اصلن غادي نمشيو كلنا غداسلمى:هاءاوا نقولها لنورسين باش ما تبقاش تبكي على والو ياك غدا غادي نطلعوا عندويعقوب: لا ما تقوليهاش ليها خليها مفاجأة المهم تهلاي فيها احبيبتيقبل جبين سلمى و بعد فحين هاد الاخيرة نطقات ...سلمى: الله و اخيرا اعتارف ليها هي حتى حنا قرب نديرو العرسيعقوب: غير نجيو من اسبانيا انشاء الله كلشي غادي يتصلح و نديرو عرس أسطوري ان شاءالله و ناكل الحلوة اللي كتعجبنيسلمى عطاتو خبطة لصدرو و نطقات ...سلمى : مالك باسليعقوب: [بابتسامة] واخا باسل كتحماقي علياسلمى : امم عقلتي نهار جيتي كتبكي و تنخصص * كتعوجو* زوجوني لسلمى ولا نتاحر كتقطع القلب صراحةيعقوب : سحرتي ليا المهم نخليك دابا بونويسلمى صيفطات ليه قبلة فالهوا و قالت ...سلمى: تصبح على خير أحبيبييعقوب: كتكدبي عليا ببوسة فالهوا و لكن نقضيو بيها حتى يحن مولانا يالاه تهلايطلع لطوموبيلتو و قلع فحين سلمى دخلات لداخل الفيلا صعدات فالدرج و اتاجهت لبيت نورسين بالحلة باش حلات الباب ما لقاتهاش الشيئ اللي خلاها تقرن حجبانها و نطقات بخوف ....سلمى: عنداك تكون دارت فراسها شي حاجة يجي عندنا جبل من سبيليون يدبحنا من الوريد لوريد اشداني نقبل نتزوج بشي يعقوب هو سبابي فعدابي دعيتو لله